|
|
شلونكم ؟ شخباركم ؟؟؟ عساكم دوم بخير
موضوعي باختصار ابي اكمل دراستي وماني لاقية من يساعدني لا بنصيحة ولا بمساعده ولا حتى بكلمة يدليني الدرب !
سألت دكاترتي ورحت الخالدية وطريقك مسدودون ! = افتريت وايد بالديرة وماني عارفة شسوي الصراحة !! .gif "Eh S(13)")
ومابقالي الا انتوو يمكن بينكم او بين اهلكم ومعارفكم احد يقدر ينصحني شسوي والله يجزيكم خير حتى لو بنصيحة (خذو الحكمة من اصحاب الخبره .gif "Eh S(15)")
)
انزين خل اعرفكم بنفسي عشان تعرفون موضوعي
انا خريجة كلية البنات الجامعية (اللي مايدلها : كلية من جامعه الكويت موقعها العديلية جدام ستار بكس)
دفعه 20242010
تخصص: ادارة تقنية بيئية
المعدل: 3 نقاط
تخرجت وهدفي اكمل داراستي – وكانت نيتي ماستر هندسة او علوم بيئة بجامعه الكويت كلية الهندسة والعلوم
وفعلا رحت قدمت وسوينا المقابلة وكنا كلنا ننطر النتيجة — وصدمة ما طلعت اسامينا ! شلون ليش ورحنا الخالدية نسألهم شسالفة ؟ قالو ماعندنا دكاترة يبون يدرسونكم وحاليا الطلبة اللي عندنا متوهقين فيهم !
يه والعمل ؟ ليش ما علموتنا من قبل لا توهقونا جان على الاقل غيرنا التخصص ! 
ابد ! ماكو وتوهقنا قعدنا نفكر شنسوي – ماكو الا بعثة امريكا ! انزين احنا بنات حيل صعبة فكرة السفر و3 سنين غربة يعني شبه مستحيلة
اوكي شنو الحل؟ ماكو الا جامعات خاصة ! حرام معدلي وشادة حيلي وخاصة ؟ يلا ورحنا سألنا يبون بما يعادل 7000 الى 9000 دينار عشان نكمل بس ماستر ! وماستر شنو ؟ ادارة اعمال مو تخصصنا بعد
وليه والعمل لا وظايف ولا دراسة شنسوي ؟ .gif "Eh S(16)")
كلمت دكتوري قالي جربي الرسالة – بمصر – اقدم رسالة ماجستير مده 3 سنين بمصر (ما اسافر اقعد بالكويت واتابعهم عن طريق دكتوري)
السؤال ؟ ثقة ؟ فكرة الرسالة صعبه مو سهلة وبعد مو بالكويت انا ماعرف دكاترة مصر و3 سنين على الاقل يعني ممكن تطول السالفة بعد = ؟!!! 
والاصعب من جذي ان عقب التعب راح يقبلون شهادتي ؟ بتكون معترفة ؟؟؟؟؟ وقصدي جامعه الكويت لان هدفي ادرس بالجامعه
والعمل ؟ ما ادري ! دلوني
اتمنى اصير معيده واكمل دراستي … بس جامعه الكويت سادينها بويهي قالولي نطري السنه الياية وقدمي مع طلبة الادارية ماستر تخصص ادارة اعمال واحتمال ما يقبلوني لان الاولية حق طلبتهم 
شسوي امانه عليكم ؟! ماني عارفة وين اروح ومنو اسال
شهادتي تسمحلي اكمل تخصص ماستر علوم بيئة وماستر ادارة اعمال
بس وين اروح ؟ تكفون عليكم الله سالو قرايبكم يمكن يمكن يمكن لعل وعسى احد سامع شي او يقدر ينصحني بشي
ومشكورين وايد على سعه صدركم انكم قريتو موضوعي 
وعسى ربي يوفقكم بحياتكم
والله ماني عارفه بس اظن بما ان دكتورج قالج عن سالفه الرساله بمصر اكيد معترف فيها والله اعلم
والله يحقق لي الي تتمنينه يارب ويسر امورج
الله يوفقج
حبيبتي مادري صراحه ,,
بس ماحبيت اطلع بدون ما ارد عليج و الله يوفقج ويسهل أمورج ان شاءالله يا رب
دلوعة وفرفوشة
منو انا
بي تروو
والباجين ؟؟؟ محد عنده شي يقولي ؟؟
بليز على الاقل تابعوو موضوعي
والماجستير على ما اعتقد مو على طول تكونين في مصر
لان بالنسبه للمجاستير بالكويت بالاسبوعين مره يكون في لقاء مع الدكتور ويصير نقاش عل البحوث مو نفس البكالريوس يوميا
ومصر اذا كانت جامعه حكوميه مثل جامعة عين شمس او جامعة الاسكندريه 100% معترف فيها بالكويت
بس اشلون يعني ما اقبلوكم يعني ما نجحتو بالتوفل والا شسالفه؟
وتقدرين تسألين التعليم العالي اكيد بيفيدونج اكثر
بالتوفيق
|
المشاركة الأصلية كتبت بواسطة jen2n
 اختي ليش ما تكملين بالبحرين او الامارات؟
والماجستير على ما اعتقد مو على طول تكونين في مصر لان بالنسبه للمجاستير بالكويت بالاسبوعين مره يكون في لقاء مع الدكتور ويصير نقاش عل البحوث مو نفس البكالريوس يوميا ومصر اذا كانت جامعه حكوميه مثل جامعة عين شمس او جامعة الاسكندريه 100% معترف فيها بالكويت بس اشلون يعني ما اقبلوكم يعني ما نجحتو بالتوفل والا شسالفه؟ وتقدرين تسألين التعليم العالي اكيد بيفيدونج اكثر |
زين طمنتيني على سالفة انها معترف فيها
نجحنا بالتوفل وفدمنا المقابلة بس عقب كل هذاا بعدين قالو ماكو دكاترة ييستقبلونكم = ! مو عندنا المشكلة عندهم بنظام الجامعه نفسه
مشكووووورة حياتي على مرورج 
|
المشاركة الأصلية كتبت بواسطة زهره الجلنار
الله يعينج عاد انا كنت من مؤسسينها على قولتهم اول دفعه تنقبل بكلية البنات 2024 انا كنت فيها بس الحمدلله حولت وتخرجت من كلية ثانيه لانه صج ينرفزون وكل مانسألهم عن شغله يقولون ماندري ومايعطون جواب يبرد الجبد انا اقول روحي كليات البحرين ولا مصر احسن لج انا بنت خالتي كملت ماجستير بالبحرين والحين قاعده ادرس في التطبيقي يعني معترفين في شهادتها وبعد شهر بتروح مصر اتسجل دكتوراه بس بجامعات حكوميه ديري بالج تسجلين بجامعه خاصه وتقريبا تكلفه دراسه الماجستير بمصر السنه تقريبا 900 دينار
|
اكيد عيل اعرفج او على الاقل صادفتج !
لان انا ثاني دفعه وانتو كنتو تقولون انكم كلكم بتحولون — شجعتونا حتى انا كنت بحول بس مادري شلون ظليت بالكلية !!!!
يمكن كنتي معاي بكلاس الانغلش = اذكر معاي 4 بنات من كلاسي (دفعتج) حولو
بعد عمرييييييييييي فديتج على المرور
بس اي جامعه بالبحرين تنصيحني اروح حدي ماعرف شي هناك
الله يووفقج
اب
اب