للولادة السريعة

قوة بنات شلونكم شخباركم
عندي سؤال حق الي عندهم تجارب بالحمل والولادة والحمدالله

انا دشيت االتاسع وبطني ليلحين فوق وما نزل وما احس ان في زيادة بالافرازات "

وفوق هذا بالنسبة حق التجاديم او على قولتهم الطلق الجذاب ما اييلي وايد واذا يالي ما يصاحبه عوار قوي نفس الي اسمعه من باجي البنات الي ادخلو شهرهم
"

وايد بنات اعرفهم بالتاسع قاعده اتصاحبهم هالاعراضل من دشو التاسع و انا ليلحين

وودي اولد اليوم قبل باجر شسوي
وشنو الشغلات الي اسويها او الرياضة الي اسويها عشان تسرع الولادة وتسرع الطلق
وهل المشي على التراب يفيد ان يسرع الطلق ويسرع الولادة ؟؟
ومنو عندها تجارب ياريت تساعدني واكون شاكرتلها
ومشكورين وما قصرتو

انا بقولج مو مهم تسرعيين الولاده كثر انج لازم تحاولين تسوين الاسباب الي تساعد بالولاده السهله باذن الله

1- مشي على تراب البحر يفتح الرحم زياده ويوسع الحووض خصوصا اذا كنتي مفتووحه والمشي حاولي تكون بخطوه اكبييره

2-دارسين

3- ماتشربين الخروع الا لما تكونين مفتووحه وفيج طلووق

4- تبخري بكركم وحرمل وشاي وقشوور بصل وخصوصا لما اييلج عوار اذا هوا يروح واذا طلووق يزييده

5- الجماااع اهم شييييي وايد يسااعد

6- المشي باليوم مو اقل من سااعه

7- التمر او الرطب واايد زيين وكثري منه

8 اهم شي القران والادعيه

هذا الي اتذكره

خوش سؤال مرامي للأسف انا بجر نفسج لوول الله يسهل علينا

مشكوره عالم حواء

مشكورة عالم حواء ما قصرتي حبيبتي "

وعلى قولت ام زوزو السيكو ميكو تنفع لووووووووووول

ههههههههههههههههههههههههه يس يس

سيكو سيكو يعادل تحميلة الطلق هذا كلام الكبار اللي امجربين

للرفع~

والله سويت كل شي مانفعني …….
بس على قولتهم متى ما الله اكتبه وصل باذن الله……
عليج بالقران والادعيه وانشالله سهالات وعموما الشهر التاسع ثقيل حييييييييييييييييييل

كثري المشي

واقري سورة البقرة باذن الله تسهل الولادة

والله انا بعد نفسج ودي اولد وارتااااح…. بس لا تقولون الجماع لاني سويته مره وبغيت أمووووت من الالام
شكلي بخليها على الله

انا مثلج بس مرات ايني عوار مثل عوار الدوره يعني مره باليوم .. ومو كل يوم
الله يسهل عليج وعلينا
ونووووووووووووووووووووووووووووووووووولد

انا على ولدي الاولي ما مشيت كلش يعني مشي عادي
بس بآخر الشهر خفت اني ما اولد جان اروح عالبحر وافصخ تكرمين نعالتي وامشي عالتراب الناعم
مشيت من واجهه لي الواجهه اللي وراها .. وانا راده البيت حاشني عواااار وبعدين راح
والفير قعدت من النوم بسبت العوار واول ماقمت ولا ينزل علي ماي وعوااااااااار يذبح
قعدت ريلي وداني المستشفى وبعدها تقريبا بثلاث ساعات ولدت الحمدلله

ما شا الله تبارك الرحمن
ليدي بيرد
وناسه
باقلدج
جووود اولد

المشي ودارسين 100 بالميه ان شاءالله الله يهون علينا يارب ويرزقنا الضنى الصالح ياااااااااااارب

وااااااي صج صج صج اثقل شهر .. الله يعديه على خير

حبيبتي شغلي روحج …

انا للحين مو مفتوحة ولا سانتي …

الله يسهل علينا يارب العالمين

البنات ماقصروا

ماري ماري انا رحت موعدي اليوم وقالي الدكتور عنق الرحم امسكر عندج فحصني لووول …

المهم نصيحتي لج لا تعبثين بروحج نهائيًا لا تروحين تخلينهم يولدونج خلي كل شي على ربج ونطري ليم يفتح الرحم عندج ..

انا قالي الدكتور امشي وايد لو 4 ساعات باليوم مو مشكله قالي حيل امشي علشان ينزل الراس بالحوض ..

وقالي خروع ودارسين بس انا مابي الصراحه .. ابي ليما احس بطلوق اشرب بس اللحين مو حاسه بطلوق كلش ..

فبمشي وبسمع كلآم البنات بمشي ع البحر بعد .. واكل تمر واناناس لوول ..وكيوي وكل شي خاطري فيه كان ممنوع ..

الله يسهل علينا يارب ..