لما بتبدين برجيم شنو تسوين اول؟!

قوه بنات
حبيت اسئلكم لما انتوا تبدون رجيمكم شنو اول شي تسون
شلون اهئ نفسي لرجيم وخلي جسمي مستعد
ومتى تمارسون رياضه مرتين بليوم وكم مره بلسبوع 3 مرات؟؟
ياريت لوتفيديون وتقولون لي لما تبدون رجيمكم من اول يوم شنو تسون عشان لا تفشلون؟خليجية

يا هلا فيج بينا ..

اول شي حبابة لازم يكون عندج الارادة واتعرفين انج داشة على ريجيم يعني حرمان من وايد اكلات مفضلة عندج مثال عليها : الخبز والعيش والكاكاو والمشروبات الغازية والبطاط وغيرها

ثاني شي سألي نفسج هالاسئلة ؟؟

* الهدف ، وهو يجيب على السؤال : أين .؟!
* الإطار الزمني لتحقيق الهدف ، وهو يجيب على السؤال : متى .؟!
* الوسائل ، ويجيب على التساؤل : كيف .؟!

ثالث شي : لازم اتعرفين نفسج هل تقدرين اتسوين ريجيم خاص فيج بشرط يكون صحي وممتاز ولا انتي بحاجة الى مراجعة عيادة تغذية معينة وتكونين تحت رعاية دكتور او دكتورة ؟

رابع شي : اتسوين كشف طبي واهم شي طبعا تحليل الدم علشان اتعرفين اذا عندج فقر معين علشان تتبعين ريجيم صح وما ادوخين ..

خامس شي : اتحددين جدول رياضة (لانه ريجيم من دون رياضة ماينفع)
واهني الجدول يعتمد على وااااايد اشياء !

على حسب وقتج ولياقتج البدنية وريجيمج ؟؟

افسرها لج ؟؟

من ناحية الوقت :

في وااايد ناس مشغولة اتفضل اتسوي الرياضة في البيت والبعض يحب يشترك بالنادي وفي ناس تكتفي بالممشى اللي على البحر او في منطقتهم وهكذا ..

من ناحية لياقتج :

في ناس لياقتها البدنية جدا عالية فتكتفي بمرة او 3 مرات في الاسبوع للرياضة والعكس صحيح

من ناحية ريجمج :

في ناس تتبع الريجيم القاسي او الكيميائي اتلاقينها ماتسوي رياضة او بس تمشي نص ساعة والعكس صحيح ..

اتمنى قدرت اني افيدج خليجيةخليجية

مشكورة دريم على معلومات جدا افدتيني ويعطيج العافيهخليجية
انا لمن ابتدي رجيم اول يوم اقلل اكلي بشكل مو طبيعي اقل من اكلي بالرجيم لاني اول يوم اكون مخربطه قبلهااااااااا عدل ف احرم نفسي اول يوم وازهب الجاي الاخضر والدارسين والزنجبيل وامشي ساعه وبس اليوم اللي وراه اسوي رجيمي ..
تبين الجد انا بالنسبه لي اهيء نفسي قبلها باسبوعين
يعني ريجيم تخفيييييييييف بس اذا اشتهيت شي اذوقه علشان اعود معدتي
بعد اسبوعين من لتخفيف والرياضه تمارين خفيفه يوم اي ويوم لا
ورقص
طبعا في الاسبوعين نزل وزني 5 كيلو

هالمرحله انا عديتها والحين انا في الاسبوع الثالث واحس عندي حماااس ابتدي ريجيم
عدل خليجية

وبس عاد انتي شوفي جسمج من اي نوع !! تتعودين بسرعه ولا لا خليجية على التخفيف

انا بصراحة اول شي انضف بطني

لان الرجيم بدون تنظيف وما يضعف وااااااايد

والله يوفقا

اختي مخروشة يعني شنوووووووووو؟؟؟تنضفين بطنج؟ ومنكم نستفيد_تقبلي تحياتي
اقتباس:
المشاركة الأصلية كتبت بواسطة * Na3oMa * خليجية
انا لمن ابتدي رجيم اول يوم اقلل اكلي بشكل مو طبيعي اقل من اكلي بالرجيم لاني اول يوم اكون مخربطه قبلهااااااااا عدل ف احرم نفسي اول يوم وازهب الجاي الاخضر والدارسين والزنجبيل وامشي ساعه وبس اليوم اللي وراه اسوي رجيمي ..

صدقين انا جذي اليوم ماكليت بس شربت جريب فروت سويت لي دولكه وبس
وباجر ببدى الرجيم بتريق بيض مفيوح
وغداي بس شاي اخضر
وعشاي شوربة فطر مع كريمة فقط

اقتباس:
المشاركة الأصلية كتبت بواسطة عروسه بس كول خليجية
تبين الجد انا بالنسبه لي اهيء نفسي قبلها باسبوعين
يعني ريجيم تخفيييييييييف بس اذا اشتهيت شي اذوقه علشان اعود معدتي
بعد اسبوعين من لتخفيف والرياضه تمارين خفيفه يوم اي ويوم لا
ورقص
طبعا في الاسبوعين نزل وزني 5 كيلو

هالمرحله انا عديتها والحين انا في الاسبوع الثالث واحس عندي حماااس ابتدي ريجيم
عدل خليجية

وبس عاد انتي شوفي جسمج من اي نوع !! تتعودين بسرعه ولا لا خليجية على التخفيف

انا نوع جسمي يضعف بسرعه اذ خففت الاكل
ويمتتن بسرعه اذ كليت اي شي مو من اكل رجيم يعني عيش او بيتزا وغيره
يبيله ارقص خليجية عشان انزل جم وزني خليجية

اقتباس:
المشاركة الأصلية كتبت بواسطة مخروووشة خليجية
انا بصراحة اول شي انضف بطني

لان الرجيم بدون تنظيف وما يضعف وااااااايد

والله يوفقا

شنو طريقة لتنظيف الجسم؟
الانه وحده من رفيجاتي قالت لي انها كانت تاكل بس تفاح اول 3 ايام وبعدها تبدي رجيمها

اقتباس:
اليوم ماكليت بس شربت جريب فروت سويت لي دولكه وبس
وباجر ببدى الرجيم بتريق بيض مفيوح
وغداي بس شاي اخضر
وعشاي شوربة فطر مع كريمة فقط

ليش ليش ليش ؟؟؟؟؟

سوي رجيم متوازن وصحي عشان ما اتحوشج أعراض جانبية
ومن صجج تشربيج دولكة جريب فروت ؟؟ معدتج تحترق جذي لأن الجريب فروت مثل الليمون حيل حامض على المعدة

بعد قلبي لا اتسوين بروحج جذي مو زين على صحتج

وبخصوص الموضوع .. بالنسبة لي إذا هيأت نفسي اكتأبت
أخليها على الله وكل وجبة بوجبتها شوي شوي ليما أدخل بالرجيم وأمشي فيه خليجية

اقتباس:
المشاركة الأصلية كتبت بواسطة بشه المنفشه خليجية
ليش ليش ليش ؟؟؟؟؟

سوي رجيم متوازن وصحي عشان ما اتحوشج أعراض جانبية
ومن صجج تشربيج دولكة جريب فروت ؟؟ معدتج تحترق جذي لأن الجريب فروت مثل الليمون حيل حامض على المعدة

بعد قلبي لا اتسوين بروحج جذي مو زين على صحتج

وبخصوص الموضوع .. بالنسبة لي إذا هيأت نفسي اكتأبت
أخليها على الله وكل وجبة بوجبتها شوي شوي ليما أدخل بالرجيم وأمشي فيه خليجية

شسوي يئست ابي اضعف بأي طريقه لاعت جبدي من نفسي قلت اهئ نفسي اشرب لي بس دولكة جريب فروت وامشي على جهاز مشيخليجيةخليجية
وباجر ابدي اكل بس على رجيم الي قلته

مم خلاص ماني شاربه دولكه كلهاخليجية

للرفع…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top