|
|
لما كنتو طالبات كنتو تتحلمون بالشغل وحياة الدوام
متى نفتك من الامتحانات والواجبات والبحوث والخرابيط ؟!!
ومتى نشتغل ونرد البيت نطلع بدال لانرد ندرس؟!!
متى نشتغل ويصير عدنا معاش نستانس فيه ؟!!
الحين اشتغلتو وشفتو الواااااااااااقع المرير صح 
شنو تعلمتو من الدوام ؟؟
بالنسبه لي
أنا تعلمت من اللي شفته في دوامي
– ان الموظفين الفاشلين اساسهم ادارة فاشله
يعني الموظفات فاشلات لان رئيسة قسمهم فاشله او مسؤولتهم المباشره
الموظفات يطلعون على مسؤولتهم المباشره
– فرق تسد دايما شعار المسؤولين الفاشلين والخافيين على مناصبهم وكراسيهم
وشخصيتهم ضعيفه علشان الموظفات لايتفقون عليهم ويسوون انقلاب
<<<<هالشي شفته في رئيسة قسمي تزلق وايرات بين اللي في القسم علشان لايتفقون عليها
لانها فاشله وماتعرف شي ولا تدري وين الله قاطها وكلا مالها خلق
– وثالث شي وباء الحقد والحسد متفشي بشكل موطبيعي خصوصا في مكان كله حريم موجود
– الــنـــفـــاق عامل مهم للحصول للترقيات والمكافئات والاجازات
<<<<<<في وحده معاي بالقسم لما رئيسة القسم تكون موجوده كلا تمدح رئيسة القسم ياحلوج وانتي وانتي ….
ولما رئيسة القسم تطلع ماتخلي كلمه ماتقولها تحش فيها وفي بناتها وبلبسها واختها
– صيري ام لسان وقليلة الادب الكل يحسبلج الف حساب صيري طيبه الكل يستغلج ويدوس عليج
يعني صيري ذيب علشان الذيابه لا تاكلج واذا صرتي ارنب بسرعه تنوكلين وحقج ينهضم
الحين انتو قولولي شنو تعلمتو من الدوام ؟؟
ووايد اسمع يقولون الجامعه احللللللللى من الدوام
لا بالله كدينا خير
:>
كويتيه عسل أنا راضيه ع هذا كله بس خنحصل الوظيييييييييييييييييفه
الخير والناس الطيبه لا زالوا موجودين
لو سعيت وما قدرت آخذ حقي .. رب العالمين ما يضيع حقنا
عن نفسي أشتغل بضمير واخلص شغلي أول بأول ومع السلامه .. اللي بيقدرني أحطه بعيوني واللي نافش ريشه علي ما يشوف شر
اللي بينافق خليه ينافق .. واللي بيحش خليه يحش , ربـج فووق
الوظيفه خلتني أعتمد على نفسي حتى بأدناة الدون
أفكر بس متى أخلص دراسة وأشتغل
~~~~~~~~~~~~~
الله يوفقكم
ننطر باجي البنات قولولنا
شنو تعلمتو من الدوام ؟؟