للخبيرات بأمور النفاس ابي مساعده

السلام عليكم بنات
أنا صارلي 20 يوم والده و ما تنفست عدل لأنه لا انا ولا أمي نعرف بهالسوالف و الحين حدي متوهقه يطلع مني هوا و ماي او إفرازات ما ادري شنو أهي بالضبط لونهم اصفر بس مو على طول لأ مره او مرتين باليوم بالكثير إللي ابيه منكم تساعدوني هال 20 يوم اللي ضلو مابي اروح لريلي و أنا جذيه قولولي شسوي عشان اضبط اللي سويته بعمري و جد جد حدي ضايق خلقي و بجي 24 ساعه بسبة هالموضوع

سوري حبيبتي والله ما عندي فكرة بهالأمور انشا الله البنات يساعدوكي

اب حبيبتي

مشكوره حبوبه عالرفع

والله مادري شقولح

ان شاء الله البنات يفيدووونج

دقي ع خبيره الاعشاب ام خالد معانا بالمنتدى وعندها مواضيع وساليها وان شاءالله تفيدج
عندها ادويه نفاس واعشاب اختي مجربتها بنفاسهاا
واستخدمي تحاميل البيتادين اخر 10 ايام
وماتشوفين شر وتطلعين إن شاءالله عروس

اتوقع يبيلج تحاميل بيتادين
الدكتوره وصفتلي اياهم حق بعد ما يوقف دم النفاس تنظف الرحم

انصحج تستشيرين دكتوره و ماله داعي تبجين ٢٤ ساعه لووول

انا ماتنفست كلش و لا اكلت اعشاب و ما ضرني ابدا ابدا

اذا تقدرين اشتري من خبيرة اعشاب معانا بالمنتدى ودقي عليها قبل لاتخلصين نفاس ويكتشف هالشي زوجج

حببيبتي ليش ما تطلبين رداده تييلج ترددج وتعطيج ادويه والله وايد تريحج وانا جرب وحده وايد ارتحت لها اسمها ام احمد وتييب لج حسو اذا تببن ولاتحاتيين تردين احسن من اول انشاالله
وهذا رقمها67765373

يمديج تنفسي من جديد واخذي ادويه واكلات من اخوات الي يبعون اكل نفاس

الشر ماييج حبيبتي بس تهقين يمديني اتنفس الحين عقب 20 يوم؟

أنا موعدي مع دكتورتي يوم الأربعاء بسألها عن التحاميل
والله صايره ام دميعه مستانسه او متضايقه ابجي الظاهر تأثير النفاس بس جد طمنتيني لأني ماحب الأعشاب او بالأصح ما اعرف لها

ان شاء الله بدق عليها ما قصرتي حبيبتي

يتلي رداده باليوم السابع الله لا يوريج ما تعرف كوعها من بوعها شكلي بدق على ام احمد بس بغيت اعرف اهي لما يتلج شسوت بالضبط

يا ريت يمدي الله يسمع منج حبيبتي

مشكوره حبيبتي حتى لو ما قلتي شي المهم انج اهتميتي و رديتي علي الله يقومج بالسلامه