لاصحاب الخبرة

انا متزوجة صارلي 8 شهور
وحامل بالشهر السابع

المشكلة بزوجي ابد مايمدحني ولا يقولي كلام حلو حتى مايقرب مني لا يلمني ولا يبوسني
حتى الجماع كان يجيني اول اسبوعين بشكل يومي بعدين خلاص انقطعت هالسافة صارت بالاسبوعين او بالشهر مره
اكشخ له وارتز ولا يعبرني حتى اتلزق فيه واتمسح لاحياة لمن تنادي
حتى لما قلتله اني حامل مااحس استانس عادي عنده الموضوع ولا حتى يداريني ولما صرت بالشهر الرابع كنت متحمسة اعرف شنو اللي فيني ولد ولا بنت مايرضى يوديني الطبيب وآخرتها رحت مع امي
مع العلم اني احلى منه بوين يعني المشكلة مو بشكلي

ابي اعرف اهو طبيعي ولا شنو فيه بالضبط

الله اكبر محد يرد
كلمة ولو جبر خاطر

امممم الله يعينج حبوبه .. والله مادري شقولج يمكن اهو طبعه جذي
بس ليش تقعدين معاه تكلمينه … تقوليله احس جنه مالك خلقي … قوليله انا مسويه شي ؟؟
يعني مو شرط هالحجي بالضبط بس ان شي جذي حبوبه

مليت وانا اقوله يقول طبعي جذيه وانا مااصدقة
المشكلة بعد شكثر يجذب قبل اسبوع يقول رايح عمرة واهو رايح الاردن
اهو متخرج من الاردن صارله سنة

قعدي معاه قعده جدبه وقوليله ليش جذي اشفبك شنو مو عاجبك
شنو تبي اسوي ومن هالكلام الله يسخره حقج

كيوته صباح الجوري .
بقولج شيء وانتبهي له عدل :
ترا ثقافة الزوج وبيئته اللي تربى فيها ومجال عمله
كل هالاشياء هذي لها تأثير كبيرررر على سلوكه وتعامله ويا زوجته .
فيه بعض الشباب من الازواج كرجال
اهما بلا شك يحبون حريمهم ويحترمونهم ويعشقونهم
بس ما عندهم آليه جميلة في توصيل مشاعرهم العذبة لزوجاتهم
او بالأحرى ما يعرفون لأنهم ما تعودوا على ممارسة هالرومنسية من قبل .
فحرصي كثير انج تكوني صبورة عليه
وحاولي بكافة الاشكال انج تغرسين فيه ثقافة التعامل الرومنسي وياج
وترا فيه كتيبات وكتب واشرطه كثيييييييير روعه تعلّم الشباب هذي الامور .
زوجج ما فيه خلل في حبه لج
اهو فيه شيء من عدم معرفته للبوح في مشاعره لج
حبه حبه
بتكونون اجمل .

ربي يحفظج كيوووته .

قوليله انتي الحين حامل و بحاجته ومثل ماقلتلج حاولي شوي شوي تطلعين منه حجي !!!
لان الله يعينج صراحه مايصيير جذي مايدري عنج واذا على قولتج من الحين يجذب عليج !!!

الله يهدييه انشالله

حبيبتي عادي لا تاخذين في بالج
المرأة لما تصير حامل اشوي تصير حساسه
ولا تتوقعين الرياييل اغلبهم ما يعبرون و ميخالف هونيها و تهون
ولا تدققين وايد

هذااا كله من الحماال تراا الوضع عادي ياقلبي

انطري مابقي شي توالدين بسلامه شووفي عاد فرحته شلون تصيرر

الله يهديه لج ياررب ويتمم عليج

مشكورين ياقلبي على ردودكم فرحتوني والله

الله يهديه….ويسخره لج….

امممم والله ما ادري شقولج ,الله يهديه

اللةيهديةيمكنطبعةجذيماتدرين اسالي امة يمكن تعرف اللة يسخرة لج

عليج بالدعاء وصلاه الليل والاستغفار اعرف وحده كانت تعاني من نفس مشكلتج والعن كانت يوميا تصلي صلاه الليل وتدعي وتستغف اكثر من 100 مره باليوم ر وتدعي بين الاذان والاقامه وتقرا سوره البقره كامله وزوجها صار من احسن ما يكون من عقب ماكان هاملها الحين لو تطلب لبن العصفور يابه لها الله يهنيها
ودايما رددي هالدعاء (اللهم اجعلني نورا بين عيني زوجي -اللهم اكفيني بحلالك عن حرامك واغنني بفضلك عمن سواك )
وعن تجربه صدقيني
عسى ربي يحقق لج كل الي في بالج

ذكرتيتي بلي مضى

يوم بشرته بحملي
قلتله مستابس جان يقول اشلون استانس وخالتي مريضه (فيها ربو)

ما كو احساس