لطالبات 10+ 11 + 12

ما صدقت افتك من الاجتماعيات
بس اب

انا ادري الاجتماعيات قثيثة بس شلون تبي الابلة اللي تسهل لكم كل شي و تلخص بالدفتر ولا شلون

والله البوربوين مهم بالحصه ولازم الخرايط
وبعض الابلات يضيفون قصص قريبه عشان التوضيح
والاجتماعيات حلووو

بما اني طالبة ادبي..>>احم يعني كللش

افضل شي لتسهيل الماده المراجعه اول بأول مع البنات

وطريقة الشرح تكون مع قصص وامثلة لان هذا الشي اللي يدخل بالمخ عددددل

وكتابة الاشياء المهمه بالدفتر لمراجعتها بوقت الامتحان

وبس

احب الشرح على الخراييط وتعطينا الأسئله المتوقعه والضروريه وتدون معانا كل شي مهم
والحمدالله مدرستنا الحاليه جذي

تسملين على مرورج حياتي
و القصص شي حلوووو

منورة حياتي
اهم شي الاشياء المهم بالدفتر مو تصم كل شي بالدفتر شي لا يطاق

و الله يوفق ب11 شدي حيلج شوي صعبة بس 12 سخيفة اسهل من 11 بمليونين و 50 مرة منورة

زين الحمدالله اتمنى لج التوفيق و الاسئلة افضل تعطيكم اياها بمذكرة احسن من الدفتر

المعامله الحلوه من الابله و شرح الدرس على شكل قصه وان تكون مناقشه بين الابله والبنات وبالتوفيق انشالله

اول شيء يعطيج العافيه هذا دليل على اهتمامج في الطالبات وبمستوى التدريس وانج تشتغلين بضمير اول شي اطلبي من الطالبات يحضرون الدرس ضروري واكدي عليهم انج بدور راح تقومون البنات كل وحده تقول نبذه عن الدرس وطبعا كل وحده بشطارتها اضيف اضافات مثل الخرائط او غيره من الاشياء الخاصة في مادة التاريخ ولما تقوم البنت عطيها الثقه واطلبي من البنات الانصات لها لأن بالطريقه هذي بسير عندنا جيل متحدث واثق من نفسه على السنع مو ثقة هالزمان لمبلتع وعليها درجات وهم يحكمون على الطالبه الي فهمو من شرحها ومايغني عن اضافاتج على الدرس مثل الاسئل والاجوبه المهمة الي تخص درس اليوم والله في هالطريقه بترتاحين وبتكتشيفين ان الطالبات مصحصحات معاج لأن كل وحده ودها تقوم وتشارك ومثلي عليهم افتحي دفتر العلامات لأهتمامهم بالموضوع لأن ابن ادم بطبعه يحب خد وهات اخذي مشاركه وعطيهم علامه ولا شرايج .

اهم شي انها تطلب علينا نحضر الدرس هاذا دليل على اهتمامها فينا وخوفهاعلى مصلحتنا
ومانبيها تعطينا مليون درس بيوم واحد كل درس بيومة وطبعا تشرح لنا بالخرايط تخلينا نقوم نحدد معاها
يعني اهي تحدد واحنا نطلع الخريطة الصماء ونسوي مثلها تجيك على الواجبات كل يوم لا الابله الي ما تجيك علينا
الصراحه ما يهتمون بمادتها
وطبعا الاسلوب الحلو معانا وماتعصب يعني وقت الجد جد ووقت الضحك ضحك عشان مانمل من الحصه

انا الحين علمي
بس بعاشر ابلة الاجتماعيات كانت كله تقول المنهج سايح على بعضه وانه ثقيل
فكانت تخطط لنا بالكتاب وتعطينا الاسئلة والامثلة واذا شي يبيله شرح تشرح
والله كانت حصتها حلوه

طبعا اهم شيء الخريطه >>الابله تخطط عليهاا بعدين تمسح التخطيط وطلع بنت تخطط مره ثانيه…

ولازم تكون الابله شديده لان بنات الادبي ما ينعطون وجه>>علمي نفسج..

وكل حصه راجعي ع اسأله الاصفي مال الحصه اللي طافت علشان ماينسون البنات الدرس….

وبث هذا اللي عندي

والله يوفقج..=)

الف الحمدلله اني افتكييت من اجتماعيات عااااشر

واحب الابلة اللي تخطط بالكتااب وتحط اسئلة هذا اهم شي بالنسبة لي واايد يسهل الدراسة
والحصة ما تكوون كلها حجي البنات ما راح يركزون وتلقينهم كله سرحانين .. خلي الحصة شوي جد وشوي ضحك
وموووفقة يااارب