|
|
السلام عليكم ورحمة الله وبركاته
موضوعي دعوه للنقاش لو كنتي مسؤله عن مجموعه من العرايس وقالو لج سويلهم منهج يستفيدون منه بحياتهم الزوجيه شلون بتسوينه
انا قعدت بيني وبين نفسي وربطت تجاربي بتجارب صديقاتي وقلت نحط الخطوط الاساسيه للسعاده الزوجيه
منهجي : 3 اقسام رئيسيه
القسم الاول مرحلة البدايه سواء كانت خطبه او ملجه او بدايه الزاج
– حطي الماضي ايا كان بصندوق حديدي وقطيه بعرض البحر
– قعدي مع نفسج قعدة صراحه وكتبيى عيوبج كلهاااااااااااااا بموضوعيه وحاولي تتخلصين منها كليا قبل دخول بيت الزوج
– حطي لج ورقه وقلم وكتبي اي حكمه قيمه تمر عليج
– وطدي العلاقات بينج وبين ربج حييييييييييييل لان هو بس اللي راح يكون معاج جل وعلا ولازم تكونين قدوة لزوجج واعيالج
– في الفتره الاولى كوني مستمعه بصمت وعمق والكلمه اللي تمر عليج سويلها مليون حساب والكلمه اللي بتقولينها سويلها مليونين حساب
الفتره الثانيه : فتره التكيف
-الحين صرتي زوجه لازم تتكيفين مع الوضع الجديد بكل مافيه
من اطباع زوجج اللي مو متعوده عليها
وشغل البيت لان مرحلة الدلع ببيت الاهل انتهت صار وقت الجد
من عاداتج القديمه تطلعين مع فلانه وعلانه والتقلونات ماتسكت منهم
– الخصوصيه وكتمان السر
بيتج حصن متين يحمل بداخله كم من الاسرار لا احد يطلع عليها نهائيا
– الصبر وقوة التحمل
مافي بيت مافيه مشاكل مع الوقت تروح اهم شي الصبر
الامانه
– لازم تكونين امينه على بيته وماله وعرضه واولاده
الاهتمام
– الاهتمام بالنفس وبالزوج والبيت
اتمنى ما اكون نسيت شي
اما المرحله الثالثه وهي مرحلة الامومة والابوة انا ماوصلت لها لحد الان
انتي شنو منهجج ؟
اب لعيونج
انا اايد كلامج ومنطقج تقريبا 95% في وايد شغلات من الي ذكرتيهم قاعده اطبقها والحمدلله رب العالمين الله ميسرلي اموري
بس في شغلات بضيفها واتوقع انها مهمه وانصح كل بنت تتبعها ابداية مشوار حياتها مع ريلها
والي اهي :
حفظي بيتج ولا ادخلين لا قريب و لا ابعيد بمشاكلج او سوالفج الخاصه مع ريلج سواء اهو او اهله
لان باجر عل اقل شي بنتتشر السالفه وانتي الي بطيح براسج ..وباجر بتتصافين مع ريلج وليلحين الاوادم يتحجون فيج..
شغل ثانيه :الوحده فينا اذا زعلت كل تتوقع ان الريال براضيها وياخذ ما في خاطرها..بس مو دايما يمكن اول الزواج بس مع الوقت بطق جبده
وبطنشج..فوسعي صدرج وطولي بالج..
واخر شي اذا ريلج طيب ويخاف الله فيج ..عقولت امهات اول (الارض البارده)..لا تحنين فوق راسه وتكلفينه فوق طاقته اذا اهو مو مقصر عليج باي شي..يعني لا تلزمينه بشي مايقدر عليه ..ومثل ماهو شايلج وعازج حتى انتي شيله و عزه ..وبجذي بتكبرين بعييينه 
تقبلي مروووووري
وانه متبعه كل الي قلتيه.gif "Eh S(6)")
يعطيج الف عااافيه
وكلامج منطقي ومفيد
وازيد علي لو بحط المنهج انا
اهم شي تحكم عقلها مكان قلبها العاطفه تلعب فيها
لانها تخرب بيتها
وان ماتفكر تصيد وتنبش مو من صالحها ابدا
وان تقوم كزوجه بجميع الواجبات لبيتها عشان العيبه لاتطلع فيها
واذا في مجال والزوج مقتدر تكون منعزله عن الاهل وعايشه بمملكتها
والزواره باوصله عشان يكون لها دووووم كل الاحتررام من الطرفين
وبالاخير ومليون مره اقول لها الاهل بعديهم عن حياااتج نهااائيا
واذا فكرت تدخل احد يكون اهل للصلح فقط وكلامه منطقي وما يكون محايد لاي طرف
واصرخ باعلى صوتي لازم تكون صبوره لابعد الحدود وتضحي لجل اسعاد اسرتها
ومره ثااانيه الف شكرلج يالغاليه
1- … لاتسمعين كلام رفيجاتج و بنات خالاتج و عماتج و قريباتج … ظروفج غير ظروفهم و زوجج شخصيته غير شخصيات أزواجهم
2-…. لا تخلين حياتج كلها مكياج و خلطات و أوفر ميك أب لزوجج … و لا تحقرين نفسج و تهملين نفسج و ما تكشخين إلا بالمناسبات .. خليج وسط كشخيله يوم و خليج يوم طبيعيه تفنني جدامه بيوم و يوم خليج روتينيه عادي الزوج بطبعه ملوووووول كل ما تعود عليج بشغله طلع يدور اللي يسويله عكسج
3-… لا تكرهين امه …. لا تسبينها و لا تحقرينها و لا تعاندينها ….. سواء جدامه و لا من وراه …. هاذي أمه حطيها بعيونج
إذا ساكنه عندهم بالبيت يعني عند حمولتج خليج خفيفه مو ثقيله ما اقول تصيرين اراجوز و لا اقول تصيرين عظم ببلعوم
خليج خفيفه يعني قعدتج لها حد مو تبسطين و ما تعطين حمواتج و حموانج مجال ياخذون راحتهم … و لا تصيرين ريشه و تقعدين 5 دقايق و تمشين
4- إهتمي باكله و بشربه .. و احرصي على الابتسامه بوجهه … حرصج على اكله و شربه مو شرط تعودينه إن كل شي تسوينه بيدج بس على الأقل تعودينه على وجودج عنده لمن ياكل .. و تحرصين على التفنن ب نجاب الغدا او العشا….
5- إحترمي اللي يحترمهم .. و لا تسبين او تتكلمين غلط على الناس اللي ما يواطنهم … كل كلمه بتقولينها بتعكش شخصيتج السلبيه جدامه ..
6- لا تصيرين محقق كونان .. لمن يطلع و يدخل …. إلا إذا حسيتي إنه وده يتكلم عن مشواره او دوامه …..
7- مهما ضايقج احد من أهله لازم يعرف عشان ما ينصدم لو صارت هوشه او موقف … بس بنفس الوقت .. لمن تقوليله الشي اللي ضايقج قوليله بطريقه تخليه يتعاطف معاج مو يحط اللوم عليج … يعني الله يهداها إختج اليوم قالتلي هالكلمه و الله اني اعزها .. والله أخوك اليوم ما إنتبه لي ما سلم علي … معذور بعياله بأي شي عرفتي شلون …
8- مهما كنتي مقتدره ماليا و عندج معاش لازم تخلينه يحولج مصرفج الشهري على حساب جديد ثاني و حولي من معاشج ميتين دينار و البطاقه الاصليه خشيها عند امج … عوديه انج مسؤوله منه و لو سالج عن البطاقه قوليله .. علينا قرض و كلنا ملزومين نسدد…
9- حاولي تكسبين أهل زوجج و تحببين أهلج فيهم لاتسبينهم و لا تسبين اي احد جدام اهلج أمدحيهم دايما … مشاكلج مع زوجج حاولي تحلينها معاه بدون تدخل… لكن اذا حسيتي ان المشاكل قامت تطول كرامتج و إنسانيتج كمرأه … دخلي واحد من أخوانج الكبار لاتخلين ابوج ياخذ فكره سيئه عن زوجج
10-سوالفج الشخصيه جدا خليها بينج و بين زوجج .. لاتكلمين عنها لأي وحده حتى خواتج ..
يمكن لازم اوصيها على شغلات مهمه
اول شي انه ديري بالج على حياتج والزواج مو بس طلاعات وكشخه لا الزواج مسؤوليه حلوه
لازم اللي يصير في بيتج يضل في بيتج لاتمشين وتسولفين بريلج بكل مكان
وووشنو بعد مممم
امبيه اذا قلتلها جذيه جني بخوفها لوووووول
ماني قايله لها شي ببارك لها وبسكت اخزها وادعي لها لوووووووووووووووووووووووول
هاذي بالذات المطبه مالتي
فعلا كلامج صحيح واضيف مو شرط تموتين فيها بس عالاقل لا تشيلين عليها لانج راح تهتز صورتج واحترامج لنفسج لما تخلين بحياتج ثغرات يدشون منها شياطين الانس (عن تجربه )
وشكرا لمرورج
بس التطبيق احيانا صعب جدا!!!!!!!!!!!!!!!!
اختاري الوقت المناسب إذا كان عندج موضوع تبين تكلمينه فيه
حطي أمه فوق راسج يحطج فوق راسه
انشالله ما نسيت شي بعد
يعطيج ألف مليون عافيه على الموضوع الحلو عشان انفيد ونستفيد