لازم اشتري ذهب والا لا – تم تعديل العنوان بواسطه الاشراف

.

.

.

قوة حبايبي شلونكم انشالله تمام

بنات انا عروس لازم اشتري ذهب ولا مالا داعي

امي تحن الا اشتري ذهب وانا مابي لاني ماراح البسه وما احبه

واحس اني انحرج واتفشل اذا لبسته مو حلو اكره

ادري تبون تقولولي اشتري ذهب ابيض بس اهوا جنه اكسسوار بس اغلى

اشتري اكسسوار احسن ودي بالماس بس وايد غالي وماله فايده ومهري ما يكفي

انتوا شرايكم

شوفي حبيبتي

احنا عندنا يالبدو لازم العروس تشتري ذهب على الاقل طقم

بس مو حلوه تدخلين بيتهم وانتي مو شاريه ذهب

حلات العروس بالذهب ترى حتى انا ما احب البسه

ايه حتى انا ماحب الذهب بس لازم تحتاجينه بالمناسبات وبالاستقبال يعني كل عروس لازم تاخذ لها ذهب على الاقل خاتم عقد شي جي

لازم غلا انت عروس

لالالالالالالالالالالالازم الذهب

ترى قيمته فيه وبعدين وش حلاته كله نعومة وانوثة طالعي اليسا خيااااااااااال يجنن عليها وبعدين احكمي

لا حبيبتي مو لازم روحي اشتريليج ساعه وخاتم من آقنر
واشتريليج جم طقم من شوارفسكي
يصكوون عالذهب وارخص
انا عيميه ومو شرط عندنا الذهب
احسه صار قديم شخباري ذهب اصفر منو يلبس الحين

لاااااااااااااااااااااازم الذهب

على الاقل بيبقى ذخر لج ولا ان المهر يروح كله بالخلاجييييييييييين

انا اكثر شي بسوي بشتري ذهب <<ترا ماتحب تلبسه بس عروووووووس لازم البس

عسى الله يوفقج حبيبتي

حبيبتي انا اكره الذهب بس انتي عروس لااااااااااااااااازم ذهب وبعدين لو الله لايقدر احتجتي الا عندج الذهب وتبيعينه وتستفيدين عكس باقي التجهيز يطيح بجبدج

وترا في محلات دقات الذهب عندهم حدهآآآآآآ رااايقه ونعومه وذربه مو شرط نظام الذهب القديم اللي يلوع الجبد جنج حاطه سبيكة ذهب بكبرها ع صدرج ! لا شوفي نعومين وذربين وبتلقين

والله يوفقج =)

اانا بعد اكره الذهب بس شريت طقمين ناعمين حيييل

اشتري واحد ناعم ع الاقل اسمه ذهب سكتيهم :d

اانا بعد اكره الذهب بس شريت طقمين ناعمين حيييل

اشتري واحد ناعم ع الاقل اسمه ذهب سكتيهم :d

آنا نفسج ماحب الذهب كلش ملش بس اعتقد أن لازمتشترين غير الشبكة طقم واحد ناعم.. واشتريلج خاتم ناعم سوالف ألماس ناعم أو حتىذهب أصفر لأن دبلتج فضية أكيد فخلي عندج خاتم أصفر..
وإذا تحبين الألماس روحي داماس اعتقد شفت عندهم طقم نقطة ألماسة صغيييييييييييرة ناعمة حيل تراجي وقلادة عنونة نقطة ، آنا اقترحت هالشي لأن اعتقد بما أنج بتحبين الإكسسوارات راح تحين هالطقم النعوم
جنه مسمينه سوليتير
إنتي سئلي بداماس وبيساعدونج
بالتوفيج ^^

لازم تشترين ذهب

انا ناويه اشتري طقم راهي شوي وسلاسل خفاف اللي بس يبين القلب وخواتم

ما ادري محتارة قاعدة افكر يا اشتري من دماس بس احسه مايسولى يعني اذا بعته ما
ايب شي وثاني شي المعرس ساكن بره مو عند اهله يعني اهله مو 24 ساعه عندي وماراح يدققون
او اشتري ساعات ماركة واكسسوارات
صج انا بدوية بس بعايلتنا ما عندنا عرض ذهب وهالسوالف وفشله البس ذهب بالمناسبات والاستقبالات

لازم حبيبتي الذهب لان حلات العروس اول مره تزور اهل زوجها تكون لابسه ذهب

واشتريلج طقمين ناعمي واسوار وخاتمه بس

صدقيني الناس بتقول مهرها راح على اللبس والخلاجين <<ادري بتقولين انا شكو بالناس

بس الناس هي اللي تحكم على لبس العروس والذهب هو اللي يحسسج اانج عروس اول ايامج للم تزورين اهله ولا بوقت العزايم

<< وجهت نظري والاغلبيه جذي يسوون

اهم شيء بالتجهيز الذهب
له قيمة عند الحريم خاصة الكبار يعني عند ام المعرس وخالاته وعماتة
علشان يقولون والله جهزت وتسكرييين عينهم وحلوجهم وبعدين اهم شيء بالتجهيز الذهب
والباقي كماليات مثل الجناط والملابس والمكياج وغيرا
وبعدين الذهب حلو صج مااحب البسة دايم بس حلو
ورزة ويصلح اكثر شيء بالليل والله يوفقج ويوفقنا يارب