|
|
بدون مقدمات بدخل من الاخر يشهدعلي ربي اني اكتب لكم اللي صار وعيوني ماجفت من الدموع انا حامل بالشهر الرابع وهذا اول حمل لي انا متابعه عندالدكتوره كل شهر سونار وتحاليل قبل شهر سوت لي سونار وقالت الحمدلله البي بي تمام وكل امورك تمام بعد اسبوعين من السونارطلع مني نقطه دم صغيره جدا بس اني خفت ورحت لاخصائي الاشعه طبعا ممتاز والكل يمدحه قلت له بسوي سونار وسواه لي بس لاحظت انه وهو يعمله نظراته للبيبي ماطمنتني قلت له خير دكتور في شي قال لا يامدام بس المشيمه نازله شوي وانا الحين بكتب لك مراجع بعد اسبوعين ضروري تجين عشان اتطمن ع المشيمه وطبعا توكلت على الله واخذت الامور ببساطه كل الحريم تنزل مشيمتهم طبعا امس مر اسبوعين وكان موعدي رحت له من الصباح اول مادخلت قال انسدحي وحط الجل وجلس يشوف البي بي وقال للسستر الي عنده روحي بسرعه نادي الدكتوره حقت النساءوالولاده طبعا وقتها طاح قلبي ودريت ان المساله موبسيطه جت الدكتوره وقال لها تعالي شوفي معي الراس قال لها تشوفين التوسع قالت ايه وجلسوا يسولفون وانا قلبي دقاته موطبيعيه اخرشي قال قومي يامدام وتعالي استريحي بقولك شي وقمت وجلست قدامه قال انا قبل اسبوعين خبيت عليك وقلت لك المشيمه نازله شوي وهو مومسالة المشيمه المساله ومافيها ان فتحات المخ الجانبيه فيها توسعه وقبل اسبوعين كان التوسع بسيط بس الحين زايد طبعا انهرت وقمت ابكي قال انا لازم احولك على المستشفى الحكومي عشان يتابعونك ويقررون حالتك جلست ابكي وقلت له دكتور طيب وش الحل قال هي خلال اسبوعين اتوسعت عن اول فلو استمرت بالتوسع البيبي مستحيل يعيش راح يموت ببطنك قال انا الحين مااقدر اتخذ بحالتك اي اجراء لكن بعد اسبوعين بالضبط تجيني واشوف اذا التوسع توقف على كذا شي حلو اما لو ازداد راح نظطر نجهض الجنين وهو مستحيل راح يعيش لو التوسع استمر انا من امس ضايقه فيني لا اكل ولاشرب دموعي ماجفت دعيت ربي يشفيه لي ومايخيبني وابي دعواتكن بظهر الغيب ان الله يشفيه لي ويزيل التوسع اللي صار حبيباتي اللي مرت بمثلي او اتعرف احد نفس اللي صار لي تطمنني وتقولي وش صار معها
عليج يالدعاء يا الغالية ترا الدعاء يرد القضاء ومثل ماقالت اختي بندول اذا فية خير ربي بيعافية لج واذا لا احتسبي الاجر
ادعي باخر ثلث الليل لان الله سبحانة وتعالى يكون نازل لسماء الدنيا
وادعي وقت السجود لان وقت السجود العبد يكون قريب من ربه والله يطمن قلبج علية يارب
ولا تنسين طمنينا عنج يا الغالية ….
عورتى قلبي..مافيه الا الخير ان شاء الله وهالاطباء يهولون بالمواضيع..
ادعى يقلبي وقبل لا تسوين اى شىء صلى ركعتين استخاره ومالك الا العافيه يحياتي
اللهم اسالك ان تحقظه وتجعله معافى كامل الخلقه دون زياده او نقصان اللهم سهل حمله ومخرجه
واجعله قرة عين لي ولوالده واجعل ه من عبادك الصالحين ..
والله انا مافهمت كيف شاف التوسع ؟
اعرف وحده بالاشهر الاخيره قالوله ان ولدها في تشويه بوجهه ولازم اجهاض
بس هي صفطتهم وظلت تدعي وتصلي وتستغفر والحمدلله لما ولدت طلع ولد سليم معافى
لكن ماشاء الله كان شعر راسه غزير تبارك الله ولما تقلب وهو بطن امه شعره جاي على وجهه
وصار شكل الوجه بالسونار غريب .. وحده ثانيه جارتنا قالها الدكتور الجنين ميت في بطنك
لازم اجهاض وانفجعت وجلست تبكي ولما رجعت البيت قالت لاهلها السالفه حلف ابوها ماتنزله لو فيه شي بينزل لحاله
وجلست كم اسبوع وراجعت مستشفى ثاني والله العظيم طلع الجنين سليم مافيه شي
حتى ماصدقت وسبحان الله الدكتور الي قالها انه ميت هو الي ولدها فيه وقالته السالفه قالت شفت طفلي هذا هوالي قلتلي عنه
انه ميت في بطني بس ربي رحمني وماسمعت كلامك واجهضت والله الدكتور وجه صار الوان قال احيانا السونار يخطا
ويدخلنا بمتاهات
يعني شفتي محد يعلم الغيب الجنين يكون داخل ظلمات ثلاث
وربي لو فيه الخير بيخله لك واا فيه مشكله الله يعوضك يارب ويطمن بالك ..
تصدقي وادعي باذن الله ان البيبي مافيه شي والسونار مو كل يبينه قولي يارب كذبهم وعافي جنيني
اسئل الله لك العافيه ولجنينك تمام الخلق والخلق بلا زياده او نقصان سليم متعافي انه على كل شئ قدير
امين يارب العالمين
الله وكيلج شلته سبع شهووووور ونصوعطونى طلق صناعى وولدت ولاده طبيعيه ومات شفتى شلون تعبت …….. اذا فى خير لج الله يثبته واذا موزين لج خلى يروح لحاله اريح لج وسبحان الله ترا الله الطف بحالج
ومالج الا الدعاء والاستغفار
وعسى الله يقومكم بالسلامة وتشوفينه بحظنج مشافى معافى
ويا رب ماكو الا العافيه
وكلام التكتور يعني في امل انشالله مايصدق في كلامه وتشوفينه بين ايدينج سليم معافى
الله يشفيه
سواء باستمرار الحمل وعيش البيبي… او في فقدانه…
بس خلي املج بالله كبير… واتكلي عليه ولا على غيره..
وطلبي الاجر والعافية من رب العالمين…
والله معاج يا عمري ويكتب لج اللي فيه خير وصالح لج.. اللهم آمين
