|
|
قوة بنات شلونكم؟
شكثر اسمع عن فوائد الرضاعة الطبيعية حق الام والطفل
بس اللي ملاحظته انه ما في ناس ترضع عيالها طبيعي مثل الاول
فودي اسأل ليش الامهات ابتعدو عن الرضاعة الطبيعية؟
يعطيكم العافية
هاي حبوبه بصراحه انا رضعت ولدي بس 3 اسابيع بصراحه الرضاعه تعور ويبيلها طولت بال ومالج خلق هالايام واللحين انا حاول اقول ودي ارضع اذا ولدت بس مايندره 
عاد امس ريلي يسألني نفس السؤال…………..؟؟؟
انا على ولدي وبنتي كنت ارضع شويه اقل من شهر وبعد كنت هم ادخل حليب صناعي
وكنت مااتحمل الرضاعه لانها اتعب واتقيييد واتعور والصدر يووورم وعيالي مايشربون الا شوي فاتعب ومااتحمل واترك الرضاعه
لكن هالمره على بنتي قمت ارضعها كله طبيعي واذا اضطريت ان اطلع اعطيها رضعه صناعي
وصرااااحه تحسفت اني ليش ماكنت استمر على الرضاعه قبل
لان سبحان الله حليب الام غيييير فيه كل اللي يحتاجه جسم البيبي بنسبه معينه غير الصناعي
و الياهل ما يبجي وايد والغازات اقل وخفيف على معدته وحتى جسمي احسه رجع بسرعه وضعفت احسن من ولاداتي قبل
وهذا غييير الشعور الحلو اللي تحسه الام واهيا ترضع
فانصح بالرضاعه الطبيعيه صج ماكو عليها
وكنت مااتحمل الرضاعه لانها اتعب واتقيييد واتعور والصدر يووورم وعيالي مايشربون الا شوي فاتعب ومااتحمل واترك الرضاعه
لكن هالمره على بنتي قمت ارضعها كله طبيعي واذا اضطريت ان اطلع اعطيها رضعه صناعي
وصرااااحه تحسفت اني ليش ماكنت استمر على الرضاعه قبل
لان سبحان الله حليب الام غيييير فيه كل اللي يحتاجه جسم البيبي بنسبه معينه غير الصناعي
و الياهل ما يبجي وايد والغازات اقل وخفيف على معدته وحتى جسمي احسه رجع بسرعه وضعفت احسن من ولاداتي قبل
وهذا غييير الشعور الحلو اللي تحسه الام واهيا ترضع
فانصح بالرضاعه الطبيعيه صج ماكو عليها
اتوقع الضروف المعيشيه يعني الحين غالبيه الامهات يشتغلون مو مثل قبل فاذا اهي بتم 8 ساعات بالدوام هالمسكين البيبي على شنو بيتغذا
بس انا اايد الرضاعه الطبيعيه لي عمر متأخر لانه يزيد المناعه
بس انا اايد الرضاعه الطبيعيه لي عمر متأخر لانه يزيد المناعه
انا رضعت ولدي 8 شهور بس وقفت لان قام يعضني
ولم كنت اداوم
شريت الجهاز اللي يشفط الحليب وكنت ازهبه قبل لا اروح واحطه بالثلاجه وامي حبيبتي تسخنه وتعطيه
وانا مع الرضاعه الطبيعيه
لوما يعضني جان كملت
ولم كنت اداوم
شريت الجهاز اللي يشفط الحليب وكنت ازهبه قبل لا اروح واحطه بالثلاجه وامي حبيبتي تسخنه وتعطيه
وانا مع الرضاعه الطبيعيه
لوما يعضني جان كملت
الرضاعه الطبيعيه زينه للام وللطفل انا بنتي ارضعها طبيعي ما شربتها صناعي الا اسبوع من ولادتها والحين اعاني من شغله ان بنتي ترفص ترضع صناعي وتكره طعم الحليب حتى بالعصير يا الله تشربهوالحين وديتها حضانه لاني ادرس وما اخد لها حليب صناعي معاااااااااااااااااااااااااناه ترفض وما اعرف اشلون اعلمها تعبت
والله انا اايد الرضاعه الطبيعيه صج اتحسين بعواربس انا اول مره صايره ام ومستمتعه بالرضاعه الطبيعيه
انصح الكل مو مشكل هاندخل صناعى بس فى حالة الظروره كنتى طالعه لشغل بس ترجعين واتعوضين البيبى اتكثرين من الرضاعه
انصح الكل مو مشكل هاندخل صناعى بس فى حالة الظروره كنتى طالعه لشغل بس ترجعين واتعوضين البيبى اتكثرين من الرضاعه
الرضاعة الطبيعية صج تعب وتقيد بس اول 5 او 6 شهور تنحكرين مع البيبي ماكو طلعة وصج تعب بس هاذي ضريبة الامومة عيل امهات ابلاش ؟
تالي خلاص من يبدا ياكل كل مكان تقدرين تروحين ومع شوية تنسيق تصير متعة مو تعب خاصة لما يكبر البيبي وتحسينه متعلق فيج وما يبي غيرج شعور حلو ..
تالي خلاص من يبدا ياكل كل مكان تقدرين تروحين ومع شوية تنسيق تصير متعة مو تعب خاصة لما يكبر البيبي وتحسينه متعلق فيج وما يبي غيرج شعور حلو ..
انا رضعت بنيتي 3 اشهر وكان ودي اطول بس سافرت ورديت وما بغت ترضع
والله ليومج هذا متحسفه اني سافرت وخليتها وانكرت صدري
الله يرزقني باخو لها او اخت وارضع سنتين
الف الحمد لله
انا مع الخوات
قبل امهاتنا كانوا بالبيت مايشتغلون ولا يطلعون واذا كلج راحت بيت الجيران
اما الحين دوام شغل
مدارس تودين عيالج
طلعات
عزااااااااااااااايم
مناسبات ماتلحقين
الحين الوحده مافيها صبر على كلللللللللللل شي
أنا رضعت كل عيالي طبيعي وأنا موظفة وحتى بعض المرات يصير عندي دوامين بنفس اليوم الصبح والعصر لأني كنت أشتغل في بنك والحمد لله قدرت أرتب وأنظم حياتي على إني لازم أرضع عيالي طبيعي لو مهما تعبت وعانيت كنت أقاوم وأتحمل حتى أذكر يتني أيام كنت أبكي من التعب بس لما أشوف بنتي وإلا ولدي يرضع وهادي بحضني أنسى التعب وأبتسم وأتعوذ من إبليس وريلي بعد قلبي ما قصر معاي كان دايما يشجعني ويخفف عني … كل وحده قبل لا تفكر تحمل لازم تضبط حياتها على الرضاعة وإنها تاخذ إجازه من ست شهور إلى سنتين على حسب ظروفها ولما تصادفها مشكله بتربية البيبي أو الرضاعه تسأل اللي عندهم خبره وتثق فيهم …
والله شقول
في بعض المرات ظروف صعبة تحد الواحد
انا كنت مقررة وملزمة بس ولدي صار فيه بوصفار وقالولي هدي الرضاعه وعطيه صناعي
عادج اطريت ولمن طاب حاولت اردللطبيعي الا الاخ مايبي الا الصناعي
والطفل الثاني كان بالطبيب لي 20 يوم وانا الحليب احتكر داخل من النفسية ومارضى يطلع
مع اني حاولت بشتى الطرق وخفت امرض فخذيت حبوب تنشيف
والله كريم
الله يسهل المرة اليايه
في بعض المرات ظروف صعبة تحد الواحد
انا كنت مقررة وملزمة بس ولدي صار فيه بوصفار وقالولي هدي الرضاعه وعطيه صناعي
عادج اطريت ولمن طاب حاولت اردللطبيعي الا الاخ مايبي الا الصناعي
والطفل الثاني كان بالطبيب لي 20 يوم وانا الحليب احتكر داخل من النفسية ومارضى يطلع
مع اني حاولت بشتى الطرق وخفت امرض فخذيت حبوب تنشيف
والله كريم
الله يسهل المرة اليايه
بنات ما تحسون انه الحليب اشويه بعض المرات مااحس انه يشبع؟
بنات انا كنت اتمنى اني كملت حق عيالي الرضاعه الطبيعيه بس حكمه الله بعيالي 2 بس اطلع من لنفاس يروح الحليب بروحه حتى مع مغويات وحبوب بس الحمدالله رضعتهم بالنفاس