لعيون العضوه احلى فدوكه . دروس بسيطه للجوخ

ميداليه على شكل ورده

تحتاجين: حلقه للمفاتيح – شكل ورده من كرتون مقوى وزر ورده من كرتون مقوى – ورق فازلين (مادري هذا لما الحين موجود بالحياة؟)

الخطوات

1-رسمي من كل شكل اثنين عشان يصير ويه وظهر على ورق الفازلين
2-اكوي الفازلين على الجوخ عشان يتثبت ويصير اسهل بالقص
3-ثبتي زر الورده على الورده مثل الصوره
4-حطي الحلقه داخل الشريط وثبتي على ظهر الورده الأولى وبعدين غطيها بالورده الثانيه

…………………… يتبع الرجاء عدم الرد…………………..

ميدالية الفراوله

تحتاجين: باترون على شكل ثلثين دائره + الفرع الأخضر – خيط وابره – جوخ مناسب – شريطه – وحلقه

الخطوات

الصوره وااايد واضحه من اليسار لليمين بس الصوره رقم 6 متكرره

…………… يتبع الرجاء عدم الرد …………………….

ميدالية القلب

تحتاجين : قطعتين جوخ وحده ساده ووحده مزينه ( بالصوره مزينينها بقلب احمر وزرار تقدرين تزينينها على ذوقج)
وتحتاجين شريط – خيوط – قطن – حلقه المفاتيح

الخطوات

1-تطوين الشريط على الحلقه وثبتين طرفها بخيط مثل الصوره الثانيه
2-تخيطين الشريط بين القطعتين الجوخ وتخيطين داير ما يدور وتخلين جزء مفتوح
3-احشيها بالقطن من خلال الجزء إللي مو مخيط وتالي كملي الخياطه
4-الشكل النهائي اخر صوره

……………….. خلص الدرس الأول يتبع الجزء الثاني البروشات والوردات……………

البروش البسيط

اول صوره عباره عن الباترون

1- تسوين 12 قطعه من البتله الكبيره و 6 من الصغيره
2-كل 6 تجمعينهم بروح نفس الصوره
3-تثبتين الدبوس وتخفينه بقطعة جوخ مدوره ومستطيله نفس الصوره
4-الشكل النهائي ممكن تزينينه بكريستال او خرز

1- اول صوره الادوات اللازمه
2- لفي المتطيل الاول (المشرشر) عشان تصير عندج اول ورده
3- نفس الشي مع المستطيل الوردي الفاتح اول شي اطوي وثبتي من الطرف التحتي وقصي الطرف الفوقي
نفس الصوره (عشان يصير مشرشر نفس اللي قبله)
4- لفيها على الورده الاولى وثبتيهم بدبوس
5- ثبتي اوراق الورده الخضره في الاسفل وعليها الدبوس (المشبك) وزنيها حسب ذوقج انا عارضه لكم صورتين عشان
تاخذون فكره

تابع الدرس الثاني

بروش الورده العوده

هذا البروش شوي احسه معقد بس اهمه عارضين بس باترون الورده العوده للي حابه تجرب

……….. يتبع الدرس الثالث والاخييير ……………..

طريقة عمل ابواك صغيره للنظارات او الموبايلات

إللي باليمين باترون يدوي والمظلل هذا راح ينقص

راح تطوين بقية الاجزاء وتزينينها على ذوقج وممكن تحطين زرار او الصنفره الخشنه (مادري شنو اسمها )

تابع الدرس الثالث

كب الحيوانات animal cups

تحتاجين علبه بلاستيكيه (نفس علبة السانكيست)

1- خلي فتحة العلبه إلى الاسفل ولفي عليها جوخ ابيض
2- راح تثبتين قطع سوده اشكالها مو منتظمه عشان تسوين الرقط و من نفس الجوخ الاسود والاحمر تسوين الفم واللسان
3- للأذن لازم تلزقين طبقتين عشان الجوخ يصير مقوى وثبتي اطراف الأذن على اطراف الراس
4- الشكل النهائيممكن تسوين اي شي على ذوقج ( بقره – فرفور – دبدوب)

…………………… يتبع الدرس الثالث……………………

الكب كيك

بس راح اعرض صور عشان تاخذون فكره وتجربون لو حابين نفس خطوات الصور

كب كيك

إللي فوق هذا الباترون وللي على اليسار تحت هذا الشكل النهائي

ميني كب كيك

ايس كريم يمميييي

خلص الدرس واتمنى ان الكل يستفيد والعضوه (احلى فدوكه) تستفيد

واللي حاب يبحث اكثر يكتب

felt, or, feltro

بالقوقل
او اليوتيوب

ابي تفاعلكم ودعواتكم وسامحوني لو طولتها عليكم