لكل خبيرة بالحلول بليز بسرعه تعالى

قوة بنات شلونكم عندى مشكله وابى خبرتكم من اشهرطحت على موبايل ريلى وفي رقم وحده وبعدنجرة وهواش الخ

قال غلطه وماتتكرر وحسسنى انه ندمان ومستغرب من نفسه لانه عاقل علي قولته—-وقبل هالحجى لاحظت قبل اطيح عليه انه تغيربمعاملته معاى وبتصرفاته

مثل انه صار رسمى معاى ويعاملنى بجفا وبعض المرات يحاجينى جنه لايعه جبده وانااستغربت وايد وصار مايحاجينى

ولايعبرني خيرشر بس لمن طحت عليه تغير واعتذر وحس انه مراهقه ف فتحناصفحه يديده—وحلفته انه مايكررها

ويتقي الله فينى

المهم يابنات حسيت نفس تصرفاته تكررت فنغزنى قلبي وخفت وادرى انه غلط بس مرة ردمن الدوام وتغدى وحط راسه ونام جان اروح افتش موبايله ولقيت الطامه الكبري رقم بنت يديد راح تقولون شدراج انادقيت وتاكدت بنفسي وبصراحه

كنت حافظه العشرة وحابه اتحمل عشان اناحامل وباخرشهر بس حسيت باهانه كبيرة وحسيت انى مغفله جدا

اناليمن الحين ماقلتله لانى اعرفه عدل راح يكرر نفس الكلام ويعتذر ويقول غلط وعديها ويعيش حياته عاد لامبالاة ولااحساس

ودى كل متزوجه مرت بهالتجربه المهينه تقولى حل ==اوكل وحده تعرف حل شرايكم والله محتارة هل ازعل واخلى البيت
والااتحمل والااطنش بصراحه احس ضايعه بليز ابي حل يكون واضح ويعدل من سلوك ريلي

انا اؤيد انج تزعلين بس ما تتركين البيت وتروحين حسسيه انج زعلانه ثقلي عليه شوي وبعدين فتحي الموضوع معاه بشكل ثاني علشان تعرفين شنو اللي ناقصه واو شنو اللي يشده بهذيلا البنات ترى بعض الرياييل تكون نزوه وتمر صدقيني

اقولج شي ولااااااااااااااااااااااااااازم تسوينه ونفع معاي

دخلي ابوج بالموضوع
وقوليله هل مره انا قلت حق ابوي والمره اليايه بقول حق ابوك وأهلك على شان يعرفون شنو ولدهم
قوليله وانتي واثقه وخل يحس انه صج

لا تسكتين عنه دامم كررها صاجه ام علاوي

والله لاتسكتين جذي ممكن يتمادى وقفيه عند حده بس بالتفاهم

ان طنشتي وسكتي بيروح منج الرجال <<<خليه يعرف انج جاكته

حلوه الفكره انج تقولين حق ابوج

ابوى الله يرحمه متوفي ومستحيل اقول حق اهله عشان السالفه سيده منتشرة وحق الشماته لاغيرهالحل وبصراحه اكثر
اخاف اقوله ويقص علي بالحجى لانه سيده يقنعنى واناحدى مليت منه ومن سوالفه ابى احس باستقرار ماابى اعيش شك
وحياة سوده ابى حل منطقي ويحل السالفه من جذوورة ماابي يتكرر هشى

نسيت أقولج وصي ابوج لا يشد عليه خل يكلمه بطريقة النصيحه
وخل يقوله هل كلمه لانه انا وايد عجبتني من ابوي
( اذا عطتك فرصه انك ما تعيدها هذا مو معناته ضعف لأ هذا معناته حابتك وصاينه العشره )
وطبعا لاتقوليله بقول حق ابوي خل يتفاجأ مو جنج تستأذنين

الله يعينك حبوبه

حبيبتي سواها اول مرة ومررتيها له عقب ما اعتذر وقالك انه ندمان وانها غلطة

اما الحين فنصيحتي لك انك ما تسكتين على الموضوع ودخلي احد من اهلك وخليهم يلقولك حل معاه

والله انك ان سكتي بيعيدها مرة ومرتين وثلاثة

بس لا تهدين البيت وزعلي وانتي في بيتك عشان ما يفضاله الجو ويلعب على كيفه

واخذي منه وعد قدام اهلك واهله انه ما يعيدها مرة ثانيه

وحبيبتي حاولي تكتشفين شنو السبب اللي يخليه يطالع بنات غيرك

مادري انا غير عن راي البنات يعني فشله اتقول حق احد من اهلها راح يتفشل ريلها وبعدين مو حلوه بحقهاا
انا مااحب المشاكل اللي بين الزوجين يدخل فيها احد لو شنو كانت

مدام اهو مغير معاملته معاج وتغير عن اول انتي بعد غيري معاملتج صيري جافه معاه يعني زعلي بس لاتطلعين من بيتج
لاتحاجينه اهو راحي قولج شفيج وجذي انتي بيني له بس مو مباشرة يعني تناتيف حجي اهو بيفكر شنو شنو
اكيد بيعرف عاد انتي كلميه بهدوء قوليله احنا مو قلنا خلاص وحلفت انك ماتعيدها ليش عدتها انا شنو امقصره معاك فيه كل شي اسويلك اياه ومومقصره عليك بشي قولي شنو امقصره عليك اللي رايح اتكلم بنات يعني اهما قاعدين يريحونك في شنو قولي انا مرتك عاد هل مره حلفيه في اللي في بطنج وقوليله هذي اخر مره انا اكلمك فيها اخر شي راح اقول حق اهلك او اهلج بس مو الحين اتقولين حق احد لان السالفه راح تكبر وانتي حامل وحاولي لا تكدرين نفسج ولاتتضايقين وايد
بالهدوء كل شي يصير ولاتصرخين ولا تتناجرين معاه

شوفي ياأختي أنا بعطيج نصيحه عطيتها رفيجتي ونفعت معاها وللحين تدعيلي وماأبي منج ألا الدعاء لي بتؤم بدل أعيالي3 ألي فقدتهم ياااارب تصرف فيه حكمه وعقل:
زوجج لاتبينين أنج دريتي مره ثانيه والله راح تندمين وطيحين من عينه خلاص ولاعاد يصير لك أحترام عنده بالمره مدام دريتي وقاعده عنده ياأختي ماتواجهين الرجال بهذي السوالف ألا ألي بايعه العشره وتبي الطلاق بس أنتي تبين زوجج لاتخربينها معاه خليج علي قدرج الأولي ألي قالج غلطه ومراح تتكرر أنه يكلم ولاتواجهينه ولالالالالالادخلين أحد ولاأحد يدري بالموضوع والله بعدين راح تندمين ويعيرونج فيه لوأنها أختج خليه بينج وبين نفسج لأن الموضوع يجرح والله يعينج ولا تزعلين وتروحين حلي مشكلتج أنتي بحكمه أنتي قوليله علي شكل نغزه لوكررتها مره ثانيه والله ماتشوف وجهي لوعندي منك10 عيال لاعبالك العيال بيربطوني فيك وقولي أنا مستانسه أنك تقول غلطه وماتدري شلون سويتها ومافيه أحد مايغلط بس المشكله ألي يستمربغلطته وحاولي تبينين أنج للحين شاكه فيه وقولي أناأنجرحت منك وطوفتها لعيون ألي بطني مدام أنك تحلف أنك غلطت وحاولي تشغلينه وعلطول تلزقي فيه وأنشالله الله بيرزقه بكره بنون يشغله ويحسسه أنه كبرعلي هذي السوالف وبعد فتره سوي روحج مصدومه وقصي له قصته بس غيري فيها شوي وقولي هذا زوج رفيجتي وبعدين طاحت عليه مره ثانيه والحين هي تبي تتطلق وكرهته ومعاهاعيال وقولي صراحه أنا أنصدمت وسوي أن زوج رفيجتج سوي مصيبه وكارثه أنه شلون يكلم و كبري الموضوع بيني أنه موهين عندج وقولي يستاهل ومجنونه رفيجتي لوقعدت عنده يوم وقولي يافلان أنا لومومتأكده أنك كنت غلطان وندمت وتحسفت وأنا متأكده بأخلاقك روعه وفيك دين وتخاف من الله حتي مرات أقول يمكن أصلا أول مره تسويها عشان أخلقك أنت موجذي بس الشيطان وسوس لك يافلان مافيه أحد مايغلط والله يغفرماتبي أحنا نغفربس الله بعد شديدالعقاب عشان جذي صفحه وطويتها
أولآ: لأني متأكده أنه موطبعك لاني أنا أشوفك أرفع من جذي وأحس حتي الناس تحترمك وماتنزل مستواك لهذي التصرفات
ثانيآ: لأني متأكده أنك تحبني وشاريني أنا ولي بطني
لومومتأكده من هذي الشغلتين جان ماشفتني قاعده عندك … وجان سويت أكثرمن ألي سوته رفيجتي…بس أنت غيرعن الرياجيل…والله ياأختي راح يكره نفسه..ويحترمج وتكبرين بعينه ويقول عندي مره عاقله ليش أخسرها عشان تفاهات وحاولي بعد النقاش هذا تعطينه الثقه بس قدامه..وأنتي تقربي منه وأدعي ربج بالهدايه له والله يوفقج ويهديه لج ويصلحه أمييييين يارب العالميييييين…!!

شوفي حبيبتي انا والله اختي صارلها نفس الي صارلج بالضبط

ونصحناها كلنا وقلنا لها فاتحيه بالموضوع مره ثانيه وصار بينهم اشتباك اهي خلت له البيت وطلعت

ويوم عرف قيمتها يا وراضاها وحلف ان هالشي ما يتكرر ولو تكرر بيسوي كل الي تبيه لانه حس بقيمتها
الحين سالفتها صارت لها سنه يمكن والحمدالله اهي عايشه معاه احسن حياة

لانه عارف قيمتها وانتي خليه يعرف قيمتج لا تترجينه ب ولا شي وخليه يركض وراج

والله ماقول هالكلام على اساس اني بخرب بس والله جذي الرياييل لازم يعرفون قيمه المره

الله يوفقج ياحياتي ويسهل امرج ويسخره لج

أنا مع المهذبه…صج اسم عللى مسمى

انا مريت نفسج

كلمته مره ومرتين وثلاث

اخر شي تركته لاني ما اتحمل

بس اقولج شنو سويت

لزقت فيه وايد
تلفوناتي اكثرت عليه
طلعات ودخلات
لهيت معاي باي شي

حاولي انتي يمكن يناساها

شوفي البنات اللي يبيعون سوالف رومانسيه

سوي له اشياء حلوه

لعله وعسى ربي يهديه لج