للمتكممات جارلله او خاد العنزي او السميط او الشرهان او هيثم الخياط وبضمير

اب اب اب

سوري بنات نزل الموضوع مرتين …لاتردون على الثاني

تمنيتك
ماشاءالله الله يحفظج

انا سويت عند خالد العنزي الصراحه قمة في الاخلاق والتعامل
وكافي شطارته ومهارته بشغله

انا كان وزني حزتها 112 والحين 57 والحمدالله لك يارب
وكلفتني العمليه 3000 دينار مع المستشفى ومسويتها بالسلام
والنتايج ليلحين ايجابيه وراضيه كل الرضا عنها الحمدالله

نصيحه لوجه الله من اخت لاختها استخيري وانت روحي استشيري اكثر من دكتور ويللي ترتاحين له سويها عنده والتجارب كلها ناجحه والدكاترة كلهم شاطرين فيها بس اهي مسأله اختيارج للدكتور يللي انت تقتنعين فيه…. انا حاسه بحيرتج … روحي واستشيري واختاري بس وانتهت القضية… توكلي على الله وروحي .. الله يوفقج *

يا حبيبتي انتي ليش ضاغطه على نفسيتج وايد – إذكري الله

الجارالله وخالد العنزي والسميط والشرهان من أفضل الدكاتره وأشوف إن مستواهم واحد بالإهتمام والحرص والشطاره والأمانة , فقط تختلف الأسعار بينهم بين ال100 وال500 دينار على حسب المستشفى واجرة الدكتور والمساعدين والغرفة إلي تختارينها والتحاليل والأشعه إلي بعد العملية تحتاجينها .

وطبعاً السعر يختلف لو تختارين علمية بفتحة او فتحتين أو العادية ب4 او 5 فتحات .

لكن عن الدكاتره عندنا بالكويت تبارك الله من أفضل الدكاتره .

كل الاطبه الي ذكرتيهم فيهم الخير والبركة

وتجارب الناس وياهم كثيره

والخطا وارد بكل شي

كل وحده تذكر تجربتها من خلال الدكتور الي سوت العملية عنده وتمدحه لانها شافت نتيجة

كل عملية لها ايجابيات ولها سلبيات

لكن ساعات الايجابيات تطغي علي السلبيات

يعني بعمليتي انا واجهت التعب بالشهر الاول ( الم مكان الجروح ، عدم المقدره علي الشرب لاني كل شي لاعت جبدي منه ، النفسيه تعبانه اشوف الاكل وما اقدر اذوقه اكتئياب وراح لما اشوف الميزان وهالشغلات )

هل اقولج لا تسوين العملية علشان راح تتعبين بالعملية

طبعا لا لانه بعد عشر شهور من سويت العملية شفت النتيجة الي خلتني انسي الشهر الاول والتعب الي صارلي

انا طبعا سويت العملية مو عند الدكاتره الي ذكرتيهم انا سويتها بحكومة الفروانية عند د عبيد الحربي

كانو توهم من شهرين بادين يسون العملية بالفروانية

يوم سويت بحث بالنت ما لقيت الا تجربة او تجربتين انهم سو العملية بالفروانية عند الدكتور

توكلت علي الله وانا صليت استخاره وما خاب من استشار

والحمدلله توفقت مع الدكتور والحين الحمدلله الدكتور صيته منتشر مو مثل يوم انا سويتها قبل عشر شهور

الي بوصله لج

كل الي ذكرتيهم مئات التجارب راح تلقينها بالنت ومحد يحط تجربته الا انه بيفيد غيره مثل ما استفاد

تبقي العملية عامل مساعد للضعف مو ***

لانه فيها معاناه مع الاكل خاصه اذا كنتي من محبين الاكل

راح تتعب نفسيتج وايد

راح تحوشج دوخة وتساقط شعر وترهل

حل الدوخة وتساقط الشعر الفيتمامينات والترهل رياضه

انا كنت كل ما اكل ارجع يا اني ثقلت او كليت بسرعه

الغلط مني صح

انتي بيدج نجاح العملية علشان توصلين حق النتيجة المطلوبة

وبعد امر الله الدكتور له ايد بنجاح العملية

اهم شي صلاه الاستخاره والله يسهل الامور

واي شي يصير بعد الاستخاره الله كاتبه لج سواء خير او شر

جم وزنج وطولج

صديقتي مسويتها عند خالد العنزي وتمدحه دكتور شاطر
وسمعته زينه
وليد بستكي ايده *** بنت عمتي سوت عنده
رابع يوم مافيها شي

السلام عليكم

اختي اهم شئ استخيري

و الدكاتره اللي ذكرتيهم كلهم توب ماشاء الله

و البنات هني اغلبهم مسوينهم

اهو التعب بس اول شهر لانج ماتقدرين تاكلين

اول اسبوع ان شاء الله مافيج الا العافيه

انا عن نفسي سويتها عند د. محمد براك الهيفي
انسان قمه بالرقي و التعامل
و الحمد الله اليوم بكمل شهر
بس التعب باول اسبوع تعبت شوي عقب الحمد الله مافيني الا العافيه

موفقه اختي

انزين انا بروح للدكاتره هذولي بس كلهم افتح ملف عندهم علشان استشير واختار بينهم