لحقوو بنتي عمرها 6 شهور و متسلخة مكان الحفاظ

السلام عليكم ورحمه الله وبركاته ………………

بنتي مكان البامبرز وانتم بكرامه صاير احمر ومتجرح ويطلع دم … ابي كريم مجربينه ولا اي شئ يخفف عنها هالجروح لانها ماتنام ولا ترضع وطول اليوم تبجي

الله يخليكم ساعدوني

اخذي لها مايكوستاتين مرهم من الصيدليه لونه اصفر

وبس تطيب قطعيه

وسلامتها انشالله

وعن تجربه شخصيه
انا ولدي البجر صار فيه جذيه وما فاد معاه شي
وامي الله يحفظها قالت حطي زيت زيتون ,,, والحمدلله صار زين وبعدها استعمله في كل عيالي ولا احط اي كريم
وخليها بعدين على الاقل بالاسبوع مره حتي لو ما فيها شي لانه يمنع الجلد من اي بلل

الله يشافيها

نثري عليها نشا مال المهلبيه الابيض

وسلامتها ان شاءالله

حناين مشكوره حبيبتي بس الكريم اللي قلتي عنه فيه كيرتزون ولا لا ؟؟

ثلاثينية … ان شاءالله ياحياتي اجرب زيت الزيتون بس اخاف يكون حار عليها لانه متجرح

ام نيرمانا ..

مشكوره يا حياتي

هوى الدار …
انا حطيت عليها نشأ لكن مافاد ولا سوى شئ صارلي يومين وانا احط

اظن حبيبتي فيه نسبه قليييله من الكورتيزون ماني متاكده
سالي الصيدلي – بس ترا ممتااااز انا كنت استخدمه حق عيالي

روحي المستوصف
ميكوستات والفاكورت
نسبة كورتزون بسيطة
ولي تشافت
خليج على سودو ولا تتركينه

بيبتي حناين تعبتج معاي … بس المكان متجرح ويطلع دم لو استخدمه مايضرها

ناتشوو والله هالكريمين مايفيدون كلش كنت استخدمهم حق ولدي ولا شفتلهم فايده تذكر

حبيبتي استخدمي دهن الراعي الازرق القديم اتلاقينه بالجمعيات وكل مكان وااايد زين
دايم نستخدمه حق عيالنا كثري منه الحين لين يخف والله يشفيها لج

دنيا الوله

مشكوره ياحياتي وبدور الكريم لاني بصراحه اول مره اسمع عنه