|
|
السلام عليكم
طبعا لاحظت شكثر بنات يسألون عن خالد العجمي
وخايفين انه يطلع مو زين
بما اني خذيت عنده ادب جاهلي حبيت اقولكم طريقته
طبعا بالمحاضره شديد شديد لدرجة انه الكل ساكت ماكو صوت من البنات
وياويل اللي تتكلم او تطلع صوت عادي يزفج زفه محترمه
كل البنات ماشين سيده معاه
وديروا بالكم ترسمون عالدفتر شي او تكتبين شي حق رفيجتج حش ترا مصيبه يصيدج وعادي يجيج لو انج بآخر القاعه
يعني ديروا بالكم من هالسوالف
وهو يكتب عاللوح فجأه يلف عشان يصيد البنت اللي تتكلم ههههههههه
اهوا في شغلات تضحك بس تحملوا
فجأه تجيه حالات يضحك وياكم ويتغشمر
بس بنات شفتوا هالدكتور كلمة طيب طيب طيب شويه عليه روووووووووووووووعه
روحي كلميه بمكتبه شخصيه ثانيه يساعد حيل
وبنات تخيلوا احسه هو اللي يراكض ورانا احسه يحاتي درجاتنا اكثر منا
يعطينا بونصات الدنيا بس عشان يساعدنا
تخيلوا بنات في سؤال بالامتحان حليته غلط
حاطلي عليه x وحاط يمه 1 يعني اجابتي غلط بنفس الوقت عطاني عليها درجه
ويعطيكم بونص حفظ اول عشر ابيات من قصيده سهله حيييل
يعني بنات من وجهة نظري افضل دكتور لمادة الادب
موطبيعي صج انسان يبينا ننجح بأي طريقه لايغركم طريقته بالمحاضره والله روووعه هالانسان
والله يجزاه خير
والحمدالله انه صار عندنا دكتور مثله يعطي مادة الادب
يعني اي بنت ماخذه عنده خل تتطمن
واي سؤال ياحلوين انا حاضره
لاني ماخذه عنده الحين تدريبات لغوية وصراحة انا فاشله نحو حدي
وتخوفت شوي من طريقته بس انشالله زين
وبسالج بخصوص امتحاناته شلونها سهله؟
وقريداته -_-
بس اهوا يعطي كميييييييييييه وامتحاناته تكووون سهله حيل
وماعليج ترا يساعد
الله يوفقه ويجزاه خير ياريت كل الدكاتره مثله
يعطيج العافيه حبيبتي على الموضوع ان شاء الله البنات اللي بيقرونه
اكيد مايترددون ياخذون عنده
موفقين حبوبــات
ماخذه عنده ادب الكورس هذا بس ضااايعه حدي ونظامه مو مفهوووم ولا ادري شنو يبيه بالمحاضره
شلون طريقتته بللامتحان هل يقولكم او يحدد الاسئله
لان بجد بس يتكلم ةيطلب منا نحضر الدرس