لحقوني الله يخليكم نفسيتي تعبت

بنات ولي يسلمكم ابي اسوي شفط دهون لبطني وفخوذي يعني لكامل جسمي وماكو عياده بالاعلانات والجرايد مادقيت عليهم كلهم يطلبون مبالغ خياليه من 2000 وفوق وللاسف كل ماقولهم في نظام دفعات يعني (اقساط) يقولون لا كاش بس شسوي بنات مليت زهقت من شكلي ولاتقولون لي سوي ريجيم ولا اعشاب ولا حبوب ولا ووو…..وووو لان كل شي جربت ولقيت ان ماينفع معاي الا هالعمليه واريح راسي تكفووون بنات منو تعرف عيادة تجميل مضمونه وشغلهم اوكي يسووون لي عملية شفط على دفعات …. وربي يجزاكم الف الف خير على الرد … ناطرتكم على احر من الجمر

والله علمي علمج بس رفع للمساعده

تسلمين يله بنات وينكم

افا والله

هلا أختي

شوفي ماكو حل عندج إلا انج تتسلفين أو تاخذين قرض لان مافيه أي مكان يسوي على دفعات

وإذا تبين مكان زين يسوي هالسوالف مركز الزهير بالسالمية بجانب مستشفى المواساة عند الدكتور أحمد المسلم

أختي سوت عنده الشد والشفط بالليزر حق الفخوذ والظهر والزند والأرداف ،،

والله ماتصدقين تبارك الرحمن نازله لحد الآن يمكن 4مقاسات من ملابسها وهي سوت العملية من شهر 11تقريبا وكلفتها 2000دينار

حياتي انتي واللة

مو الا شفط دهةن ترا في خطر كبير…

نصيحتي اترروحين حق دكتور عشان يتابع النظام الغذائي او شوفي الفرق اب عينج

في اطباء حكوميين بعني ما تدفعين

الشفط هذا كلش موو لازم

المشكلة اهوا نظام لأكل

فأحسن شي انج اتابعين دكتور غذائي حياتي

او با توفيق انشاللة

تسلمون بنات

الله يستر عليج انا مثلج افكر فيه بس لما اعرف مضاره اهون

بصراحه الصحه تاج على رؤس الاصحاء

وللرفع

حبيبتي اسمحي لي اقولك تجربتي، كنت امل من الريجيمات و خلاص قلت لزوجي راح اسوي شفط. و اخذت موعد وكل شيء، دفعت التكاليف واخد الطبيب المقاس مشان المشد. ولما قرب موعد العملية تقريبا اسبوعين، مديت احس بعدم ارتياح بعد ماكنت طايرة من الفرح، ما بعرف شو حصل بالضبط بس كان شيء داخلي مو مطمن ابدا، صليت استخارة، وكنت منتظرة الدورة، وما جت! عملت تحليل ولقيت اني حامل. حكيت مع الطبيب وقالي راح رجع فلوسك وانسي العملية الي ان يكبر البيبي شوي. بعد شهر حصل معي اجهاض، و الله كريم. واليوم قسما بالله اني بحمد ربي اني ما سويتها، كان وزني 100 كيلو، وقررت اغير نظام اكلي، واليوم وزني 84 كيلو، والمدة شهرين تقريبا. وما اكلت لا حبوب لا اعشاب، كرهت شيء اسمه مشروبات غازية، واكل حلو بس بشكل معقول. واعذريني لو طولت، بس حسيت انه من واجبي احكي لك تجربتي. وانا ماراح اقول لك ما تسوي، بس صلي استخارة وان شاء الله تضعفين بصحة وسلامة. ودمت في حفظ الرحمن حبيبتي.

ياقلبي يامسلمه اشكرك جزيل الشكر على اهتمامك و كتابة تجربتك والحمدلله انك ضعفتي والله يعوضك خير

انزيين حاااولي… والله عندي اخت شفطت بطنها وفخوذها وشالت مسكينه صدؤها ولااااااااا أكووو فايده للحين شكلها متينه

بس بالنسبه للأسعاار ترى كلها جذي الزين والشين

وان شالله تحلين مشكلتج حبوبه

مرحبا حبيبتي انا برايي تروحين للدكتور اسامه رووعه فظيع اختي كان وزنها 120وصار 60وجايب جهاز عالمي الحين ودي اروحله ومو غالي واسخيري عن الشفط تره فيه خطوره

Grass مشكوره يمكن اختج مالتزمت بنظام غذائي او الدكتور مو ذاك الزود عموما انا بجرب واشوف واشكرج على مرورج واهتمامج

قمر2009 ياقلبي حاولت بس ماكو فايده مني اعرف نفسي عدل ابي كل شي بسرعه ومافيني صبر وعيبي اني مزاجيه لما اسوي رجيم ابلش اول اسبوع يالله يالله وثاني اسبوع اطخ عشان جذي مالي الا العمليه والله يسهلها واقوم بالسلامه

دكتور اسامه شنو ووين مكانه
وشنو الجهاز ومته النتيجه تبين وجم كلف اختج