|
|
شلونكم بنات شخباركم
عندي سؤال ومحيرني وحير اغلب الدكاتره ويوقولن اني من الحالات النادره!!!!!
تدرون شنو؟؟؟؟
لما اقرر اني ابي اسوي عمليه اطفال انابيب واراجع الدكتور يمشيني على خطه مدروسه من التحاليل وابر الهرمونات ويتابعني بالسونار يشوف حجم البويضه شلونها كبيره والا صغيره وانا ماشيه معاه بالضبط بالعلاج ومنفذه كل كلمه يقولها
والحمدلله كلشي زين وعال العال والبويضه كبيره وكلشي مهيئ لعملية السحب ..
ولكن بيوم السحب لما يسحب البويضه يتفاجأ الدكتور انه البويضه فاضية مافيها نواة!!!!!!!!!!!!!!!!!!
ويوقف مايكمل حزتها من يكتشف البويضه فاضية مافيها شي مافيها نواة من داخل تصير مثل الكيس الفاضي بدون نواة ومايكمل وتنتهي السالفه واصحا من البنج وانصدم بالخبر صارت فيني هالسالفه 3 مرات ورا بعض ولا احد عارف السبب؟؟؟ وبعد مقابلات الدكتور بالنهاية قالي انه حالتج تعتبر من الحالات الناااادرة!!!!!!!!!!!
يعني انا صرت من الحالاات النادره (الحمدلله على كل حال)….
المهم وقررت العلاج بالخارج وسويت عمليتين الاولى تم تلقيح البويضه وانقسمت مرحله اولى ووقف الانقسام بعدها وفشلت
والعملية الثانيه فشلت بنفس المشكله صارت انه البويضه فاضيه مافيها نواة موطازجه.
وللعلم انه اول زواجي حملت طبيعي بولد وولدته طبيعي ولا مشاكل وعمره الحين الله يحفظه لي 14 سنه وبعدها ب3سنوات حملت بتوأم طبيعي حتى بدون علاج وكانت مفاجأة للكل بس ماكملت فرحتى على نهاية الشهر ال6 تعورت وماعاشو لانهم مو كاملين النمو ومن بعدها الى الان وانا احاول بهالعمليات وماكو شي كله يفشلون واخر شي قالولي انتي من الحالاات النادره..
هذي قصتي واللي تعرف شي عن الموضوع او سامعه من احد تفيدني
ولكم كل الحب والتقدير…
وعسى ربي يرزقج ان شاء الله
انا كتبت موضوع عن الدكتورة اللس قابلتة الدكتورة فوزية الدريع
وقال ان الدياي واللحم بالوجبات السريعة لها علاقة بالهشي فا انتي حاولي تقطعين الوجبات الخارجية
يمكن اهيا لها دخل عالاقل قبل فترة من علاجج
وشربي ماي زمزم وادعي ربج والله الدعء يغير القضاء
ويارب افرح بحمالج قريب
اهو قااادر يعطيج لو الف دكتور يقولك مافى امل ..
توكلى على الله واكثرى الاستغفااااار وصلاه الليل والدعااااااااااااااااء ..
وربى يرزقك ويفرح قلبك عاجلا يارب العااالمين ياكريم.
عسى ربي يرزقج من اوسع ابوابه الذرية الطيبة الصالحة ويعوض صبرج خير اللهم آمين
شلونكم عساكم بخير
بالنسبه للموضوع اللي طرحته
بصراحه انا مو مقصره بالصلاة والدعاء وقراءة القرآن بس الله سبحانه له حكمه في هالشي واكيد انا اجهلها
بس اقول الف الحمدلله على النعمه والصحه والعافيه
والحمدلله انه عندي خوات يشاركوني همي بكل موضوع اطرحه
مشكورين وماقصرتوا والله يرزق الكل الذريه الصالحه عاجلا غير اجل يا رب العالمين
وتقبلو تحياتي
والف شكر