«كي دي دي» تندد باساءة الصحيفة الدنماركية للرسول وتؤكد أنها كويتية 100%

تخلت عن شركائها عام 1982 وجميع منتجاتها مصنوعة في الكويت

كتبت فادية الزغبي:
قال رئيس مجلس ادارة شركة الألبان الكويتية الدنماركية كي دي دي محمد عزت جعفر ان الشركة تشجب ما صدر من باطل من احدى الصحف الدنماركية بحق رسولنا الكريم صلى الله عليه وسلم وتستنكر كذلك موقف الحكومة الدنماركية الصامت.
واوضح جعفر ان كي دي دي شركة عربية خليجية كويتية 100% لاتصنع اي من منتجاتها في الدنمارك مشيراً الى ان جميع منتجاتها مصنوعة في الكويت
واضاف جعفر كان للشركة شركاء دنماركيين لدى انشائها واطلاق اسمها سنة 1962 بيد ان الشركة تخلت عنهم عام 1982 اي منذ ربع قرن لافتا الى ان جميع شركاء الشركة خليجيون عرب ويرفضون اي تعرض او اساءة لمقام سيد الانبياء ويدعون الصحيفة الدنماركية الى الاعتذار الفوري عن تصرفاتها المهينة ويطالبون الحكومة الدنماركية باتخاذ موقف رسمي واضح يستنكر هذه الاساءة الكبيرة ويضع حدا لها.

جريدة الوطن عدد الاحد 29-1-2006

تعليق :
امس و انا بالجمعيه لقيت مندوب شركة كي دي دي يوزع منشور و فيه سجلهم بغرفة التجاره و انه مالهم شركاء بالدنمارك ..و المنشور واضح و سليم ..و عن نفسي اشوف انه كي دي دي صاجين .. و ماله داعي نقاطعهم لان اسمهم في الدنماركيه .. لازم نتاكد قبل لا نقاطع .

واااااي……..ارتحت لأني ماني لاقيه بدايل عن منتجاتهم……..وانا احب كي دي دي وايد…..احس شغلهم نظيف…..وكل شي يسوونه اشتريه……..ويوم حطو ان الشركة من ضمن المقاطعة…..صكت فيني الدنيا…..بس الحمدلله الحين براااااااءة………والكويتي انفع

يلا بااااااااااااااي

يه والله خوش منتج بصراحه وكويتي الكويتي انفع

كويتيه .. بنت الكويت بامريكا ..

مشكورين على المرور و التفاعل مع الموضوع

انا بعد متأكده من هالشي

وامس كتبت رد في موضوع المنتجات الديناماركيه

وقلت حق البنات كي دي دي كويتي << وانا ما راح اقاطعه

وفعلا قريت المنشور بالجريده .. وهي شركه مساهمه كويتيه مقفله

ومافيها شركاء دينامارك

وشكرا

صحيح جولي وامس بالجمعيه موزعين منشور يؤكد كلامهم .. و حبيت اوضح لان اكو ناس على الاسم تمشي و هالشي غلط .

و مشكوره على المرور و المشاركه

حتى انا ضاق خلقي كلشي ولا kdd صراحة ما تستغني عن منتجاتهم (:

مشكورة

حتى انا امس رحت الجمعيه ولقيت العارضين ملوت كيددي يقولون ان كيددي الدنماركيه بس اسم وهي صناعه كويتيه بس ما صدقت خخخ

دموع .. العفو حياج ..

كويتيات .. عسى صدقتي الحين ؟

بس صج ما نستغني عن منتجاتهم و لا يعوضها شي

بنات كي دي دي توكيل من شركة دينماركية خليهم يلعبون غيرها مافي شي اسمة شركة كويتية وبس اسم

كلها خرابيط

شوفو القوطي شنو مكتوب علية

حتى لو ماكان بس كي ديدي ماراح اشترية

يا سلام !!! طيب ليش مخلين الاسم !!!!

يعني هم كانوا قاصين على العالم بسالفة انها دنماركية والحين اعترفوا لما صار الوضع مو من صالحهم
خل يغيرون الاسم اول بعدين نصدقهم

عموما منتجاتهم ما همتني آكل اي شي

بس الشي الغريب هالدانمرك ماعندهم غير الاجبان والالبان ؟

أشواااااااااااااااا

صراحه منتجاتهم تهبل

وخصوصا الكريمه الحمرا

وااااااااي ارتحت!!

عاد انا اعز الحليب والعصير عندهم

وصج منتجاتهم كلها روعه

النويره .. كانوا شركاء من عشرين سنه لي 82 و تالي فلوا شراكتهم بس الاسم التجاري اهو.. و لما استدعت الحاجه بلغوا الناس و ما قصروا .. و مشكوره على المشاركه

بنت الكويت .. فعلا صاجه ..و عن نفسي من قبل لا ادري و انا حاسه ان الشركه كويتيه .. و مشكوره على المرور و المشاركه يا بيغ بوس

ايمان 77 .. صاجه اختي .. و صج عصيرهم و حليبهم و ايس كريمهم و القيمر و المعجون و الكريمه و الروب و كلو كلو حلو بلا مبالغه .. و مشكوره على مشاركتج

ولدي مايشرب غير كي دي دي وبالاخص عصير بريمو اللي مع الحليب وامس رحت الجمعيه ومالقيت اي منتج حق كي دي دي وصكت فيني الدنيا ولدي عمره سنه و8 شهور واهو عسر مو اي شي يحبه , والله زوجي ماقصر راح الشركه نفسها وشرا كراتين من العصير .