"لبس الدزة" للذويقات واللي تساعدني الله يوفقها دنيا و اخره امين

السلام عليكم ورحمه الله وبركاته
شلونكم بنات شخباااااركم ؟ انشاء الله بخير يارب

بنات بلييييييييييييييييز بلييييز تكفووووون ابي اعرف شنو الحين يلبسون للدزه ؟
امبيه والله حده لايعه جبدي دزتي بعد جم يوم و انا اليوم رحت شريت بلوزه لي تحت الركبه بشوي
بلبسها على اساس نفنوف
وشاريتها اب 50 دينار و حدها يعني عاديه بس خامتها شيفونات ناعمه اعتقد يسمونه ململ مادري
ومافيها شك ولا شي
واخر شي امي تقووووول ماتسوى

ومادري اذا تنرد ولا لا و يمكن اضطر ابدلها بس من المحل نفسه و مادري ششتري وشاخذ
تكفون ساعدوني والله تعبانه نفسيا حيل حيل حيل

واسفه ازعجتكم
مشكورين

ليش لا لبسيها .. وخلج طبيعيه ولاتبالغين بلبسج .. ولا تخبين روحج لبسي شي ناعم وحطي مكياج خفيف وفلي شعرج ..
وبس واهم شي لا تقعدين وااايد يعني اول ما ايون دخلي شوي وبعدين قومي ..

الله يهنيج يارب امممم عادي لبسي نفنوف حفله بس ناعم حيييييييييل وسوي شعرج بف او ويفي انا يووووم دزتي لبست نفنووووف كوكتيل وفوقه جاكيت عنونو وسويت وحطيت ميك اب كان شكلي حيييل ناعم

انا رايي انج تكونين كاشخة يعني بدلة حلوة وحاطة ميكبج ومسويا شعرج بس ها مو بف مال صالونات وتساريح اشدعوا اهما راح ينقون عليج خلج طبيعية

هذي صوره بلوزتي

فيها حزام طايح بالصوره تحت جان يبين ينربط لي ورا
والجموم وساع و ثلاث ارباع
البلوزه مثل النفنوف توصلي تحت ركبي بشبر

لوليتا

مشكورة قلبي عالرد الله يوفقج دنيا واخره ان شاء الله
بس تهقين ماردها يعني؟
انا حطييت صورتها … شرايج

مدري لونها مو شي لاتزعلين حبيبتي ابيلك الخير
اخذيلك لون فاااتح والوان فرايحيه الخامه مو مشكله بس اللون اهم شي وحطي ميك اب نااااعم وشعرك خليه استريت مع بف صغييير
غيري عند نفس المحل بس اهم شي بخي ع نفسك عطر لين تقولين بس مو عطور عربيه هذي خليها بعدي
حطي عطر فرنسي قووووي…………..الله يوفقك حبيبتي

Om_3bady
الله يسلمج ياربي ويخليج لعبادي
مشكورة عالرد

gazal-tamem

مشكورة ياقلبي عاالنصيحه
الله يوفقج دنيا واخره يارب

صللفه

لا ابد ما ازعل ياقلبي بالعكس انا ابي الصراحه لان اذا مو شي باجر اروح ابدلها ولا اني اطلع مو شي جدامهم
بس قلبي يعني تقصدين الوان فاتحه؟

وعقب ما امي قطتها بويهي ماتسوى لوووول اي شي بقولونه ماراح ازعل
اخخخخ شر القهر ما يضحك

مشكورة قلبي

حبيبتي القميص حلو وانا يوم دزتي كنت لابسه شي جذي بس حاولي اتدورنلج لون فاتح بس للاتخبين نفسج وراج الملجه والعرس فلاتخبين نفسج وحطي مكياج ناعم موصالون لا انتي حطيه وسوي شعرج استريت بس
وربي يتمم عليج ويفرحج

حبيبتي البلوزة حلوة بس ماتصلح للدزة
هذي تلبسينها حق زوارة.. طلعة سوق.. دوام
بس الدزة محتاجه بدله اقرب للسهرة

خوختي دنيتي
مشكوره قلبي شكلي بسوي جذي

قطورتي
مشكوره قلبي عالنصيحه والرد

انا لمه كنت سفور قبل الزواج وايام الخطب الصراحه كنت ألبس دراعه بس ستايل ناعم وبنطلون او اللي يصير قطعتين شاريتهم غالين لانه صج صج ماكو على دراعه فخمه حزة خطبه او الدزه شي راقي حيل …لبسي تنورة او شي ناعم حيل واحس عادي ينفع خلي خبتج حق الملج
اما زواجي انا طلبت دزتي وملجتي بنفس اليوم لانه ماكان عندي وقت فكنت لابسه لبس ملجه كوكتيل وعاري من فوق

ماعندي فكره

اب