|
|
بنات انا بدش بالموضوع على طول بصراحة انا مشكلتي بحماتي
مشكلتي مو معاها شخصيا بس السالفة ان ريلي بيخليني اكرهها غصب 
ريلي يابنات واااااااايد متعلق في اخته زيادة عن االلزوم يعني تخيلوا اذا يبي يسوي شي ياخذ راينا ثنتينا وبالاخير رايها اهيا اللي يمشي واقرب مثال امس قالي بروح اصور حق البطاقه المدنيه اي مصور اروح ؟؟ قلت له روح مصور لقطات حلو جان يقول اوكي لما رد البيت قلت ها شرايك بالمصور والا يقولي لا رحت فوتوكينا اختي قالت لي انه احلى .gif "Eh S(14)")
هذا غير سالفه الطباخ عنده اخته لو تسوي له علقم يصير عسل من ايدها اما انا لما اطبخ لازم يطلع في الطبخة شي ويقعد يقولي اختي ماتسوي جذي واختي ماتطبخ جذي .gif "Eh S(16)")
والله يابنات قمت اتنزفز من يروح يزورها وطبعا الحبيب مو مقصر كل يومين عندها وانا علاقتي معاها زينة لاني مااشوفها وايد بس بتصرفاته راح يخليني اكرهها غصبا علي
انتي صارحيه قوليله السالفه كيت وكيت وانا مليت انا الي زوجتك مو اهيا
اذا مره سألج سؤال عن شغله يبي رايج فيها قوليله بطريقه ذكيه وبدون ما يحس إنج تتتحرشين شرايك نسئل إختك مو أحس اهي تعرف كل شي أحسن مني ومنك لأنك دايا تثق برايها ؟؟؟؟؟؟؟ وشوفي شنو يقولج
بعدين حاولي تتقربين منها أكثر وشوفي ليش يحبها لهذي الدرجه وتعلمي منها ترى اخت الزوج تعرفله عدل لانها عاشت معاه طفوله وتربو مع بعض عادي لا تشيلين هم ……
لا تعبيييييييييييييييييييييين نفسج عمري
يبه عادي اخته
كبري عقلج ترى الرجال فيه خير باهله معناته بيصير فيه خير لج دام البنيه ما ضرتج ليش تغارين
بس ماعليج منها مدام ماتدخل بحياتج الشخصيه عطيها طاف
والله يسهل امرج ويوفقج ويسخر ريلج لج
بس المره تحب لمن تتزوج يكون ريلها ياخذ برايها اهي ويمدح اكلها وطباخها وكل شي
يعني المره طماعه ماتحب يكون ريلها مهتم بأحد ثاني حتى لو كانت اخته
لان توهم متزوجين فلازم تحس انه مهتم فيها اهي بس
ومع الايام يا بتصير الشغله عاديه بالنسبه لج لان هاذي اخته من لحمه ودمه
او يا انه بيتعود عليج اكثر انتي
وبتكونين بالمقام الي يحب فيه اخته او اكثر بعد …
حمدي ربج على قولة الاخوات رايها ولا راي غيرها
هذي اختة مو وحدة ثانية الله يهديج.
اصبري مع الايام بتعلق فيك انتي