|
|
بسم الله ارحمن الرحيم
سلمكم الله حماتي ممرضه {اهي تحت التدريب يعني مابعد تتوظف }واهي اللي ناقله لي هالسالفه
تقول قبل اسبوعين كان تكليفها ذيك اليوم العنايه بالمريضه فلانه في الغرفه الفلانيه
طبعا لازم تشوف ملف المريضه وتعرف حالتها
المريضه كانت بنت عمرها 14 سنه وحالتها ولاده يعني كانت والده طبعا مو متزوجه وجايبينها لهم الشرطه وبتظل بالمستشفى لي بعد الاربعين وبترد عندهم
طبعا المفروض تكون في حارسه على بابها بس اهم موحاطين حراسه على بابها
تقول حماتي انا فتحت ملفها لقيت مكتوب ان فلانه بنت فلان عمرها 14 سنه حامل سفاحا {يعني برضاها مو مقتصبه}
من اخيها فلان البالغ من العمر 15 سنه
وانها من مدينه بعيده عنا بس ماادري ليش جايبينها هني يمكن لان هناك ماعندهم بالاحداث قسم عنايه بالحوامل
المهم تقول حماتي انا افتر راسي وقعدت اسب والعن باخوها وانه حيوان وانه وانه
طبعا مسؤلة القسم لما سلمت حماتي الملف قالت لها ان البنت هاذي جدا مسالمه وان كلش مالها صوت ولاتطلب شي ابد ابد حتى الفوط الصحيه وانتوا بكرامه
تقول ظليت طول اليوم كل شوي اطل عليها الاقيها بسريرها وساكته وفعلا ابد مالها صوت وكان شكلها يكسر الخاطر وبريئ
تقول اصلا اللي يشوفها يقول هاذي ام عشر سنيين مو14 تقول والله انا مومصدقه ان هاذي كانت حامل وولدت حتى صدر مالها كلش شكلها طفله وتكسر الخاطر
وظلت حماتي تفكر فيها حتى لما ردت البيت وتسال نفسها الف سؤال اش سالفة هالبنت بالضبط مكتوب بملفها انها زنت مع اخوها بس شلون البنت ياهل وحتى اخوها ياهل
يوم ثاني اول ما راحوا المستشفى اسالت الدكتوره مين اطالبات اللي كانوا امس مسؤلين عن المريضه بالغرفه الفلانيه
ردت حماتي ورفيجتها
قالت لهم الدكتوره تعالوا لي ابي اتناقش معاكم عنها
قالت لهم الدكتوره طبعا انتوا قريتوا ملفها وعرفتوا حالتها بس ماتعرفون تفصيل السالفه قلولي اشتتوقعون واش رايكم
طبعا اهم كل وحده منهم قامت تدلي بدلوها
قالت لهم الدكتوره سمعوا السالفه
هالبنت امها وابوها متطلقين من صغرها وعندها اخو واحد اكبر منها بسنه وحده طبعا الام تزوجت تبي تعوض ايام الهم اللي عاشتها مع ابوهم والابو مايدرون عنه بشي
والعيال عند جدتهم{ماادري ام ابوهم ولاام امهم}المهم الجده مره كبيره وماتدري عنهم بشي بس اسمها مسؤله عنهم
طبعا البنت والولد عاشوا ازيد من اليتامى يكسرون الخاطر وكل واحد منهم مايعرف بهالدنيا الا الثاني حتى مدرسه مايروحون ولا يختلطون باحد كللللللللللللللللللللللش
مقطوعين عن العالم
من يصبحون لين يمسون بوجيه بعض يلعبون يتهاوشون ياكلون يشربون عايشين مع بعض لحظه بلحظه
بدوا يكبرون وماحد حولهم وبيوم جلس الولد من النوم وقال لاخته
فلانه انا اليوم حلمت اني العب معاج بس لعبت معاج لعبه غير غير العب اللي نلعبه
وحب انه يجرب العبه اللي بالحلم وللاسف الغريزه ماتحتاج تعليم بس تحتاج توجييه وتوضيح
صارو يلعبون مع بعض لعبه مايدرون بنتايجها ولايدرون انها حرام ولايدرون ان كل البشر تلعبها تحت الخيمه الشرعيه
كانوا كلش موفاهمين شي ولايدرون بشي كل اللي يعرفونه انهم قاعدين يلعبون لعبه حلوه ويستانسون للعبوها
البنت حملت بدى حملها يكبر واهي ماتدري انها حامل ولافاهمه شي
المهم يوم كبرحملها ظنت البنت انها مريضه بس ماتدرياش فيها والجده اخيرا حست ان البنت تعبانه وفيها شي خذتها وودتها المستشفى تشوف اش فيها
بعد التحالييل تبين ان البنت حامل
ويوم فالوا لها انتي حامل ضحكت وقالت انا مو متزوجه شلون احمل
اتصلوا بالشرطه وحققوا معاها وعرفوا السالفه
قالوا لها انتي حامل من اخوج
ضحكت وقالت شلون؟
المرا ماتحمل الالما تتزوج شلون حملت من اخوي ؟
وطبعا تحولت الاحداث واخوها بعد ودوه الاحداث ولو كان عمرهم 18 كان انحكم عليهم بالقتل
المساكين كانوا ضحيت ابوهم الظالم وضحيت امهم اللي شرت نفسها بس كانوا اهم الثمن
اقول لكل وحده تعيش مشاكل مع زوجها لو تنطبق الارض على السما لاتتطلقين الا اذا كنتي ضامنه لعيالج حياه كريمه بحضنج
ترى والله مافي شي يسوى انج تبيعينهم وتضحيين فيهم
الله يحفظ عيالنا وحبايبنا من كل مكروه
انالله الله وانا اليه راجعووووووون
حبيبتي هالمشاكل الله يكافينا شرهااااا تصير حتى لو كانوا الام والابو موجودين مع بعضهم
يعني يااقلبي مو شرط هالسالفه تكون اذا كانوا مطلقين وبس
صدقيني فيه نااس مو دارين عن عيالهم ومشااكل وهموم وبلاوي ولا احد من الطرفين مهتم بالعيال فالنتيجه تكون بهالشكل واسؤ
والطلاق ياقلبي مرات يكون تخفيف الاااام وانتهاء البلاوي
عندج بعض الرياجيل مااينصبر عليهم بهالحاله شتسوي المره الا الطلااااق
اسمحيلي اقولج هالقصه مو شرط تكون سببها الطلاق … لها اسباب اقوى وهي عدم اهتمام الام والابو
تقبلي مروري ووجهه نظري
بس انا رايي ان الوحده مهما كانت حياتها مع زوجها صعبه لاتتطق الا لما تضشمن لعيالها حياه مستقره بحضنها
قلة الثقافة اهيا اللي تسببت بجذي
| والطلاق ياقلبي مرات يكون تخفيف الاااام وانتهاء البلاوي عندج بعض الرياجيل مااينصبر عليهم بهالحاله شتسوي المره الا الطلااااق اسمحيلي اقولج هالقصه مو شرط تكون سببها الطلاق … لها اسباب اقوى وهي عدم اهتمام الام والابو |
عدل كلامج ..
بس ممكن القصه تكون عبرة حق الي يفكروون بالطلاق على اسباب تافه ..
|
المشاركة الأصلية كتبت بواسطة رفيعة شان
 كلامج صحيح حبيبتي
بس انا رايي ان الوحده مهما كانت حياتها مع زوجها صعبه لاتتطق الا لما تضشمن لعيالها حياه مستقره بحضنها |
الله يعين الوحده منا لازم تضحي لازم تحمل المسؤليه لو شوي مو خلاص تطلقت ماادري عن عيالي ….
الله يكفينا شر الطلاق وشر هالمشاااكل قولي اميييين
انا مااقول كل حالات الطلاق نتايجها سيئه
بس اقصد ان مانتسرع في اتخاذ هالقرار يعني الوحده لازم تحسبها عدل عدل
حسبي الله عليهم دام الام شرت نفسها والاب باع عياله شذنبهم لا مدارس ولا شخص يلعمهم الصح من الغلط
بس هذي حاله نادره عسى الله يرحمهم
والطلاق انا ما انصح فيه اذا في اطفااال
انا لله وانا اليه راجعون
لا اله الا الله استغفرالله شلون جذي القصه تعور القلب والدنيا تشيب الراس
اللهم اسالك الجنه
يارب لا تبلانا
الحمد لله والشكر على كل نعمة يارب سترك
مشكورة صاحبة الموضوع
ولا حول الله
والله مادري شقول والله مادري
شي يشيب الراس صج
الله يحفظ عيالنا ويستر عليهم يارب