^^((كيف تعالجي طفلك بالمنزل تعالي أفيدينا بتجربتك ))^^

بسم الله الرحمن الرحيم
اليوم حابه اطرح موضوع لمناقشه فيه بما ان عيالنا الله يحفضهم طايحن علينا مع تغير الجو

مرض ابنك ذات يوم بالطبع ستحملينه للمستشفى للعلاج
ولكن هناك ايضا_ مع الدواء الذي يصفه الطبيب_ يوجد علاج ثانوي يساعد على الشفاء بإذن الله
والطبيب ايضا يوصي الأم بهذه العلاجات الثانوية ..
مثال :
عند ارتفاع حرارة جسم الطفل يوصي الطبيب بتحميم الطفل بماء دافئ
وهكذا …

فلماذا لا تفيدي باقي الامهات وخاصة حديثي العهد بالأمومة بما لديك من خبرة في مثل هذه الامور ؟؟

الشرط :
ضروري ذكر عمر الطفل عند استخدامك للعلاج !!
لأن ربما العلاج لا يناسب الاطفال الرضع أقل من سنة لحساسية أجسامهم ..

للتذكير :

جميع ماسيذكر هو علاج ثانوي ولا يعتبر دواء أساسي
إذن لا بد من مراجعة الطبيب اولاً ..

ماذا تفعلين في الحالات التالية :

1)_ ارتفاع درجة حرارة جسم الطفل

2)_ البكاء المستمر المستعصي

3)_ مغص البطن والغازات

4)_ الزكام والترشيح

5)_ الكحة والبلغم

6)_ التهاب الحلق

7)_التسنين في الرضع

8)_ الاسهال والنزلات المعوية

9)_ القئ

10)_الامساك

11)_الشرقة

وحفظ الله أبنائكم من كل شر

شدعوى كلكم ماتعرفون تعالجون عيالكم

الله يديم الصحه لهم يارب

ماذا تفعلين في الحالات التالية :

1)_ ارتفاع درجة حرارة جسم الطفل

اذا الحراره فوق 39 تسبيح على طول مع شراب خافظ الحراره والتحميله

2)_ البكاء المستمر المستعصي

اف عاد انا طفارتي بجي الياهل ما ادري بس احاول فيه الين ما يسكت

3)_ مغص البطن والغازات

لازم يكون عندي علاج مال المغص والغازات والي متعارف عليهم والاكثر استعمال (ماء الغريب+الينال)

4)_ الزكام والترشيح

ماكو قطرة انف

5)_ الكحة والبلغم

علاج (ازيبكت+لوراكين مضاط للهستامين+Histan+Tripofed) هذول كلهم للكحه والبلغم

6)_ التهاب الحلق

اكتيفيد

7)_التسنين في الرضع

ماكو يافروك البدو او جل من الصيدليه(فروك البدو=مره+ محلب+ سكر نبات)

8)_ الاسهال والنزلات المعوية

هم شراب من الصيدليه للسهال او( ماء الرز المصري المطبوخ) وبعديه عن اي دسومه

9)_ القئ

نفس اجابه ثمانيه

10)_الامساك

لازم حقن

11)_الشرقة

التتريع عشان ماتتييه الشرقه

وهذي علاجاتي من صيدليتي من بعد استشارت الاطباء
وجعلكم ماتحتاجون لهم يارب

بمـــــــــــــــا انــــــــــي اختج مجبوره ارد
يعنـــــــــــي في البعض يجهل الخبره ولا يعرف شئ عادي
مو شرط ان الواحد يعرف كل شئ

ماذا تفعلين في الحالات التالية :[/u][/i][/b]

1)_ ارتفاع درجة حرارة جسم الطفل

ايب ماي و احط فيه كلونيا بيبي جونسون و امسح اطرافه تمتص حراره
2)_ البكاء المستمر المستعصي

ماكو غير اني اشيله و احوس فسه خخخخ
3)_ مغص البطن والغازات

اخ هذي مشكلتي المزمنه مع ولدي و موعارفه اتصرف بس استخدم دوا اسمه (بونيسان) لحلات المغص والارتجاع و هالسوالف ومقوي بعد للاطغال
4)_ الزكام والترشيح
انظف خشمه باوشن سبراي

5)_ الكحة والبلغم
في شراب ما اعرف اسمه بالصيدليات جنه عسل ثقيل واااااااايد زين

6)_ التهاب الحلق

7)_التسنين في الرضع

8)_ الاسهال والنزلات المعوية
سفن اب ارجه عدل لما تروح منه الغازات + قفشه نشا
وعصير تفاح

9)_ القئ
مشكلتي المزمنه مادري شسوي ولدي عمره 3 اشهر و ما اقدر اعطيه اي شي

10)_الامساك
موز

11)_الشرقة
انفخ بويهه واطقه على ظهره خخخخ

نفس الشي_03ba:

موضوع رااااائع

اجاباتي نفس البنات وناطرين الباجي

مشكورين بنات ع الردود نبي زياده الكل شارك للفايده فقط لاغيرر

بالنسبة لي انا حديثة عهد بالاطفال يعني هذا اول ولد لي الله يحفظه وعمره الحين 7 شهور انا بالنسبة لي احسن علاج للاطفال الرضاعة الطبيعية تقوي المناعة عند الطفل بس مع تغير الجو صار فيه كحة وانا خفت اعطيه اي شي الا بعد مارحت للطبيب

1)_ ارتفاع درجة حرارة جسم الطفل

أسويله كمادات ماي باردة وأحط ويا الماي قفشة خل وأدهن ريوله فكس
وإذا حرارته 39 أحطه تحت الماي بس يكون فاتر وأغسل جسمه بدون شعره وأعطيه دوا الحرارة
(ولدي عمره الحين سنتين ونص )

2)_ البكاء المستمر المستعصي

يوم عمره بالأشهر كنت أسدحه على بطنه يسكت وإذا ما فاد واستمر يكون فيه شي أوديه الطبيب على طول

3)_ مغص البطن والغازات

نفس الإجابة السابقة + أغلي الماي مال الرضعة مع حبة هيل وأسويله فيها الحليب ومرات كنت أنقع تمر بالماي وأشخله وأعطيه وهالطريقة تصلح حق الياهل بعمر أشهر

4)_ الزكام والترشيح

قطرة للخشم يوم كان صغير والحين أعطيه زيرتك أو فلودريكس

5)_ الكحة والبلغم

قفشة صغيرة عسل مذوبة بماي دافي واااايد زينة للكحة

6)_ التهاب الحلق

نفس العلاج وهم أوديه الطبيب يعطيه أدوية

7)_التسنين في الرضع

شريت جل من الصيدلية وعضاضات بس مااستمريت عليهم

_ 8) الاسهال والنزلات المعوية

روب مع نشا يوقف الإسهال أو أذوب نشا بماي وأشربه شوية وأخلي أكله خفيف بطاط مسلوق وعيش مسلوق وشوربة خضار وأشياء جذيه

9)_ القئ

ماجربتله شي بالبيت كنت أوديه الطبيب

10)_الامساك

هم ماي التمر زين _ عصير خوخ بس مايصلح حق بو أشهر _ عصير برتقال مضاف له ماي زهر

11)_الشرقة

إذا شرق أفرك يبهته وأنفخ بويهه وأطق ظهره

وبس ســـــلامــــتـــكـــــم وتـــعــــيـــــشــــــــون

مشكوراين بنات الله لايحرمنا منكم ولا من ردودكم الطيبه

q8_qt بدعتي الله يخليج ولدج ويبعد عن جميع الامراض مشكورا ياقلبي

موضوع مفيد

مشكورين
ياخواتي والله استفدة وايد من الوصفات الحلوه موقفين يارب
ودمتم سالمين

ماذا تفعلين في الحالات التالية :

1)_ ارتفاع درجة حرارة جسم الطفل

افصخه اهدومه واخليه بس بالفلنيله واعطي بروفين
2)_ البكاء المستمر المستعصي

اذا رضيع ما كو احلا من ماي غريب

3)_ مغص البطن والغازات

ماي غريب وادول

4)_ الزكام والترشيح

5)_ الكحة والبلغم
ادول

6)_ التهاب الحلق

7)_التسنين في الرضع

ادول
8)_ الاسهال والنزلات المعوية
ادول

9)_ القئ
ادول

10)_الامساك
عصير برتقال مخفف بالماء وملعقه صغيره عسل

11)_الشرقة
اقلبه واحط راسه تحت ورجوله فوق واطق على ظهره