|
|
السلام عليكم
اشلونكم بنات شخباركم عساكم بخير
بما ان الاحد الياي مقبلين على الفصل الدراسي الثاني
ابي افكار وقوانين مثالية تخلي بنات الثانوية تمشي سيدا
يعني يوم الاحد اول حصة ادش فيها عليهم شنو اقول لهم واشلون اضبطهم من اول ويديد
لحد يقول لي استخدمي اللين والشدة لا ما انفعت بالمرة
لا كابرو وعاندو اكثر
ابي طريقة حق بنات ثانويه لان في صف حيييييل متعبني ومتعب كل الابلات
ساعدوني
بداية الفصل سئلي كل وحدة فيهم ليش ياية المدرسة !!!
قوليلهم إن أكو بنات رسبوا ولما كبروا قاموا يكملون الحين مسائي وندموا على سنينهم اللي راحت
بينيلهم إن السند مو دايم لهم الشهادة هي السند الحقيقي
وبعدين تطرقي لنقطة مهمة هي الظلم إي نعم الظلم
قوليلهم بتصرفاتكم هذي تزعجون المدرسة ويمكن تدعي عليكم وهي تتعب ودعوة المظلوم مستجابة لا آنا قوية ولا إنتم كلنا ضعفاء والله ينصر المظلوم
ركزي بعد على النية نية طلب العلم وأجر هالشي إذا نوى الشخص حسنة وما سواها تنكتب له حسنة فما بالكم باللي يعمل الحسنة
تقربي منهم عطيهم مثلا إيميل يكون خاص لاستفساراتهم ومشاكلهم ودزيلهم بين فترة والثانية مواعظ عالإيميل
واااااايد أفكااااار
أما بالنسبة للمخالفات مسكي الوحدة فيهم كلميها نبهيها واللي ما منها فايدة استعملي الشدة مو بالصراخ لا بالفعل
أكو مدرسة ما شاء الله ممشيين البنات سيييدة
اللي ترسم حواجبها يفركونها لها بالفيري تخيلي زين يسوون فيهم
.لا وفي طالبة تشتكي تقول صارتلها حساسية من الفيري وهمن ما تتوب تقريبا تحط للحين
والبنت اللي دلاغها مخالف ياخذونه تلبس جوتي من غير دلاغ
وقبل بمدرستي كانوا يسوون تفتيش مفاجئ على الجنط ابلتين يدخلون فجأة ويفتشون من إلى
كانت مدرستنا ناااااادر تلاقين مخالفات والحمد لله ^-*
فكني من وايد اشياء
اقدر اراسل ولي الامر بعيوب بنته
و غصبن عليييه يتصرف و اكون اخليت مسئوليتي
وسيدة سوي استدعاءات لاولياء الامور
وبلغييهم بنتكم بهالصورة ماراح اعطيها شفهي كامل
يا يتعدل سلوكها
ولا محد يناقشني بدرجاتها
واذا عندج جم بنية راسبة
حلوو
اول ماتدشين بلغييهم انه في بنات راسبين من عدم انتباههم و سوالفكم و حركاتهم
مشكلتي صفوووفي كلها 100% نجاحهم معنهم شياطين
يعني ما اقدر اطبق هالشي خير شرررر
جد استفدت
الاستدعاءات احلى شي و كتبي بالموقع التفاعلي
وديهم الوكيلة .. استدعاء ولية الامر .. تنقيص الدرجات
قوليلهم اللي تحترم تُحترم