للي عندهم أطفال و يبون يحملون ، دخلوا فضفضوا

خليجية

السلام عليكم بنات شلونكم

بصراحة ضايق خلقي و حبيت أفضف

استخدمت المنع فترة طويلة بعدين قررت أحمل

المهم ،،، كنت أنتظر الحمل بفارغ الصبر بس ما صار ،

و الله ولهت على البيبيات العنونات اللي يتمهدون

حللت هرموناتي ،، كل شي سليم ، زوجي عنده كل شي سليم بعد

رحت لطبيبة خاصة قالت بشوف تبويضك ، المهم شافته بيوم 13 لأن بيوم 14 من دورتي عيادتها تسكر.

قالت لي بويضتك قطرها 11، لازم 18 عالأقل عشان يصير الحمل

عقبها حسيت باحباط و ضيقة

عطتني هرمونات مساعدة

رحت لطبيبة الحكومة قالت ما عليك منها ، حكمت عليك قبل لا تتأكد ، مفروض تشوف التبويض أكثر من يوم بالشهر

على مدى شهور متواصلة عشان تتأكد قبل لا تعطيك حبوب.

قالتلي طبيبة الحكومة ، بعد ثلاث شهور من الجين بدون حمل تعاليلي،

و كاني أنطر ، ادعولي بنات إن الله يرزقني و يرزق كل محرومة

أحس بتوتر ، كل شهر لما تتأخر الدورة يومين أروح أحلل و كل يطلع نيقاتف

كرهت المختبرات كلها و الموظفين اللي فيها من كثر ما يقولولي نيقاتف.

بس أسال اللله باسمه الجبار إن يجبرني و يجبر كل مكسورة

أنا شاكة بوحدة إن بسبة عينها ما حملت فترة ، بس المشكلة إنها هاجرت لأنها تزوجت من برة ، يعني حتى ما قدر أشوفها أو آخذ من أثرها.

بس كل أقول لنفسي تعوذي من ابليس و أحسني الظن بربك ، حتى لو عينها حارة و مأثرة علي ، أكيد الله راح يساعدني
و يصرف عينها حتى بدون ما آخذ أثر منها ، قاعدة أحاول أداوم على الرقية و الأذكار و البقرة و ربي يعيني.

انا عندي بنوته عمرها الحين سنتين و3 شهور بس صارلي هادة ياسمين من عشر شهور وليلحين ماحملت خليجية

الشهر اللي فات رحت المواساة عند الدكتورة لينا وسوتلي سونار وطلبت تحاليل والحمدالله التحاليل سليمة بس فيني كيس على المبيض اليسار حجمه 2سم وماعطتني علاج قالت احتمال كبير احمل عليه بس مالله كتب وراجعت هالشهر وقالتلي ليلحين التكيس موجود وماراااااااااااااح اعطيج علاج لان هم احتمال احمل عليه وعلاجه الوحيد حبوب منع الحمل واهي ماودها آخذهم والله كريم ، ادري قلت قصة حياتي بس حبيت افضفض خليجية

الله يرزقكم الذريه الصالحه يارب

الله يرزقنا جميعا
أنا بين بنتي وولدي 5 سنين والحين ولدي عمره 3سنين وماحملت مع اني مااكل مانع رحت لدكتورتي
حللت كل شي قالت الحمدلله مافيني شي بس انا من ولدت ولدي ينزل معاي بعد الدوره اعزكم الله سائل بني ومرات دم خفيف لعاشر يوم
من الدوره الدكتوره تقول عادي لأنج تولدين قيصري صراحه مومقتنعه
بنات أنا أعرف وايد مسوين قيصري ماصار معاهم جذي حاسه ان هذا هو سبب تأخري بالحمل
ماعليه طولت عليكم بس ودي أفضفض

الله يرزقكم و يرزق كل محرومة

أنا كل شهر قبل موعد الدورة بأسبوع أحاول أنسدح وايد و ما أشيل أشياء ثقيلة و أتعشم إني حامل ، بس للأسف تنزل كل مرة

دورتي نزلت اليوم و الله حسيت بضيقة خلق و إني أكره كل الناس أستغفر الله

الرزق ياينا ان شاء الله بس اهم شي الايمان بالقضاء و القدر لا نفقده عشان ما تضيع منا الآخرة

انا لي 6 سنين ماحملت وبمووووووووووووووووووت على الحمال حتى تلقيح صناعي سويت وفشل والتحاليل سليمه
بموت منحرتي والله

الحمدلله على كل حال

اللهم ارزقني وارزق خواتي الذرية الطيبة الصالحة التي تقر بها العيون عاجلا غير اجلا يا رب العالمين

اللهم آمين

نفس حالتج عندي يهال ونفسي بس بولد لي سنتين وانا تاركه حبوب منع الحمل وما حصل والشهر الماضي اخذت منشطات وابرة تفجيرية وما حصل حمل وجتني الدورة هذا الشهر … بس شكلي باتكل على ربي واجرب الطب الشعبي

انا بعد عندي ولد عمره 4 سنوات وبعد علاج الحمدالله الله رزقني فيه والحين قاعده اعالج وعلى الله لانه ودي باخو او اخت حقه مهما كان بروحه احس يضيق خلقه على الله

الله يرزقكم كلكم عاجل غير أجل يارب
ويرزقني معاكم

الله كريم يرزقنا ويرزق كل محروم

بنات تدرون أنا وكلت أمري لله

مابي اعيش كل شهر توتر و خبة و تحاليل ، ببذل الأسباب والله المستعان

بس أهم شي مع بذل الأسباب إن أوثق بالله و أحسن الظن فيه

" أنا عند ظن عبدي بي"

النفسية المرتاحة تجيب الحمل ،يا رب ارحمنا و ارزقنا و اذا رزقتنا قدرنا نشكرك

الله يرزقني وياكم
ويرزق كل المسلميييييين
قوولووووووووو امييييييييييييين خليجية

اقتباس:

المشاركة الأصلية كتبت بواسطة نكهةالبرتقال