|
|
السلام عليكم مرحبا
ابي اعرف كل وحدة فيكم مدة صبرها على زوجها او بمعنى أصح هل تضحي بعمرها وخاصة لاكانت صغيرونة وتوها شابة طالعه للدنيا تضحي مثل مايقولون الزواج تضحية؟؟
بكتب لكم عدة نقاط وبشوفكم تضحون او ماتضحون بحياتكم مع وااحد في كل هالصفات واكثر
* دفش وكلامة شين ومايتكلم بالبيت باسلوب مؤدب كلة يقط سب وشتم وينادي زوجتة بــ كلبة.gif "Eh S(14)")
*بخيل مايعطيك ولافلس احمر الا بعد ماتذلين عمرك له وهذا الشي بالسنة حسنة
*تمر عليك اعياد السنة ومناسبات حلوة وزواج الاقارب وانتي ماحضرتي ولاشي منهم والسبب اما يمنعك تحضرينها او ماشترالك لبس وخزانة الملابس فارررغه من اللبس الجديد واخر لبسة شريتيها قبل سنتين واصلا راح موديلها وتمتنعين من نفسك ماتروحين..
*مايجلس مع زوجتة كل وقتة خارج البيت مايجي غير وقت النوم او قبل ساعه قبل النوم ويقلبها شر هالساعه..
*هو طبعه كذا ..يعني خلقة ربه..يكره كل البشر ..مو لان عنده مشكلة مع زوجتة لالا ..هو كذا طبعه شرس. اخلاقة صفر…غريب تعاملة وماحد يحبة حتى امة اقرب الناس لة تكرهه..خواتة اذا ذكراسمة قدامهم قالو قطع..
*ماينجب اطفال والعيب منة وزوجتة سليمة ومن بخلة مايبي يتعالج لان العلاجات غالية بسبب بخله يقول كذا علما انة لو وظيفتين وغني
*الاكبر اللي يشيب الراس مظطرة تجلسين معه وماتتطلقين لاسباب خاصة جدا جدا
شنو تسوين يامتزوجة(بعيد الشر لو كنتي تعيش مع واحد مثل كذا) كل وحدة تتخيل نفسها عايشة مع وااحد مثل هذا الزوج وتكتب شنو رااح تسوي لو كان زوجها طبعا من غير شر يكون زوجكم هذا الزوج
تفضلو جاوبو لانة يعنيني ردكم كثير
استغرب هذا مو صبر هذا انتحار
استغفر الله ياربي بس يمكن انتي تحبينه حيل ومو قادره على فراقه
اذا حاسه ان ممكن يتغير صبري لكن يعاملج غلط طول العمر مو حلوه بحقج
انا اول شي قريته ينادي زوجته كلبه قلت قويه حدها
استغفر الله .. يبه هذا محد يعيش معاه شنووو كل عيوب الدنيا فيه
مافيه ولا حسنه وحده تشفعله
انا لو مكانهااااااااااااااااااااا مااقعد معاه ثااااااااااااانيه وبعدين شنوو اضحي عشان هذا والله حتى الثانيه من حياتي فيه خساره
طبعا الحل هو الطلاق لأن واحد أخلاقه بشكل هذا لا يمكن ينعاش معاه أبدا هذا إنسان مريض نفسيا
وأي زوجه ترضى بالامر الواقع و تظل مع واحد بالاخلاق هذي أسمحولي
فهي إنسانه غبيه وهبله وماعندها كرامه ولا تستحق الاحترام أو التقدير لأنها ماقدرت نفسها والموت أحسن لها
بس إذا كانت الزوجه ماتقدر تطلق مثلا ماعندها أهل أو أي مكان ثاني تروح له مالها إلى الصبر ثم الصبر
وتحاول طول الفتره إلي بتعيشها معاه إنها تعتمد على نفسها تكمل دراستها وتتوظف وتطلب الطلاق وتستقر لوحدها
ششلون اعيش مع رجال مايحترمني والله ماقعد دقيقه عنده وفيه خير يتكلم
انا ببيت اهلي ما انذليت انذل عنده اهو زوجي اللي مفروض يحميني ويحسسني بالامان ويحترمني
بس كل هالبخل والاخلاق الشينه .. اتحمله على شنووووووو
بس اذا هذه البنت ماتقدر تتطلق ابد وهيا كارهتة وعندها العمى افضل من انها تقعد مع زوج مثلة بس ضروف قوية ماتقدر تتطلق
نصحيها هل تتحمل كل شئ في سبيل إنها تجيب لها طفل
اعوذ بالله هذا فرعون
ساعه
اتطلق
والي بجور علي في بعده
ارحم مليون مره من العيشه هذي
عيشت الذل والمهانه