|
|
فيه وحده معزومه على زواج ويوم الزواج قامت الحرمه
وتزقرتت وتنظفت وسرحت شعرها احلى تسريحه
وسوت مكياج حلو ومرتب ولبست احلى فساتينها
وتعطرت وتبخرت وبعد ماخلصت اتصلت بزوجها
وقالت له انها خلصت
قالها زوجها دقايق واكون عندج
ودقايق إلا زوجها جدامها
الريال يوم شافها اعجبته لانه المسكين مايحصله
يشوفها مرتبه الا في المناسبات
المهم طلبها زوجها تترك الزواج وتجلس معاه
وقال لها ابى اخليها احلى ليله وراح اعوضج عن الزواج
قال لها القعدي معاي وننستانس ونسهر ونييب عشاء من المطعم الزوجه وافقت
قال لها زوجها ابى اروح اييب العشاء وايي
راح الريال مستيجل وياب العشاء ودخل بيته
وش شاااااااااااااف جدامه
.
.
.
.
.
.
.
.
.
المره فاصخه ملابسها ولابسه قميص قطن من
ملابس البيت وغاسله المكياج وفاجه التسريحه وحاطه
في شعرها زيت ورابطته
الريال عصب وسالها ليش غيرتي ملابسج وليش سويتي
في نفسك جذي
قالت النفنوف ضايقني وانحشرت منه وغسلت المكياج
ماله داعي وزيت شعري بعدالرغوه والاستشوار
تصدق توي احس بالراحه يوم لبست هالقميص
قام الريال يهاوشها وقالها الزينه بس للناس
وانا زوجك ما تهتمين لي
وقال والله ماتذوقين العشاء والحين تقومين جدامي للعرس
وتدخلين عليهم جذي وانتي في شكلج هذا والا ما راح تقعدين الليله في البيت حاولت فيه المره ماقدرت لانه حلف
وفي النهايه مالها حيله قامت ولبست عبايتها ودخلت في العرس
جنها طراره وتركها الين اخر الليل وكل الي في العرس شافوها
وهى قاعده المسكينه بعبايتها مافصختها ……………….زواي صج فشله وخزياه
اتمنى ان هذي القصه تعجبكم وياليت يتعلموووووووا منهااا الحريم زييييييييين
علشاااااااان مايصير لهم اللي صار للمسكينه
منقول ههههههههههههههههههه
زين ماسوا فيها تستاهل
مشكوره على القصه
ام لمي والله في العن
خل يتعلمووون حريم الكويت ,, كشختهم بس بالعروس ,, يعني شفيها اذا الوحده من غير ما يكون عندها عرس
أو مناسبه تروح في نهايه الاسبوع الصالون تسوي تسريحه و تغير من شكلها حق ريلها ,,, خل يحس انها
كاشخه حقه , مو بس عقب ما ترد من العرس المكياج سايح عقب ما سلمت على الأوادم , و لا التسريحه عقب
الرقص و الردح طاااايحه ,
في وحده منكم تسوي اللي قالته الاخت الجوري
ان على الاقل نهاية الاسبوع تروح المره للصالون وتسوي تسريحه
بصراحه انا ما اسويها الا اذا كنت معزومه بحفله
بس اذا بروح الصالون اسوي شعري بالاستشوار
وبالبيت حمره وشي خفيف بس
ها بنات اشرايكم
بس اذا ريلي قالي اعطيج كل يوم فلوس الصالون
واقعد اجابلج جان بخت على طول اتزقرت
؟؟؟
| خل يتعلمووون حريم الكويت ,, كشختهم بس بالعروس ,, يعني شفيها اذا الوحده من غير ما يكون عندها عرس
أو مناسبه تروح في نهايه الاسبوع الصالون تسوي تسريحه و تغير من شكلها حق ريلها |
اوكي نسوي …. بس منو اللي بيجابل … اذا قطع عمره وياب اليهده قال الله اشهالزين وبس … وعقب لهى بالتلفزيون وخلاص ههههههههههههههههههههههه
مسكينه اللي بالقصه هذي على ويها … طبعا مايصير الوحده تكون بنفس بهذلتها …. بس هم ما حلاته الكشخه تكون اوفر .. ترى الرياييل ما يحبون المكياج الزايد والتسريحه المبالغ فيها …. الترتيب والبساطه مع مكياج خفيف كافي
يمكن ما تكشخ لريلها …….بس عااااد تقط كشختها عشااانه موجوووووووود!!!!!!!
عجييييييييييبه هالمره
والله الكويتيات مو محتاجين توصيه روحي اي مجمع وشوفيهم كبر امي وكاشخه على سنقة عشره جنها بتروح العرس
بس اهي غبيه هاذي اهو مقعدج علشان كشختج تروحين وتفصخينها