|
|
مرحبا بنات………
أولا:عظم الله أجرنا جميع على وفاة حبيب العالم………مو بس حبيب الشعب……..
ووالله اني أكتب هالموضوع وأنا دموعي تنزل………مو عشان نفاق أو مجاملة…لأن في المنتدى محد يعرف من أكون……الا كم وحده……..
بس فعلا ليش نبكي عليه….وهو خاتمته ولله الحد والمنه زينة……… وعارفين انه ان الله اراد يكون في نعيم الاخرة خير وابقى من الدنيا………وهو ان شاء الله عند رب العالمين في جناته………لان ان شاءالله من أهلها…واللي ينبكى عليه…….اللي خاتمته والعياذ بالله شينه……..فنبكي عليه شفقة عليه من اللي راح يشوفه حسابه اللي منتظرة وعذاب القبر وغيره…….
بس بعد من يقدر ما تنزله دمعه ولو وحده عليه…..من ما يبكي عليه……..صغارنا قبل شبابنا وعجايزنا وشيابنا………مع ان صغارنا مو طاولوه(عزالله) سنين طويلة……….بس عمره ما جرح ولا شح ولا عاقب ولا اساء………بالعكس سبحان شلون كان الله يرحمه كامل والكامل سبحانه…….حتى اللي اسأووا له……سامحهم…
تذكرون جريمة القهوة الشعبية…….يوم فجروها……..وصادوهم وبعدين شنو سوى لهم؟؟؟؟؟؟؟عفا عنهم…..مع انهم لو واحد ثاني وحاكم دولة وحاولوا يغتالونه…..كان والله ذابحينهم بالتعزير…..أو حاذفينهم ورى الشمس….
من ما يبكي عليه وهو على قولة أمي (من يوم ما وعينا وعرفنا العلم ما لنا ابو الا جابر)لان جدي توفى وامي صغيرة……..
اي والله بنبكي ونبكي ونبكي………مع انه المفروض نفرح ما نبكي…تدرون ليه؟؟؟؟؟؟؟؟؟؟
لأنه ان شاء الله من أهل الجنة………وخلا الدنيا لأهلها الطامعين ……..
مات…….من كثر الحرات والصدمات………اصدموه وحروه بديرته عسى الله ينتقم له من اللي اذوه……كريم وسخي لأبعد الحدود,,,,,,,,,تذكرون الغزو يا بنات………من كان بيسوي سواته؟؟؟؟؟؟؟؟؟أمير وطالع من ديرته…….وشعبه تطشروا بالعالم كله طبعا الصامدين……..وعلى طول مشى المعاشات وعز شعبه من ذل السؤال………ماهان عليه الكويتين يتشردون……من كثر حبه لنا وحتى الصامدين ما نساهم……..عوضهم أول ما رجع لديرته…..
تذكرون دموعه في الامم المتحده…..والله ما ننساها ……..وليش نزلت…زمن كثر ماهو شفاف وحنون….ماقدر يمسك نفسه من كثر حزنه على ديرته وشعبه……يوووووووووووووووووووووووووووووه…….. كان موقف متنا فيه من البكا…..
آآآآآآآآآآآآآآآآآآآآآآآآآآه……….وآآآآآآآآآآآآ آآآآآآآآآه………..يارب احشره مع الاولياء والانبياء والاخيار في جنات النعيم……….
يارب……….تكفون يا بنات لا تخلونه من الدعاء على كل حزه……وادري منوا بناسيه…..زبس بعد الذكرى تنفع الكؤمنين…….
وسبحان الله على قولة بنات…….المؤمن يكون عليل الجسم…وقلبه سليم……..زوالكافر مثل بوش الاب وصدام والقذافي وطقتهم(اللي عزالله طاولوا الدنيا)اجسادهم سليمة بس قلوبهم مريضة ومتروسة كره وحقد لشعبوهم قبل الباقيين…..
وفعلا نبكي عليه من غلاه ووصله ورحمته وحنانه…….ولاننا فقدنا شي غااااااااااااااااااااااااااااااااالي وصعب انه يتعوض باي كان…ولا أعتقد راح احد يجي مثله……………هو غييييييييييييير وباقي الخلق كله غيييييييييير…….بس عزائنا الوحيد……بأنه ان شاء الله من أهل الجنة……وفي نعيمها……..وفي رياضها ويتنعم ويتهنا فيها,,,,,,,,,,مالا عين رأت ولا أذن سمعت……جنات الخلد……..
واللي ينبكى عليه هو المذنب المخطي والمسئ………..لانه نحاتيه من رب العالمين.بس جابرنا……..اقول وأنا متأكدة انه عمره ما أساء لاحد..بالعكس كان يتبع قول الرسول.في العفو عند المقدره……..
وحتى لما البعض يقول ان شيخكم ما يخاف رب العالمين يتزوج اسبوعيا من البنات وليلة بعدين يطلقهم( ما امسكوا الا هالشغله)………لأني كم مره اسمع هالشغله واتضايق واترفز………واقول بالعكس كان اكثر واحد يخاف ربه.والا واحد في مكانه.يلعب في البنات لعب ومن غير محد يدري وبالحرام والخش والدس..وما أحد كان يقدر يفتح حلقه…بس حاط قدام عينه رب العالمين قبل كل شئ…………. وما كان مثل غيره من الحكام……..ما كان يآخذ وحده غصبن عنها او عن اهلها…….بالعكس كانت اكثر العوايل لهم الشرف بانهم ناسبوه……..وكلن يبي القرب منه…….ومو الكل طلقهم في بنات تموا على ذمته……لين جابوا…..ولانه عمره ما عرف درب الحرام وعشان هالشي كان كله زواج……..بسبب مخافته من رب العالمين…….
تصدقون يا بنات……خدامة رفيقتي سيلانية…….أهلها مصبحينها من صبح……داقين عليها….وتقول امها اللي داقه وتبكي وتبربر عليها بالسيلاني ومنهارة….نادت خدامتها..اشوي الا الخدامة تصيح…….انصرعت رفيقتي على بالها احد من اهل خدامتها فيهم شي…..لانها كانت توه مادرت بشيخنا المغفور له باذن الله…..وباللي صار………الخدامة صكت السماعة بوجه اهلها……..وقالت ماما بابا كبير مال كويت موت…….وصار اللي صار عقب……(السالفة طويلة)بس حبيت ابين انه حتى اللي مو في ديرته عايشين من خيره وحزنوا عليه…….
الله يرحمك…….يا أبونا كلنا………الله يرحمك..ويدخلت جناته بدون حساب يا رب العالمين………..ويارب ثبته عند السؤال…….
واسمحوا يا خواتي بس كنت ابي افضفض……..وان ما عجبكم شي.اسمحوا لي..زوالخوات المشرفات له الحق بأنهم يمسحون الموضوع……
وكلنا في قلوبنا غصه كبيره على شيخنا عسى الله يرحمه ويتغمد روحه الطاهره الجنه يارب
غير انت انت يا شيخنا ارجل الرجااااااااااااااااااال
انت ابو الجميع انت قائدنا وابونا وحبيبنا
رحمة الله عليك والله يصبرنا جميعا
سبحااااان الله انتي تحسين ان هذا الي داااخلج ويعلم الله نفس المشاااعر الي نحس فيهااا ..
يعطيج العافيه كتبتي الي كنت بقوووله وكتبتي كل شي احس فيه …
والله يرحم فقيد الامه هو صحيح انه رحل لكنه باقي في قلوبنااااا 
مع خااالص الود
تحياااتي لج
وكلنا نفس الشعووووووور يالعسل
واحنا نحمد الله ان موتته كانت طبيعيه
من غير مستشفيات وعنايه مركزه ولا شي
ماااات بين اهله واحبابه
الله يجمعنا فيه في الفردوس الاعلى
بنات تكفوون ادعو له يستاهل الدعوة……. لاحد ينسى أمير القلوب……..
وحفظ كرامت الشعب الكويتي في الغزو – فكانو الكويتيين في كل دوله من دول العالم يعيشون حياة رفاهية
فلا ولن نبخل عليه بدعوة صالحة
" اللهم اكرم نزله ووسع مدخله ونقه من الذنوب والخطايا وادخله في رحمتك الواسعة آمين رب العالمين"
ويغفرله ويسكنه فسيح جناته يارب
اذا مانبجي على جابر من نبجي عليه
بعد عمري انغث لين قال بس
الله ياجره ان شاء الله عمرنا ماسمعنا انه غلط على احد دايما مشرفنا ورافع راسنا ومعيشنا معززين مكرمين
واللي خلقنا انج صادقة في كل حرف كتبتيه
يالله انك ترحم شيخنا وأمير قلوبنا .. وتجاوز عنه واجعل الجنه داره..
انا اشهد انه رجل ولا كل الرجال .. ومواقفه ما يسويها الا رجال ونعم الرجال ..
والله ولا أحلف .. ما يجي مثل جابر أحد .. يالله انك ترحمه في أول ليلة بقبره يالله اجعل قبره روضة من رياض الجنة واجعل له في قبره نورا ..
والله مدري شقول بعد .. انربط لساني .. نبكي ونبكي .. وياليت البكي يرده
الله يغفر له ويصبرنا
الله يتغمده برحمته الواسعة ويرحمه ويغفرله ويثبته عند السؤال يارب
اذا عيالنا نفسيتهم اليوم تعبانه حتى بنتي الصغيره تقول وين بيودون بابا جابر
قلت ادعيه بالجنه واحنا نتابع الجنازه ونبجي ونبجي ونبجي