|
|
زوجي حبيبي بيطلع من المستشفى بعد اسبوع أو عشر أيام .gif "Eh S(9)")
وبغيت أعطيه هديه وااااااااااااااااااااااااااااااو يعني لما يشوفها يبطل حلجه متعجب
هديه معناها أنا امووت فيك يازوجي
ابي افكار بطريقة التقديم تكون حلوه وغريبة
بس اللي بيننكم شوي الهدية نفسها لأني تقريبا اهديته من قبل كل شي :
ساعة
وبوك
وتلفون
وتكرمون جوتي
وعطورات
وقلم
بزمه أو كبك للدشداشة
دهن عون
بخور
أبي مساعدتكم بليييييييييييييييييييييز
ومشكورين وماتقصرون
وشي غالي مو بطقه مع غتره ماركه …..
والحمدلله على سلامته
انا ماعندي الحين فكره شنو تشترين
بس لا تغلفين الا في بوابه الهدايا الي جمعيه الروضه
عجييييييييييييييب
صج صج يتحسف يفتح الهديه من حلات الغلاف
وقرت عينج
بعد قلبـ قلبكمـ
مع تحياتيـ softlady
.
ممكن الهديه تكون قلم ديور والحين الماسه مسوي سيل حلو ومحل ايكو منزل جوتي وانت بكرامه ليمت اديشن بس الصراحه حده رووووعه جنه جفنشي
بالنسبه لي انا اهديته خام دشداشه انجليزي من اجواخ ابو الحسن طبعا مو اي خام وحطيته بعلبه دائريه وراس العلبه قلبته ووديته محل الزهور وترسه ورد جوري احمر معاه شوي ورد لون ابيض وطبعا سكرته بريبون نفس لون العلبه وطبعا مابخلت على نفسي بقيص نوم وطلبت من وحده من الخوات بالمنتدى حلاو يصير على سليب للريال حطيته مع الهديه وكرت صغيرون
طبعا ريلي انهبل من شكل التغليف وتحسف يبطلها وللحين خاشها واتمنى اني فدتج
1- سويله سي دي في اي محل من محلات الكمبيوتر او المصورين وسويله عرض سينمائي صوره من هو اصغير لين كبر او لقطات معينه مع جمل فيها تعليق يضحك منج على الصوره او تعليق رومانسي ، وتكون اللقطات مترابطه وكأنج تقولين قصه حب ، وآخر شي تكتبيله أحبك .
2- اتسويله لوحه من ارت كونيكشن على صورته ابطريقة الرسم البورتريه او الرسوم الكارتونيه ويمها تعليق الحمدلله على السلامه ، يحطولج في الصوره الصورة اللي تبينها يعني اذا ريلج يحب البحر حطيله بحر وجنه صايد اسمجه ، واذا يحب الكره تقدرين اتخلينهم يحطونه جنه لابس لبس الفريق المفضل عنده .
3- وفريله شي كان يتمناه مثلا اذا يحب فريق معين او منتج معين مو موجود بالكويت وصي عليه بالانترنت تقدرين تطلبينه من مركز سلطان او اذا عندج اشتراك في ارامكس .
4- حجزي انتي وياه في شاليهات الهيلتون ، و اهناك عندهم سبا تقدرين تحجزينه لج وله بس تقعدون في حمام السباحه واهناك فيه مساجات وعناية بالبشره ، يعني يوم ريلاكس، عقب تتغدون في حد هالمطاعم وتتمشون على البحر في جو رومانسي حلو خصوصا اذا شبو دفايات و حطوا الطاولات بره مع الشموع . الريال ممكن ينسى الاشياء الماديه ، بس هالنوع من الطلعات لايمكن تروح عن باله . ولا تقولين برد ، لانج حزتها راح تحسين ابواهي 
واي استشاره انا حاضره الله يهنيكم ان شاءالله يارب والحمدلله على سلامة ريلج
بس أبي تفاعل أكثر
والهدية للحين مادري شنو لأن تقريبا كل شي ذكرتوه اهديته من قبل
بلييييييييييييييييييز ساعدوني
انتى لما قدمتى له الهدايه الى قبل كل شغله بروحها
انا من راى تيبين صندوق كبير
وتحطين مجموعة عطور … وتاخذين مجموعه من صوره وتروحيت تسوينهم على زجازج مكعب .. برواز.. مداليه شغله تتعلق وتوزعينهم.. وتحطين كروت اكثر من 20 كرت وكل كرت اكتبى فيه جمله وطبعن لما تسوين هاشغله مغلفتهم من تحتهم تحطين خام وتزينينه مثل اورقنزه او ستان
ونص العطور والصور حطى له لاب توب وقدميه له بس
شغله حلوه
اتمنى عطيتج فكره
ياحيل الله بعد شنسوي انعصرلج مخنا :
اشتريله كرسي مساج من باناسونيك
تلفزيون بلازما اذا ما عندكم
جهاز سوني اخر موديل نزل اللي حق الالعاب
لاب توب
كاميرا ديجيتال
هدوم: بجامه مع دلاقها وجوتيها+ ملابس كاجوال عباره عن بلوفر وجاكيت وبنطلون حطيهم في صندوق .
تعليقه من شوارفسكي حق سيارته .
تتفقين مع هذي البنت الكويتيه اللي اسمها نوره الجاسم اللي اتسوي على اي شي تبينه ستراس واتخلينها تكتب اسمه على سكان سيارته مثلا او سويجه بالستراس .
روحي محل بهبهاني واشتريله ساعه ماركه بسعر معقول
عندج تيفاني اند كو اشتريله منها هديه عليها القيمه وكفايه تغليفهم المعروف تركواز وشريطه بيضه
اشتريله طقم من اس تي ديبونت من تناغرا بوك وقلم و مداليه .
اشتريله من المرشود صندوق فيه بخور و مبخر و دهن عود معتق اصلي ، و خليهم يكتبون اسمه على الصندوق .
اشتريله جهاز حديث من يوريكا ، يعني روحي افتري اهناك ترا بين فتره وفتره ينزلون فناتق ، ف يمكن تلقين مثلا برنتر او جهاز ينزل الصور ابطريقه حلوه او اي جهاز حديث مهم وفنتق واشتريله اياه
وبس ترا تعتب ولا تقولين ما عطيناج افكار !!!!!!!!! اتمونين وحاضرين لاي استشاره