|
|
السلام عليكم ورحمة الله وبركاته
هذي نصيحة لكل وحدة تعاني من هالشي .. وأحب أنبه إن بالبداية قالولي لازم تحاميل بس انا مو متزوجة لكن الحلول الخارجية الحمدلله خففت عني من فضل ربي :
أهم شي تدعين إن ربي يشافيج ويعافيج ترى الدعاء أحسن من كل الأدوية والوصفات
أولاً شريت غسالة فيها تسخين .. وهذي سعرها مو غالي وحجمها صغير حتى يسمونها غسالة ملابس الأطفال أو الرضع وموجودة في محلات الالكترونيات ( خذيتها من اليوسفي ) واستخدمها فقط لملابسي الداخلية بحيث إنهم يتعقمون بالماي الحار مع إضافة شوية ديتول للصابون
هذي مرحلة تعقيم الملابس الداخلية .. وأحرص إني أغيرهم على طول ما أخلي مجال للرطوبة والافرازات والعرق حتى إني شريت ملابس داخلية زيادة عشان ما استصعب التغيير المستمر ( لأن مرات يخلصون علي .gif "Eh S(1)")
ثاني شي أتشطف بغسول سيتيال من الصيدلية والحمدلله وايد زين لكن مو باستمرار لأ .. بس بوقت الحاجة ولا يزيد عن مرتين أسبوعياً لأن المنطقة تحتاج البكتيريا النافعة ولازم نحرص على وجودها وكثرة الشطف تشيل هالبكتيريا ونزيد المشكلة
ثالث شي .. خذيت حبة مضاد للفطريات اسمها ديفلوكان وهذي لازم بوصفة طبية وهي عبارة عن حبة وحدة تاخذينها إذا شاكه بوجود فطريات لا سمح الله
رابعاً اهتمي بجفاف المنطقة ونظافتها باستخدام الموس أو الشيرة حسب ما تفضلين .. لأن اهمال هالنقطة يزيد الموضوع واااااايد بشكل ما اتخيلينه
هذا كل اللي أسويه .. والحمدلله الحين وايد أحسن من الأول
وطبعاً هذا من فضل رب العالمين ثم من مساعدة البنات ربي يجزيهم كل خير سواء اهني أو بالمواقع الثانية
والا اخذتي الحبوب عاادي
والحبوب الفتره اللى استخدمتيهاا جم ؟
وموفقه خير قلبوو
ومافي فترة .. اهي حبة وحدة وخلاص
ويفضل تاخذينها بعد ما تغسلين من الدورة لو سمحتي بشه انتي فيج زياده بالوزن انا لاحظت من متنت هالريحه قبل لا كلش ما فيني
روحي دكتورة نسا أحسن شي لأن لها وايد أسباب .. وجربي طريقتي إن شاء لله تنفعج
ريماس الله يعافيج حبيبتي
وكل ما تاخذ شور تستخدم غسول كيرفري الوردي ينباع بالجمعيه…ممتاز
واهم شي ان الوحده تنشف عدل عدل بعد ما تغسل
صج المشكلة لها علاقة بالنظافة لكن مو هذا موضوعنا
انا أتكلم عن مشكلة الالتهابات والفطريات وصعوبة علاجها بالنسبة للبنوتات .. وبالنسبة للكير فري ترى استخدامه لازم يكون محدود مو 24 ساعة لأن أرضيته نايلون ما تخلي المنطقة اتنفس .. وبعد لازم نبتعد عن اللي فيه ريحة لأنه مو صحي
ويزاج الله خير
بس الغساله هذي شلون طريقتها اتغسل واتنشف واتسخن الملابس ترا كلش مااعرف عنها شي وبجم سعرها بجيبها انشالله
مشالله مشالله سيده اعمال صايره قمتي اتاجرين حبيبتي؟
ام خاااااااالد انتي وييييينج ؟؟ يا حلوج والله ويا حلو سوالفج .. يبيله نرجع للهذرة مرة ثانية صج وناسة ههههههههه
لا مافي مشاريع إسمي بس سيدة أعمال على ولاشي .. كنت ناوية على شغلة وما سويتها .. يمكن بالمستقبل ما يندرى !!!
هالغسالة بحدود 30 دينار تنباع عند يوريكا واليوسفي ويسمونها غسالة اليهال لأن يستخدمونها حق ملابس البيبيات .. فيها سرعة وحده بس لكن تشتغل على البارد والحار .. ومافيها تنشيف ولا شي يا دوب تغسل
تحطين ماي عادي من الحنفية وتشغلين التسخين .. تاخذ 10 دقايق تشوفين الماي احتر
عاد كيفج تبين اتحطين الملابس وتشغلين التسخين أو تبين تنطرين واتحطينهم على الماي الحار ما تفرق
سارونه توني كتبت من وين !! صعدي ردين فوق
| تنباع عند يوريكا واليوسفي |