كيف تحافضين على صدرك من الترهل اثناء الرضاعه

بنات الموضوع باين من عنوانه نبي تجاربكم علشان نستفيد شلون تحافضين على صدرج من الترهل والتشققات اثناء الحمل والرضاعه مثل ماتعرفون حجم الصدر يصير في تغير بالرضاعه والحمل ياليت تفيدونه شنو استخدمتو
تمارين للصدر
كريمات
او حمالات صدر معينه

ماعندي فكره حبيبتي

والله مادري
ياريت الي عندها خبره اتقولنا

انا مايشدهم بعد الرضاعه الا حبوب المانع غير جذيه ماعرف

حبيبتي الرضاعه تمرين للصدر وعلاج

ولا تصدقين الي تقول ان الرضاعه تخرب الصدر بالعكس تحافظ على جماله ووبنفس الوقت تضعف حييييل الجسم وتخلي الرحم يرجع مكانه بسرعه

وبالحمل في بدايته بتحسين صدرج ثقيل اشوى وقوي وحلو وبعدين بالاشهر الاخيره البطن تكبر وتضايقج الحماله

المهم دايما دلكي الحلمة بزيت زيتتون عشان بعد الولاده وبرضاعه ما تتشقق الحلمه وتسبب لج الام او بفازلين

واذا جتج حك بالصدر بفترة الحمل لا تحكين قطي الحماله اشوى وحطى عليه ماي بارد و دلكيه ببيبي جونسون

وحاولي تلبسين الحمالات الي يشدون الصدر في عندج النوع الايطالي زين ويشد الصدر

عشان مايترهل الصدر ……. وبليل عند النوم قطيه وارتاحي واول ماتقومين لبسيه…

وبعد الولاده على طول بلشي بالرضاعه بتحسين اول 3 ايام كلما رضعتي البيبي يجيج عوار بالرحم مع نزول الدم طبعا لان الرضاعه ترجع الرحم مثل ماقلت لج مكانه بسرعه وتساعده يتقلص وان ينزل عليج دم النفاس .
وغيري الحمالات الى الحمالات المحشيه وبتحتاجين زياده مرات الحشوات القطنيه لخارجيه الي تحافظ ان الحليب ما يوصخ ملابسج

ورضعي البيبي وقبل كل رضعه غسلي حلمة الصدر ورضعي البيبي وبعدها دلكيها بفاززلين عشان ما تتشقق

طبعا ما ابيج تجربين تشقق الحلمة لانه عوار والم لا يحتمل

وبعد الاربعين لازم تبلشين بالرياضه حتى لو خفيفه عشان تشد كل جسمج

وعشان الحمل االي وراه ما يخربج ويروح جمال جسمج حرام

حرصي اول باول احسن

وفي حبوب مانع خفيفه بفترة ال6 اشهر الاولى تمنع الحمل مع الرضاعه

حلوه انا كنت استخدمها تمنع الحمل وبنفس الوقت ما تقطع الحليب ولا تاثر على البيبي

مشكورين حبايبي كفيتو ووفيتو بس ماادري انه طلعلي خطوط حمرا بصدري ماادري من شنو والحين استخدم كريم افالون وانشالله يروحون

صج؟؟؟؟
أي نوع؟؟

…………………

حبوبه انا من النوع الي ارضع سنتين و ما استخدم صناعي اول اشهر رضاعه يكون الصدر ممتلىء بعدين يفش مره وحده مع انه يدر حليب بس ما تقدرين تستخدمين له اي كريمات شد و فترة الرضاعة بس كل يوم بليل ادهنه بكريم سترش مارك و بعد ما افطم الياهل استخدم كريمات شد و في كريم تكبير و شد ايبه من امريكا سعره 135$ بس نتايجه روعه و مع الوقت يرد

شسم الكريم ؟

الريااااااااضة

وبس

انا ابي كريم يشد بس مابيه يكبر ..؟؟

اذا ما كان ريلي مسافر امريكاا اطلبه من victorias secret online حتى بجامات الولادة اطلبها منهم اسم الكريم Strivectin-SD hydro thermal bust serumترش مارك عجيب بس ما ادري اذا في منهم بالكويت

في كريم شد للصدر رهيب من clarins اسمه Bust beauty Gel