|
|
لو عشتي (( خيال )) بانج عارفة اطباع زوجج الحالي كلها من الالف الى الياء قبل الزواج
هل تستمرين معاه بالزواج والا تقولين لا و ستوب ؟
لو نقول ان حياتج الزوجية حلم هل تبين يستمر الحلو والا ينقطع و ترجعين للواقع ؟
انا عن نفسي برغم ان مافيه عيوب ضارة كالضرب او الخيانات او الشرب .. الخ
الا اني تعبت اجاريه لسلبيات تتعب و تدمر النلفسية
اولها البرود
ثانيا عشق الديوانية على البيت و الاهل لدرجة ان لو يوم مايروح يكون مو على بعضه وكأن طابوقه على صدره من الهم و الانزواء مع العلم اني تعبت من هالموضوع ولا قدرت اغير فيه شي طيلة هالعشر سنوات
ثالثا : الهدوء و الكلام جربت كل اساليب الكلام و الحوار للاسف ماقدرت اوصل لسالفة جد معاه
لو بتقولون عيوب فيني للاسف مافيني عيب واضح حاولت اوصل معاه لسبب ومافي ويعترف فيني اني ما فيني اي قاصر و انا جميلة بشهادة الكل و رشيقة وقايمة بكل واجباتي من طرف الله حتى لو مالقيت منه اللي يسعدني يكفيني عند ربي كفيت ووفيت
انتوا شرايكم لو تعيشون هالخيال ..؟
ادعي وكثري اللهم اني اسألك رضاك والجنه
الله سبحانه اذا رضا عليج يرضيج وهذا الشي يكفي
عاجبني بحلوه وبمره والحمدلله مافيه عيوب جايده مجرد اختلاف بالشخصيات والتربيه وهالشي يلزمنا نتأقلم مع بعض اما اذا كل واحد حاول يغير الثاني مني تصير مشاكل
فيه عيوب و فيني عيوب محد كامل
عيوبه تساوي حسناته
وساعات انهار منه ومن اطباعه
وساعات اطير من الوناسه
مادري والله بس صج ساعات وايد اتحسف ان خذيته