|
السلام عليكم ورحمه الله وبركاته
موضوعي عن الاعراس وعن الي نشوفه بلأعراس نشوف مشاالله تبارك الرحمن العرس من والي يجنن
وحلو ونشوف العجب من لبس من تقديم من بوفيه من دي جي من طقاقه ومن كوشه …..الخ
يابنات اي شفناه هذا كله الي في العرس حلو وجميل والاكثر من رائع لكن انتو شفتو المعازيم
ضيوفكم كله حش ونش وهذي طويله وهذي قصيره على كل هلخساير وتعب في توصيل دعوه
لبيت الضيف يطلع اخر شي صاحب العرس مذوم غير الحجي والقال والقيل هذي شغله بروحها
الشغله الثانيه يابنات الخساير الكوشه بألف الحلو والعصير مو اقل من 500 دينار البوفيه فوق الالف
الطقاقه مو اقل من الف ودي جيه مو اقل من 500 دينار هذا غير الحجز اذا كان في صاله او فندق
ليش هلخساير والاغلب يكون قرض او مجمعه المعرس او احد من اهله طيب ليش اقطه في 5 ساعات
غير بدل خوات المعرس والركظه على المصميمين والمصممات البدله مو اقل من 300 دينار والعروس بدلتها
فوق الالف لا وبعد اجار هذا غير الكاسيات العاريات الي بيحظرون الحفله والذنوب الي بشيلها معاي من
من وراهم ياحلو يابنات القناعه والحفله المحفوفه بينا وبين اهل العروس الفرحه مو بلمظاهر الي ماتجيب
لي الا العين الحسوده والقال والقيل ومن الذنوب اذا وحده جت ولابسه بدله مفسخه جنها لابسه قميص
نوم مو بدله عرس اذا في فلوس زايده اهدوها حق المعرس يبتدي حياته بدون ديون يسافر اهو وعروسه
يستانس افضل من اني اونس فلان وعلان وعوير وزوير وفجج العيون وكله ديون
ياحلو البساطه وياحلو القناعه يابنات
الي عنده عليه بالعافيه
بس الي ما يقدر حرام يبذر ويتسلف
صح الساااااااانج
كل هذا عشان تبي تصير احسن من فلانه وعلانه
الحمدلله والشكر صج القناعه كنز
مشكووووووووره
انا قلت لهم بصراحه ماابي عرس الفلوس انا اولى فيها اسافر اشوف الدنيا احسن لي …ليش اقل فلوس على ناس ماتستاهل اسوي شيء صغير بين اهلي وناس اعزهم احسن لي الف مرة…واللي يبي يتكل خل يتكلم
مشكووووره حبيبتي على الموضوع صج والله الله بحاسبنا على كل هذا….
حلو ان الأهل يفرحون بعيالهم و حلو العرس و النفنوف الابيض بس للأسف المبالغ اللي تصرف عليهم مو حلوه
وللأسف ان الناس بمجتمعنا صاروا حسودين و ناقدين لكل شي سواء عجبهم ولا ماعجبهم لازم يلقون لهم شي ينتقدونه
انا من رايي ان حفلة العرس تكون بالبيت و محفوفه للقريبين و الغالين بس و من غير تكاليف زايده
و الاهم من هذا كله التوفيق من الله سبحانه وتعالى للمعاريس
كل شي معقول حلو .. والاسراف الزايد الله ما امر فيه ,, صج ان نبي نفرح بس اللي ما عندوش ما يلزموش واللي الله مرهي عليه يمكن بس بدون اسرف
انا اخر عرس رحتله كان بالرايه .. الام تقول ان الكيكة بس مكلفه 300 دينار ! و العرس اجمالي 14 الف .. يالله بالله هذا عقل !
كل شي معقول حلو .. والاسراف الزايد الله ما امر فيه ,, صج ان نبي نفرح بس اللي ما عندوش ما يلزموش واللي الله مرهي عليه يمكن بس بدون اسرف |
اما اللي يحطون على نفسهم القروض او يصرفون اللي ميمعينه على حفله كلها جم ساعه و اتخلص اعتقد هالشي ماله داعي …. احسن لهم عن خاطرهم يسوون حفله محفوفه و يعزمون حبايبهم و الل يعزون عليهم و باجي الفلوس يسافرون او يستفيدون منهم بشي اهم محتاجينه احسن لهم ….
و تبين الصج اللي ما عندوش ما يلزموش .
اللي الله مرهي عليهم و يقدرون عليهم بالعافيه
و اللي على قد حالهم خل يمدون ريلهم على قد لحافهم .
و الله الموفق .
مع ان عروسنا نحب الفناتك
يعني انا عرسي سويت وصيفات كانو 18 بنت الخياط طلع علينا شوي دورنا الارخص والخامات الارخص
وكرت عرسي علقت عليه ورده وشريطه هم دورت على الارخص
نفنوفي كان يهبل الخام والخياط طلع علي 700 دينار
وكوشتي كانت تهبل وغريبه ورخيصه وايد
صارلي 4 سنوات متزوجه والكل للحين يتكلم عن عرسي
والحمدلله مااسرفنا فيه
بس ماشاءالله عندهم خير ولا جنهم مسوين شي
يايبه المدخل وفرقه من الهند بس تعزف عند البوفيه والكوشه والبدله اللي فوق 20 الف والمغني اللي قاطه على الواحد فوق ال 25 الف
اشدعوه هالتبذير حتى لو الواحد عنده خير المفروض يحمد ربه ولايبذر
المبذرين كانوا اخوان الشياطين
ويسلموووو
التفاهم بين الطرفين و التفكير في المستقبل
مشكوره اختي عالموضوع
شدعوا فوق 100 الف والله حرام حتى لو عندي حرام مايجوز الله ماامر بتبذير
صج لا قالو العقل نعمه