لكل وحده خذت ابرة الظهر .

مرحبا امهات ما طول عليكم بسال سؤال علسريع

يوم خذيتي ابرة الظهر كانت الاستشاريه اللي عطتج اياها قاعدة معاج طول فترة الولادة و لا بس ركبتها و طلعت و ماشفتي رقعت ويها بعدها ؟؟؟؟

انا خذيتها وقعدت معاي طول الفتره اسمها دكتوره نجلاء بدار الشفا

انا ما جربتها بس ان شاء الله البنات يفيدونج ماحبيت اطلع وما اعلق

اول مرة خذيتها بس عطتني اياها وتاكدت انه العوار راح وراحت
وثاني مرة اقعدت وياااي مدة لمدة ساعة ونص تقريبا بعدين راحت لانها كانت ياية عشان تعطيني الابرة ماكان حزة دوامها

عطتني اياها دكتورة سناء بدار الشفا

الله يحفظكم جميعا

انا خذيتها بمستشفى الصبـاح على بنتي
الدكتور غزني الابره وظل وياي
واذا كان يروح مايطول اكثـر من ربع ساعه ويرد لي الله يعطيـه العافيـه

انا خذيتها بالصباح مرتين قعد معاي الدكتور لما حركت اريولي وراح البنج

انا خذيتها بالسلام عند د. هدى
ركبتلياهاو تأكدت أن كل شي اوكي وراحت

تصدقون من الخوف والصراخ من القيصريه مادري اذا كان موجود ولا راح

انا خذيتها بالصباح وظل معاي الدكتور للنهاية وكان اجنبي

ترا اهيا بالولادة تريحج لكن بعدين !!!!!!!!

وهذا مو بس رأي هذا راي اللي أعرفهم واللي جربوها

بس نصيحة لاااااااااا تاخذينها لأن اثارها السلبية تطلع بعد الولادة بجم شهر

شنو سلبياتها ؟؟؟

أنا عطتني اياها وراحت كنت بالسلام قبل 4 اشهر وفعلا بدأت تطلع سلبياتها دايم احس بعوار بساقي اليسار بالعظم

بس شنسوي مانتحمل

تكفون قولو لنا اكثر عن سلبياتها…….شنو تحسون عقب شهر شهرين؟؟

والله ناس تمدح فيها وناس تذم اعتقد انها تختلف من حاله لي الثانية ياليت بنات تشرحون لنا عنها اكثر علشان نستفيد انشالله مانحتاجها بس سبحان الله

بنات انا ودي اجربها بالحمله بس منو يعطيج ايها بالمواساة انا عند الدكتوره لينا وهذي ثالث حمله لي بس ودي اجربها