ليش الأجنبية عسل والكويتية علقم؟!!؟

السلام عليكم ورحمة الله وبركاته

اليوم رحت لمنتزه الشعب الترفيهي وشفت أشكال وأجناس وجميع الألوان والأحجام
بس………………….
.
.
.
بس اللي شد انتباهي رجل كويتي طول وعرض والدشداشه آخر شياكه واقف عند كشك للعصير واقفه يمه هالشقره اللي طول ورشاقه يبي بس رضاها ولابسه التنوره القصيييييييييييييييييييرة فووووووووووووووووووق الركبة بوايد ولابسه الدلاغات المشبكه اللي جنها مولابسه شي ماهمها برد ولا شي ولوتشوفون هالكويتي الرزه ما همه أحد ما عدا رضى اللي عنده…….<الله يهنيهم
بعدها وديت بنتي للعبة الكور وقعدت أراقب بنتي واهيا تلعب
أيضا شد انتباهي رجلين مصريين داخل الشبك طايرين بعيالهم يلعبونهم ويصورونهم ويهتمون فيهم كأن الدنيا كلها بين أيديهم………………<الله يهنيهم
.
.
.
.
بعدها قامت الأفكار والأسئلة تدور في بالي؟!؟!؟!؟!؟!؟!
.
.
.
.
ليش الرجل الكويتي مايدلع مرته ويهتم فيها وبعيالها مثل ما يهتم الرجل الأجنبي ؟؟؟؟
ليش الاهتمام يقتصر فقط بفترة الملجه أو أول يومين العسل بس؟!؟!؟!
ليش الرجل الكويتي نفسه لما ياخذ كويتيه يبهذلها ويحط الشروط اللي يبيها بعد الزواج …..ونفسه لما ياخذ اجنبيه (سواء عربية أو ….) نجده يبهذل نفسه علشان يرضيها وبشروطها اهيها …..وفوق هذا ما همه متحشمه متينه ولا مو نظيفه المهم يبي رضاها؟؟؟؟!!!!!
.
,.
.
.
.
.
هل هو بسبب اهمال المرأه الكويتية لنفسها بعد الزواج ؟؟؟؟!!!
فنرى الدلع والتغنج والذرابة في فترة الملجه ولا نسمع منها الا الهمسات
ولكن بعد ما تطيح الميانه تتحول المرأه شيئا فشيئا الى ذكر أكثر من الأنثى فنراها تصرخ طول الوقت وجاهزه للهواش بالذات بعد اعتماد الرجل عليها بكل شيء!!!!!!
.
.
.
.
صراحه سألت نفسي كثيرا ؟!؟!
.
.
.
.
ووضعت أسباب كثيره ……ولكن؟!؟!…..لم أجد سبب مقنع يجعل الكويتي نفسه يعامل المرأه الكويتيه بمذله بينما المرأه الأجنبيه يرفعها فوق (حتى لو لم تكن أفضل من الكويتية)!
.
.
.
أترك لكن خواتي المجال للمناقشة ربما نجد حل لهذه المشكلة التي بدأت تكثر في المجتمع الكويتي
وزواج الكويتي من غيرالكويتية ولأسباب تافهة .

ابا ابقولج راي من وجة نظري لانها كويتية من جنسيتة ويقول غندها ظهر والكويت الله يخليها لنا موفر لها كل شي ماضيع اما الاجنبية يقول مسكينة وفقيرة ويكلون الريال بكلامهم الحلو لين اصير قوية وهو يضعف تهملة مع اني اشوف الكويتيات بعد قلبي ما خلون فناتق مايسونها لزواجهم حتي الكلام الحلو يقولونة فديتهم شحلوهم والاجنبيات ما يسون الفناتق ويدفعون الفلوس علي هل الاشياء يمكن في اشياء اخري ما نعرها او انعرفها0000000000000000ملاحظتي ان الكويتية اهي الي تشتري ما جلت البيت وتودي اليهال المدرسة وخظرت سهران بالدوانية اونايم 0000000000وهذا راي عند
ي اشكثر بقلبي ودي اقوله لكن ماحب الكتابه وايد

لا حتى الكويتيه لما تصير نسره وحشاكم جلبه هم ترا يركض وراها ويدور رضاها اما اذا صارت بنت حموله وسنعه يصبحها بطراق ويمسيها بطراق

هذي الكويتية النسرة اكيد فيها عرق اجنبي اكيد امها مو كويتية

حبيبتياول شي الكويتية هي الي اتسوي ابروحها اجذي تهمل روحها بعد فترة الملجة وتنسى روحها ويكون شغلها الشاغل زوجها واعيالها وهي مالها وقت حق روحها ليشششششش؟؟؟
اهي ادرس واعي اتييب الماجلة وهي اللي اتربي وهي وهي وهي والريال طبعا مستانس منها علشان اتسويله كل شي اللهم ان هو ايروح الشغل وايي البيت وايحط راسه واينام ولا سائل فيج ولا في اليهال علشان يدري انتي شايله كل شي فوق راسج
فلازم ايكون هناك تعاون بينج وبينه انتي لج شغلج ومسؤلياتج وهو له شغلة ومسؤلياته لا اتحطين كلشي عليج هذا الغلط
وبعدين خصص وقت حقج معاه لازم
علي انا فترة المغرب حقي انا وهو بس انيم اليهال وانا وياه نطلع ولازم تتدلعين عليه اذا هو ما ايدلعج مو راح ايدلعج
يعني الغلط مو من الريال الكويتي لا من المرة الكويتية تبي اتصير جونجر جدام ريلها وهذا هو الغلط يا كويتيات

اتفق مع حبيبته انا

ويا اخت صايمه مو كل الكويتيات ملائكه في كويتيات نسووووووورة _03ba:

حبيبتي الكويتية بنت خير و سنع ما ترضى بالحال المايل اما الجنبية تبي تعيش على ظهره و تييب اهلها اهنيه ياكلون و يشربون ببلاش و اذا قالها تكرمون جب انطمت نزلت راسها ضعيفة لا حول لها و لا قوة ما تقدر تتكلم تعرف ان لو بطلت حلجها برجعها ديرتها و بتخسر العز اللي اهيا عايشته

اما الكويتية بتقوله انا لي اهل و اخوان يردون عليك

و بعدين الكويتية مهر و شبكة و عرس طواله ههههههه

الاجنبية 300 دينار و السلام على الله

والله انج صاجه
مشكوره حبيبتي

شاكرة لج مشاركتج

عفيه عليج

بس واللهحتى الجنسيات الثانيه ممكن يهملون نفسهم بس يتم شي يجذبه فيها؟؟؟؟!!!!!!
هل هو اسلوبها معه سواء (بالفراش)….<عفوا
أم……بالكلام المعسول؟؟؟؟؟!!!!

مشكورة اختي على المشاركة

والله اني اعرف ناس بنو بيت أهلهم بديرتهم على حساب هالكويتي
والكويتيه اهني حسره عليها شي يحاسبها على الفلس

شاكره لج اختي مشاركتج

و الله يستاهل كل بحاله راضي و صدقيني عسل على قلبه و لين قالتله الكويتية ابي فلوس حق السوق بشتري ملابس و لا روح اشتر اغراض البيت و الجمعية يعفس الويه تقولين نافخ بويهه ورل هههههههه

تصدقين في اجنبيات يعني عربيات ريحتهم قررررررررررف والله ماتقربين صوبهن
ومع ذلك زوجها مايتعداها وتلاقينها الثانية وماخذها عالسنعه ام عياله

معانا وحدة بالدوام جذي شي لايطاق لاشخصيه لاشكل لالبس لاحاله

استغفر الله والله ماابي احش فيها بنت الحلال بس كله اطالع فيها واقول استغفر الله شنو فيها زود
ياخذها على مرته ؟؟؟؟؟؟؟
والمصيبة يغار عليها ويموت بدباديبها

والله احس يسوون *** في الرياجيل هذا صاحي خشمه صاحي مايشم ؟؟؟؟؟

ترى صج صج في شباب شحلاتهم وحريمهم فلبن والخشم من الاذن للاذن الثانية
ويفتر معاها من سوق لسوق وشايل عياله ومحترم روحه

طيب الكويتيه شفيها ؟؟؟

زين ودلع ودلال وعزة نفس واخلاق وتربية

بس صج لي قالوا صخلة الجيران احلى < شكو مومثل ولايحزنون

اتمنى فكرتي وصلت

الرك مو بس عالريال ولا بس عالمره يعني الطرفين مشتركين بهالشغلة – في رياييل عيال اوادم ويدورون الستر ويدورون البنت اللي من عايلة طيبة واذا المرة حشمت نفسها بغض النظر عن الجنسية اكيد ريلها بيحشمها.

وفي رياييل اللهم سترك يارب مايترس عينهم حتى التراب وهم بغض النظر عن الجنسية – يعني القاعده هذي عامة على كل الدول والجنسيات .

و اعتقد كلنا ما ننكر ان في حريم يلوعون الجبد لا معاملة ولا ادب ولا ديانة ويطلعون الريال من طوره ما وراهم الا الطلبات وهم اقولكم هالحجي بغض النظر عن الجنسية.

وبالنهاية الطيبون للطيبات والخبيثون للخبيثات وصدقوني الطيور على اشكالها تقع بخلاف الوانها وجنسياتها.