|
|
السلام عليكم
توني شاريه قطوه شيرازيه عمرها شهر المشكله الحين كيف تتبرز وتتبول وانتوا بكرامه كيف اعودها ؟ شريت لها رمل خاص عباره عن حجر مررره صغير احطه لها والقاها تحاول تاكله وحتى لو ستها فيه بعدين تسويها على الارض قررف كيف تتعلم ..وبعدين يصير فيها وسخ من ورى مكان البراز..وكيف تسبحون القطط ؟ والله يعطيكم العافيه
اب
مادري حبوبه أتغشمر ..
رفـــــــــــــــــــــع ^_^
انشالله اقدر افيدج
القطوه علشان تعودينها علي الرمل لازم اول شي تحطين الرمل في مكان قريب المنال يعني متى ما بغت تسوي يكون قريب عليها
ثاني شي راح تتعبين معاها بس يومين كل شوي وديها وحطيها على مكان الرمل حتى لو ما تبي :
1- يعني وهي قاعده تلعب معاج اخذيها وحطيها على الرمل راح تشمه وبعدبن تنزل تكمل لعب معاك وكل ساع وديها
2- بعد الاكل على طول اخذيها وحطيها على التراب حتى لو نزلت كل شوي حطيها ( مرتين ثلاث اربع مرات ) راح تلقينها عملتها سواء الصغيره او الكبير يعني ما شغلتج كل 10 دقايق او ربع ساعه حطيها على الرمل
وكل شوي طولي المدة عادي
3- بعد ما تقعد من النوم اخذيها وحطيها
4- بس تشوفينها بدأت تشمشم مني ومناك وديها وحطيها على الرمل اكثر من مره لحد ما تتأكدين انها عملتها
لمدة يومين على الاقل شوي شوي راح تلقينها تعودت على الرمل
وبالنسبه للسباحة
عادي سبحيها بحيث تحطينها تحت الحنفية بس لا تخلين الماء يوصل للعين خلي ايديك تحت بطنها وخلي الماي يصب عليها من فوق ضهرها واستخدمي شامبو خاص للقطط تلقينها عند البيطري او مركز سلطان او انك تسبحينها في شامبو خاص للاطفال بدون دموع ( نانو او جونسون ) وبعدين فوطة ناشفه امسحي عليها ونشفيها
ومافي شي يمنع من استخدام الاستشوار هذا شي طبيعي علشان ينشف شعرها وبعهدها حاولي تسرحينه بمشط ناعم
عاد توني مسبحة قطوتي كانت موسخة نفسها ههههه
انشاءالله اكون افدتج
واي سؤال انا حاضره
والسبوح مثل كلام برنسيسه
وانا ماقمت استعمل الاستشوار. لها لانها تخاف وتصيبها هستيريا
انشفها بالفوطه وبس احطها بمكان مافيه تكييف واذا كان بالشتا احطها بغرفه دافيه
وبالنسبه انها توصخ نفسها عندي لج نصيحه
اذا كان شعرها وايد اخذي مقص ورفعي ذيلها وقصي الشعر اللي بالمنطقه الحساسه … حلقيها يعني خففيه عشان لما تسوي ما يلصق فيه ويغثج بالتنظيف