|
|
بنات عندي شغله ابي استشيركم فيها ما ادري يمكن وحده مرت فيها من قبل
انا من طبعي ما ادور بتلفون زوجي ما احب انبش ولا شي لاني قبل كنت اشوف اشياء و اتهاوش وآخرتها يقول انتي تنبشين من وراي وعيب الحركات هذه و يقلب السالفه فوق راسي .
و اتخذت قرار اني ما ادور بتلفونه ولا امسكه وما علي منه .
وبالفعل التلفون يمي ما امسكه
واهوا انتبه علي وعرف وتاكد اني ما امسك تلفونه كلش
بس المشكله انه مره قال لي ان في وحده طرشت له مسج على تلفونه
تقول فيه انها معجبه فيه حيل و معجبه باسلوبه وكلامه ( عشان شغله اكيد عرفته )
المهم
قلت له وانت شنو سويت ؟
قال : دقيت على التلفون .. وكلمتها عادي وقلت لها مشكووره اختي على الاعجاب هذا و ترا عيب الحركات هذه و حرام وما حرام
وسكر التلفون
المهم بعدها بدقايق ( يقول ) طرشت مسج ثاني : كاتبه فيه انا اسفه و انتي حسستني اني صغيره حيل بتصرفي هذا بس الله العالم اني معجبه فيك حيل
ويقول : ما رديت عليها
بعد فتره انا سالته قلت له ز. ها المعجبه دقت لك ؟ او حطت مسج جديد ؟؟
قال لي لا ما في شي و من كلامه اوحى لي انه نسا الموضوع ( ما ادي نساه صج وله يقص علي )
واهوا نايم اخذت تلفونه
شفت المسجات واخذت رقم الاخت خشيته عندي
شفت الرساله : انا معجبه بشخصيتك !! 0 هذه مسج 0
والمسج الثانيه : عفيه عليك !!
الحين شنو اسوي ؟؟
ليش جذي البنات يرخصون نفسهم .. يعني انتي مو عارفه انه متزوج ؟ مو عارفه انه انسان وراه بيت و حياه واسره وانج قاعده تخربين الحياه هذه بتصرفات مراهقه او تصرفات سااافله مثل هذه ؟؟؟
ولا يمكن مقلب سواه زوجج فيج بيشوف ردت فعلج
.gif "Eh S(14)")
|
المشاركة الأصلية كتبت بواسطة شموخ العجمية
 مدام زوج صراحج اكيد انه مافي شي اكيد ادها مراهقة صغيرة وحدة فاضية
ولا يمكن مقلب سواه زوجج فيج بيشوف ردت فعلج |
لا مقلب مو للدرجه هذه لانه كلش مو فاضي حق مقالب .
تنصحيني اسكت و ما افتح موضوعها مره ثانيه ولا اسأله عنها
انا فكرت اني انسى الموضوع و خلاص
بس و الله مو قادره
قبل شوي فتحت تلفونه واهوا الحين نايم بس ابي اشوف اذا في مسج ثانيه منها بس الحمد الله ما لقيت بس ادري فيه اهوا حريص يمسح المسجات اول باول
ولا تتضايقين في بنات وايد ما يستحون
والله بنات ابليس اكثروا الله يستر على رياييلنا
هالبنات والله ما يخافون لو عندهم ذرة خوف على امهاتهم والا خواتهم جان ما سوو جذي ما تدري انه الحوبة بتلحقها بأعز الناس عندها والا بنفسها استغفر الله العظيم شي يفور الدم
البنات يخونون و الشباب يكلمون على حريمهم
موضه 2024 و 2024
بنات يخربون بين المتزوجين بالسوق تتحرش لج بالمتزوج لو مع مرته
و شباب يخزون المتزوجه من تحت لي تحت لو مع ريلها او ساعات اشكره
ياانها بالدوام او من قرايبه
وبكل الحالتين اكيد يعرف اسمها الكامل واهلها
واذا عرفتيهم دقي عليها وهدديها انج تقولين لاهلها
ا
انا صارت معاي نفس القصه وحده معجبه بزوجي بالدوام وتلاحقه بالرسايل والاتصالات
اخذت رقمها وخشيته عندي وبينت له اني مو مقهوره ومستانسه من صراحته لين قال كل المعلومات عنها
واتصلت فيها لعنت خيرها وهددتها اقول لاهلها اذا مابعدت عنه وفعلا نجحت هالطريقه
والله يكون بعونج
|
المشاركة الأصلية كتبت بواسطة أم أحمد كول
عاد انا اليوم قاعده اسولف مع امى وخواتى عن هالموضوع .. عن البنات اللى يكلمون متزوجين .. ليش ؟؟ ياربى وين الاخلاق ؟ وين الدين ؟؟ وين الحيا ؟؟ وااى حدى انبطت جبدى .. والله انا اقول دقى عليها وعطيها كلمتين بالعظم خلا تستحى على ويها شوى ..
|
لا لا لا لا يا أم احمد مو جذي الطريقة انا رايي من راي الأسطورية ان تشاوره يغير خطه علشان البنت تتأدب او لا تفكرين حبيبتي دلع الكويت ان تنبشين ورا ريلج او خصوصا بهالفترة بالذات اهتمي بنفسج لدرجة الينون علشان حته لو عجبته البنت الخايسة هذي راح يقارنج فيها او يقول انا شحقا اسوي في مرتي اللي تحبني او الللي كله تسوي و تسوي وتسوي ببنات هالشوارع ؟؟!.gif "Eh S(6)")
االه يخليكم لبعض ويبعد عنكم بنات ابليس اللي ما يستحوون على ويوهم مهما سويتي ما راح توخرينهم او تبعدينهم او مو مع كل زوج تنفع حركة اني آخذ موبايل اللي تتحرش فيه او ادق عليها لا يا قلبي بالعكس جذي راح يقلب السالفة عليج زيادة او اهيا يمكن تكون اقوا من الخوف اللي بتخوفينها فيه او يمكن حتى تهددج او تسلب ريلج منج ((بعيد الشر)) لأن في وحدا اعرفها نفس سالفتج او انقلبت السالفة عليها او بعدين تطلقوا الله لا اييب هاليوم لكم ويخليكم لبعض دوووم مو يوم او يبعد عنج كل هم يا رب آمييييييييييييييين