|
|
كــل عــام وانتم بخير جميعا
كيفكم يا بنات ؟؟
بدخل في الموضوع على طول ومن العنوان واضح اللي بقوله ..
أنا يا بنات اعاني من القولون واللي متعبني حيل الغازات اللي في بطني عادي اتحمل الالم بس لا يطلع صوت تعبت وربي
رحت للدكتور وعطاني علاجات بس ما فادت استعملت حبوب الفحم برضو ماا فااااااااااااااادت
استعملت اعشاب نعناع كمون مردقوش بابونج … وغيررره برضو ما فااااااااااااد
في الاخير سويت حجامه اللحين لي شهر سويتها وبسويها برمضان ان شاء الله يقولون انها زينه للقولون ولها مواضع طبعا تقولين للحجامة ان فيك قولون وهي تعرف المواضع او في مواقع متخصصه بهالشي وتسوين الحجامة لمدة 3 شهور ورا بعض . الان أنا ما خفيت بس سألت وقالو مع الجلسة الثالثه بتحسين بالفرق .
الآن سؤالي هو من منكم قد جربت منتج ايدمارك اللي اسمه شيك اوف وهو منتج ماليزي وله موزعين عندنا بالسعودية وفيه بالكويت وبالبحرين وبكل مكان أو احد من قريباتها جربته وانتهت من هالمعاناة تقولنا تكفون ..
نبغى تفاعل يا بنات اللي يعطيكم العافية ..
اذا عصبت او كلت الاياء اللى اتضر القولون مثل العدس اتصير بطنها صلبه
وبس هذا اللى اعرفه
و ان شاء الله البنات يفيدونج و ما تشوفين شر
طيب بقولكم شــي قريت في أحد المنتديات يمدحون الحلتيت بس ما ادري صحيح هي زينه للغازات او لا ؟؟
واي وحده يا بنات جربت شي وفااد معها تقولنا بليز خلونا نفيد ونستفيد ..
يالله الهمه يا بنوتات
انا اعاني من القولون من زمااااااااااااااااااااااااااان ويأسفني اقولك ماله علاج والغازات لاتشربين مشروبات غازيه نهائي
ابعدي عن الشي اللي فيه زيت وحلى زياده وبهارات
لي رجعه ان شاء الله
لا تحطميني ان شاء الله فيه بس يمكن احنا غافلين عنها وما ندري
انا بجرب الحلتيت بحاول هالايام وان شاء الله راح اسمعكم اخبار كويسة بإذن الله
ياااارب اكتب لنا الشفاء والعافية من القولون يارب وكل اللي يعانون منه يا رحمـن ..
فيه خلطة للدكتور جابر جتني ايميل بس ماجربتها للامانه هذي هي
| كنت اعاني من مرض القولون لعدة سنوات والله العظيم انه كان يغمى عليه من شد الالم ولا اصحى الا في المستشفى واستمريت على هذا الحال فترة طويلة والحمد لله ولاخليت مستشفى ولاطب شعبي ماجربته حتى فقدت الامل الا من رحمة الله في يوم كنت اتابع قناة الاخبارية وشفت الدكتور جابر القحطاني وسمعته يتكلم عن امراض القولون قلت اتصل ماني خسران شي والحمد لله المهم قلت له عن حالتي فقال لي عن وصفة بسيطة جدا استعملها 15يوم متواصلة قبل الاكل وبصراحة ماني حريص على المواعيد كثير المهم استعملتها تقريبا زي ماقال الله يجزاه عني الجنة ومن بعدها نسيت الم القولون ولله الحمد والمنة ولي الان اكثر من ست سنين وانا بخير الحمد لله ونادرا مايجيني مع الزعل اكثر شي المهم اعطيتها ناس كثير وكلهم دعوا لي ونفعت معهم وبعضهم نسي الالم نهائياوانا منهم والحمد لله الطريقة بالضبط زي مااخذتها من الدكتور هي كالتالي ملعقة صغيرة بابونج ملعقة صغيرةحلبة حب ملعقة صغيرة يانسون حب تغسل وتوضع في كوب ثم يضاف نص ملعقة صغيرة مستكة مطحونة ونص ملعقة زنجبيل مطحون ثم نعبي الكوب ماء مغلي ونغطيه ربع ساعة ونشربه قبل الاكل برضه بربع ساعة اول اسبوعين ثلاث مرات في اليوم وبعدين حسب الحاجة يعني اذا حسيت بالم خذ منها واذا ماحسيت بالم بلاش والله العظيم اني ماكتبتها الا ابغي الاجر والدعاء منكم ورغبة مني في التخفيف عن من ابتلاهم الله بهذا المرض والحمدلله من قبل ومن بعد ولا تنسون تدعوني لي وتدعون لاولادي بالتوفيق وحفظكم ورعاكم والله اعلم ولاتبخل بارسلها فالربما هنالك شخص آخر يستفيد منها… |
والله يشفينا