لحقوني الوسواس ذبحني ياريت تساعدوني

السلام عليكم

حبيباتي امبيه ماتدرون شكثر اعاني وطالعه بسالفه يديده حتى ريلي مسكين خرعته وياي بروحه مايوسوس ولا انا بس لانه شاكه بشي وودي ادطمن المشكله انه انا اسوي فحص دوري على صدري اذا فيه ورم ولا شي الكشف الذاتي داير مدار الصدر وصدري اليسار احس بكره؟؟ امسكه بيدي تقريبا كبر ممم الزيتونه يمكن امسكها وتحرك واسوي بصدري الثاني ماكو شي؟؟ قلت يمكن اوس وس ولاشي واتعوذ من بليس وكل ماسوي الفحص امسكها واخترع

ودي افحص عشان اطمن مسكين ريلي يقول لي عادي يايبه هذي غدد تصير بالصدر ولانه رياضي يقول انا فيني بصدري وقالولي انه غدد بالصدر ومادري شنو وتعوذي من بليس ومن هالكلام وانا مو مطمنه الا بكشف بس مادري وين اروح وشسوي؟

يعني اسوي اشعه ولا تحليل ولا..الخ وين اروح اي عياده او اي دكتور ؟ بليز ساعدوني ماتدرون شكثر التفكير ذابحني باجر العيد والكل مستانس الا انا السالفه ببالي صارلها فتره بس بطمن والله

انشاءالله مافيج الا العافية ، روحي الطبيب بعد العيد وسوي الفحوصات وعلى فكرة البنت بس يصير عمرها 30 لازم تسوي هالفخص

ما فيج الا العافيه ان شاء الله

انتى عادي روحي طبيبة النساء وشوفي

انا مره وسوست مثلج ورحت

من اول ما تشوف اتعرف ان في شئ او لا

وبعدين اكفنا شره له اعراض قويه مو شئ سهل

وبعدين في مركز متخصص يحولج له المستوصف

وماتشوفين الشرر

مشكووورين غالياتي بس ماقلتولي وين اروح ؟

دقي المستشفيات الخاصه وسألي منو اللي عنده عياده فحص الثدي

عند كان تسوين او العيادات الخاصة تلقينهم في الجريدة موجودين عناوينهم

مشكورين

لاتخافين ان شالله مافي لا الخير روحي وافحصي ومدامج مستمره على الكشف الدوري اجل ماكو الا الخير يارب الله يطمنج ويرزقج راحه البال

جدامج العافيه ان شاءالله

ماتقصرون مشكورين غالياتي

لا لا لا لا

لا تروحين خاص يا حلوة

انا اشتغل بالمستشفى ومتخصصة اشعة

اولا تروحين حق الدكتور بالعيادة العادية مالت المستوصف وتطلبين يحولونج عالمستشفى ويسونلج سونار

لانج اذا كنتي تحت الاربعين سوي سونار صدر واذا كنتي فوق الاربعين عادي تسوين اشعة الثدي mammogram

ماموجرام

وثالثا _اذا ماكن في احد بالعيلة من جهة امج وخواتج ويدتج وخالاتج فيهم اي نوع من التليفات او الغدد او الله لا يقوله ورمات من نوعهينها الحميد او الخبيث

تطمني

بس كل اللي ذكرته عادي ما عدى الخبيث

يعني ممكن يطلع من الحلمة افرازات ملونة اصفر اخضرو بني محمر كله عادي

هذا التهاب داخلي ويروح مع المضاد الحيوي

واذا فيج تفخة تكون الغدد ملتهبة بسبه الرياضة الزايدة والمساج العنيف او …((ريلج شوي مثقلها حبيتين معاج))

سوري

وترى صدقيني الشين ما يطلع بساهلة كلش ويبيلة سنين على ما يتكون

لا تخافين ولا تحاتين انا كتبت كل هذا علشان تعرفين شنو اللي عندج والطريقة الصح

ولا تروحين الخاص ما عندهم اي خبرة لا من ناحية الدكاترة ولا من ناحية الفحص الماموجرام

صدقيني انا اختج وانصحج

نطري دورج بالحكومة والمشكلة انه بس مبارك والاميري زحمة روحي اذا قدرتي الصباح ولاولادة اسرع

ان شاء الله اكون فدتج

ماقصرت ام شوشهكنت بكتبلج نفس المعلومات

لاتحاتين لان لها اعراض وايد وهم سوي سونا وانشالله مايج الا العافيه