لتخفيف آلام الظهر والنوم براحه من مذركير

السلام عليكم ورحمة الله

حريماتنا الحوامل ..

شلونكم وشلون البيبي معاكم ؟

الله يسلمكم أنا جربت من مذركير ..

حزام الظهر : واااايد ريحني حتى لما اسوق ما قام يعورني ظهري مثل قبل .. عجيب انصحكم تشترونه بس عاد عند النوم ريحوا جسمكم شوي منه

وهم شريت مخده منهم مقوسه : تريحج بالنومه وايد .. انا شريت وحده تقدرين تحطينها بين ريولج او تحت بطنج او تحطينها تحت راسج يعني ع القنب اللي بريحك .. انا ودي اشتري ثانيه وحده حق راسي ووحده بين ريلي والله تصير خوش نومه ..

مو تدرون نومنا في ايام الحمل يتعب .. بس الحمدلله على كل حال .. كلشي يهون عشان هالبيبي

بس حبيت أفيدكم لأني حاسه بمعانات الحوامل ..

والله يقومنا بالسلامه

أختكم

الحامل الحزين

الله جان زين في شي يريح بالنومه صايره هالايام معاناه مو نومه
والحزام هذا شنو ؟ لان والله ظهري يشد علي الحين عطاني الدكتور كريم صج يريح ظهري بس هم موكل وقت
وبعدين شنو اقولهم على المخده والحزام بمذر كير يعني شنو اسمهم وماتقصرين حبوبه والله هالموضوع يبتيه على الجرح

—————————- حدها استانست من الموضوع

هلا والله استبرق ..

روحي مذركير اللي في الافنيوز وقوليلها ابي حزام الظهر حقي والمخده تلقينها معلقه يم الملابس ملوت الحوامل ومافي غير هالمخده حق الحوامل مقوسه .. اهما راح يدلونج هناك .. بس انصحج فيهم

بس يقولون الكريم موزين حق ظهر الحامل ديري بالج مو اي شي تحطين انا عطوني بس ما استخدمته..

الله عيل يبيله روحه لمذركير

وبخصوص الكريم لا هالكريم كله اعشاب ونعناع وصج يبرد عليج وحلو وانا ماخذيته الى لما وصفه لي دكتوري
ومشكوره يقلبي وماتقصرين

مشكورة .. والله يبعد عنج الحزن انشالله

أستبرق :
يلا روحي ألحين شناطره هههههه ..
ايي تصدقين ما سألت دكتورتي عنه اهي قالت لي انه ظهري رجيج .. بس الحزام ساعدني يعني يلف على بطنج جنه يساعدج بشيلت البيبي اسم الله عليه
ولكمو حبوبه..

الشرنقة :
العفو حبوبه .. آمين يا رب

ايي بعد بنوتات .. في بمذركير كريم حق التشققات والخطوط اللي في البطن وهم حق الحلمات عشان ما يصير فيها تجاعيد وتساعد البيبي بالرضاعه بعدين ..

رحت اليوم من الصبح مع زوجي للافنيوز واشتريت المخده واااااااااي تهبل

لا وحنا نمشي بالسوق زوجي يقولي انا حليت المخده اول اذا ردينا البيت خخخخخخخخخخ يعني يبي يشاركني فيها

رديت العصر سيده قلت لزوجي خل ننام شوي تحسين ماكو شغل ونمت الله احلى نوووووووووومه احس من زمان ما نمت جذي انا حطيتها تحت ضهري والي مثل الايد ما ادري شنو خخخخخ حطيتهم على خصري
بس صج صج روعه وهي الي تبيع قالت لي بعد ورى الولاده تساعدج اذا تبين ترضعين البيبي

مشكوووووووووره حبيبتي والله فدتيني الحين قاعده على الاب توب وحاطتها ورى ظهري

صباح النوم :d
لوووول .. ياحلوج يا أستبرق ..عاد جان شريتي حق زوجج وحده لووول.. يلا ع البركه .. عقبال باجي الحوامل .. ايي حتى انا حاطتها ورى ظهري حدها مريحه ..

لووووووووووووووووول هو الي يشتريلي انا شكو اشتريله خخخخخخخخخخخخخ لا واول ماردينا راح ركض وحبطل المخده ونام يقول شلون يعني خخخخخخخخخخخخخخخ لا وتوني قمت باكل اقوله لحظه بييب مخدتي وهو يضحك يقول بخيطها فيج خخخخخخخخخخخخخخخخخخخ ويالله يالحوامل روحوا اشتروها والله حلوه وماتقصرين مره ثانيه

هههههههههه .. الله يتمم عليكم .. ويولدج بالسلامه يا رب
ولكمو كل يوم تعالي

امين حبوبه واجمعين وانشاءالله لاتوصين حريص

الله يهون عليكم يارب ومشكوره حبيبتي عالمعلومه انا موحامل بس ظهري يعورني

النبع الصافي هلا والله حياج .. بس هالحزام ما ينفع الا للحوامل سوري حبوبه

تصدقون انا المخدة بحملي الفات عجييييييييبة كلش ما حسيت بالام اللي كانت تييني من النوم على الحوض بس هالحمل مادري ليش ماجني نايمه عليها مافادتني ابجي من الالم اللي على الاجناب
مادري شسوي وبالنسبة للتشققات عندكم زيت الزيتون فظيع خصوصا لمن يكون اصلي