لاتقولون هذا الشيطان

السلام عليكم خواتي
انا بكتب لك قصتي واتمنى تساعدوني لاني وربي تعبانه حيل نفسيتي زفت
انا تزوجت من واحد احبه حيل لما كنت بالثانوي وجلست معه سنه وتطلقت منه بدون اسباب وربي انه عمره مازعلني ولا جرحني بكلمه بس من اول يوم وهورفيه شي تخيلو ما لمسني لين كملت شهر معه مع انه كان بفتره الخطبه حيل طاير فيني
بس سبحان الله من يوم الزواج وانا احس فيه شيؤغريب يصير بس مادري شنو المهم تعب حيل وانا رحت عند اهلي وبعدها ابوي قال لهم طلقو لاتخلون البنت معلقه وع طول طلق وربي اني احس بموت ما اتحمل اكون لغيره يمكن عشان كنا صغار ومانعرف شي عن الزواج عشان كذا ما اتفقنا
المهم بعد طلاقي ع طول تقدم لي ولد عمي وهو عمره صغير بعد بس كان يحبني بعد بس انا ما اطيقه المهم وافقت عليه عشان ابي انسى تخيلو طليقي لما سمع عن خطبتي من ولد عمي اتصل ع خالتي الي هي تصير خالته بعد وقال لها اصلا ولد عمي فلان الي هو زوجي الثاني اتصل علي ويقولي اذا ماتبي ترجع فلانه ترا انا ابيها وانا قلت له ما ابيها وانا الحين متحسف وابيها كلميها وقولي لها لاتاخذه انا ابي ارجعها ولما قالت لي خالتي استانست بس بعدها لما عرف اني للحين تبيه طنش السالفه ومرجع تكلم فيها مادري وش يقصد من هالحركه المهم انا سالت زوجي الثاني قلت له انت متصل ع فلان قال لا وصار يحلف انه مايعرف رقمه اصلا وع فكره زوجي الاول والثاني عيال عم وانا بنت عمهم
المهم اني تزوجت واعيش حياه سعيده مع زوجي لانه يحبني حيل الحمد الله بس فيه عيوب مثل دمه ثقيل ومافيه حنان ولامره قالي كلمه حلوه ودفش حيل عكس الاول كان يخاف علي حيل وحنون وشخصيته حلوه ترا وربي غصب عني اقارن بينهم مو بيدي
انا لي سنتين متزوجه وعندي ولد والمشكله اني وربي ما افكر بطليقي كثير وقليل مايطري علي بس المشكله الاكبر انه مايفارقني بنومي دايم احلم فيه واحلام حيل غريبه وتخليني اتعلق فيه كثير اصحى من النوم مشتاقه له تكفون وربي احس اني بنهبل لاتقولون احلامي من الشيطان وربي احس في سيي غريب جالس يصير معي وش اسوي ما افكر فيه واقراء المعوذات قبل انام واحاول انسى الحلم وما افكر فيه بس يرجع يجيني بالحلم وربي صرت اكره النوم مابي اشوفه واتعذب
الي قاهرني ولا حلم احلم فيه يكرهني فيه دايم بالحلم يموت فيني ويعشقني تعبت وربي تعبت
وش اسوي انصحوني والي تعرف تفسر احلام تراسلني ع الخاص بس لتتقولي هذا من الشيطان
كم مره ارسل للمفسرين ويقولون هذا من الشيطان انتبهي لحياتك بس احسهم يصرفوني مدري ليش

تقولين لاتقولون هذا الشيطان يعني تبين اقولج هذا دليل حبه يلا بسرعه تطلقي و اكيد بيرجع لج الاول خلي عنج الوساويس
حبيبتي هذا من اشيطان مبين من احلامج انه الشيطان وابليس احب ماعنده وتفريق بين الازواج
اولا انتبهي لزوجج دام زين معاج وعندج ولد وخلي هذاك اللي ماحليتي له الا عقب ماتزوجج غيره لو يبيج ماخلاج

حبيبتي منو يحصل زواج مرتين مثلج
حمدي ربج وثقلي وقومي بزوجج وانسي الاولي حرام
شنو يعني تقارنين
نص بنات المنتدى ميتين ع ريحة ريال وانتي تلعبين لعب
اذا بو عيالج مو تارس عينج وقلبج وفراشج تطلقي وهذا ويهي اذا ردج الاول

اصلا انتي حدج صغيرة ومو ناضجة بعدج
والسوالف اللي صارت لج ايام الانوية اهي اللي خربت عليج

ثقلي جابلي زوجج ولا تقارنين
واحلامج دليل عقلج الباطن
ولو درا زوجج عن افكارج رحتي فيها

الهي بولدج وربيه عدل وجابلي زوجج احسن

انتي تقولين ان زوجج الثاني ثقيل دم وناشف مايعرف يقول كلمه حلوه رغم انج مستانسه معاه وصانج وستر عليج وحبج من قلب ماباعج
وتقولين انه عكس الاول وتقولين انه شخصيته حلوه ويخاف عليج هذي حطي عليها الف استفهام
ياحبيبتي لو يحبج كان ماطلقج ولا باعج بهالسهوله هذا شخص ماعنده شخصيه ولا يعرف الحب شنو معناه
والمصيبه انج للحين تحبينه. بصراااحه حييييل قهرتيني
شنو انتي الظاهر تحبين اللي يبيعج بسهوله واللي يحبج تعيبين عليه
اقول تعوذي من الشيطان وشيليه من بالج تراه مايستاهل حتا الحلم انج تتاثرين فيه
الله يهديج بس
وترا احلامج من الشيطان ولا شي غير ذلك

الحمدلله انج تزوجتي و استقريتي مع ريال يحبج و يصونج
و عيوب زوجج الثاني عادية يعني انتي كاملة ؟؟
محد فينا كامل كلنا فينا عيوب لاننا بني ادم و لازم نكون ناقصين
تعوذي من ابليس و اقري قرآن و لا تنسين انج على ذمة ريال و ما يجوز تفكرين في طليقج لان الحين ريال غريب عنج

اب اب اب

لا مو الشيطان
هذا عقلج المراهق الغيرناضج
واحد باعج بسهولة كأن تزوجج لغرض واحد وخلص منج
والزوج اللي خذاج وصاينج ويحبج
وانتي طليقة ولد عمه ( لاحظي حساسية الموقف)
لا ورايحة تناقشينه صج انته كلمته

الظاهر كما قيل
في كل علاقة بين رجل وامرأة طرف لا يستحق الاخر

نوكومنت..!

لاتعليق

احمدي ربك ربي عوضك بواحد يحبك هذا اللي اتمناه وتتمناه كل مطلقة انه ربي يعوضها
تتعلقين باحلام وكلام لا يودي ولا يجيب
غالبا الرجال اللي بس ماعنده الا احبك واعشقك وكلام حب وعشق وهيام يطلع بس كلام لكن وقت الجد مافي شي
زوجك محافظ عليك وماباعك زي طليقك اللي باعك بسهولة ولافكر يرجعلك
ادعي ربك يتمم سعادتكم ويخليكم لبعض

😐 !!!

رايي من راي البنات ماقصرو