للي جربت الطلق الصناعي

بنات منو جربت الطلق الصناعي و الرحم مصكر و الي جربتته اشكثر طولت لين ولدت

هلا حبوبه .. اغلب الحريم مجربينه خخخ …انا جربته وكنت فاتحه حزتها 2 صانتي …اعتقد سواء مفتوح ومسكر نفس النتيجه اهو نفس تأثير الطلق الطبيعي بس اسرع … وشكرا

السلام عليكم …

شوفي حبيبتي انا جربته بس كان الرحم مفتوح 1,5 سم و حطولي تحميله و بعد 6 ساعات تبطل صار 3 سم و شوي شوي تبطل و كانت الولاده سهله و الحمدلله..
اما اختي فكان رحمها مسكر كللللللللللش حطولها تحميله و بعد 4 ساعات دخلوها غرفة الولادة …
يعني مو شرط يعتمد من وحده لى وحده ..
انتي بس ادعي و اقري سورة الزلزله و ان شالله ماكو الا كل خير..
و لا تستعيليين و تحطين طلق صناعي نطري الطبيعي ادا ماكان في خطوره عليج او عالبيبي ان شالله
و ان شالله اللي الله كاتبه بيصير حبوبه ..

جربته مرتين
مره نطرت 14 ساعه
ومره نطرت 5 ساعات
والتساهيل من الله
والله يهون عليج ان شاءالله

والله انا اخر ولاده نزل علي الماي الساعه 7 المغرب والساعه 11 حطولي اول تحميله والرحم مصكر مفتوح بس سانتي وولدت الساعه 7 الصبح بس بصراحه مع الكمام لا اتحاتين ما اتحسين ان شال الله بشي والله يسهل عليج الولاده

انا جربته لاتحاتين..حطولي تحميله الساعه 8 بالليل والحمد الله تسهلت ولادتي وفتح الرحم وولدت الساعة 1 بالفجر..
توكلي على الله والتساهيل من الله ..ولا تنسين الاذكار وكثري الاستغفار..
والله يهون عليج…زز

انا كنت احاتي مثلج
وكان عندي نفس السؤال

يعطيكم العافيه على التفاعل حبوبات و يسهل ولاداتكم انشاءالله. الدكتورة عطتني موعد الاثنين الياي طلق صناعي لان البيبي شويه تعبان من الحكرة و الله كريم بس قالتلي امشي كل يوم ساعه ليوم الاثنين