|
|
السلام عليكم بنات الموضوع باين من عنوانه انا طلع فيني بطانة الرحم المهاجره ولله الحمد الدكتوره قالت ان بتوقفلي الدوره لمده ثلاث اشهر عن طريق ابر في البطن
سؤالي هل في بنات عندهم تجربه مع هذا المرض او هل يصير في حمل الله يخليكم بنات نفسيتي تعبانه ووايد افكر انا املي بالله وانا باذن الله قويه لاني مؤمنه باللي الله كاتبه بس ما يمنع اني اسال عن المرض واشوف تجارب حلوه عشان يصير عندي امل والله اني اكتب وقلبي يتقطع على شوفة ياهل وخصوصا اني انا اصلا وااايد احب اليهال وسبحان الله اي يهال يشوفني بشارع يتبوسم لي ويلعب معاي ياااارب ترزقني والعب مع عيالي و كل وحده محرومة الله يرزقها ولا تبخلوني علي باي شي تعرفونه وانا ادري انكم ما تقصرون
اللهم لا تذرني فردا وانت خير الوارثين
الدورة ومن هدت الابر يتلها الدورة بعد شهر او شهرين تقريبا
والحين الحمدلله اهيا زينه بس ماحملت لان سوت عمليه وشالت قنوات فالوب
ولازم تسوي طفل انابيب وانشالله قريب بتسوييهم واختي بعد صغيرة عمرها 21
ولمن صار فيها المرض كان عمرها 18 سنه الله كريم انشالله والله يرزقج يااااااارب
عسى ربي يشافيج ويرزقج باليهال وانشالله تيبين تؤام وانه الله مع صابرين وكلي امرج لله حبيبتي انتي
ياريت اذا وحده تعالج بره تسأل اذا له علاج ولا لا
صدقووني هالمرض مو قوي وايد وعلاجه سهل ان شالله
ان شالله البنات يفيدوونكم يااااااااااااارب
|
المشاركة الأصلية كتبت بواسطة أحلى^حياه
 فيه عضوة اسمها فوشية ياريت تقولنا تجربتها فيها المرض وحملت الحمد لله
|
هلا والله يالغاليه انا توني اشوف الموضوع لعيونج باذكر تجربتي مع المرض
تجربتي مع المرض انا متزوجه من 6سنوات وسويت 4مرات تلقيح صناعي وعالجت عند حريم بس ما صار حمل الحمد الله علي كل حال , اخر سنه 2024 كنت احس الدورة ما ينزل دم مثل كل شهر يعني ثالث يوم انظف؟؟ علي هالوضع حوالي 3 اشهر بعدين رحت حق فوزيه القطان وسوتلي منظار وقالتي فيج بطانه رحم مهاجرة وبعدين سوتلي حقن مجهري والحمد الله انا حامل والله يثبته .
ان شاء الله تشفين يارب وتحملين