كيف أقنع زوجي بالحمل اليديد

السلام عليكم يالغاليات

خواتي بغيت منكن المشوره بس لاتضحكن علي…السالفه اني أبغي أحمل من يديد وعمري 42 وعندي 4 عيال ربي يحفظهم…بس ريلي مايبا طفل يديد…فكرته ان الأربعه كفايه..والحمدلله ماعلينا قاصر من المال او الصحه.

وبين كل واحد من عيالي فاصل كبير من السنوات….وأكبر عيالي عمره 18 ربي يحفظه وأصغرهم 7

وكنت من شهر مطيحه حمل(عمره شهرين)…فوجهة نظر زوجي ان الحيوانات المنويه عنده مب زينه(من نفسه مؤلف هالموضوع) ويقول انه يبا يراعي نفسه صحيا(ماعنده مشاكل صحيه غير في المعده…سوء هضم) وقولون عصبي …يعني ماله دخل بموضوع الخلفه….وكل ما أفتح وياه الموضوع يقول….بعدين….اصبري شوي….يحاول ينسيني الموضوع

والصراحه انا مب قادره اشيل الموضوع من بالي وأفكر وايد في موضوع العمر.

والله ما ادري انتي و زوجج ادرى بوضعكم

و الله ما حبيت اطلع ما ارد بس حاولي تقعدون مع بعض تتناقشون بهالموضوع او خليروح الدكتور عشان يطمن على نفسه

شكرا عزيزاتي على الرد

وبانتظار بقية الآراء

اذا ما يزعل …………………. حملي بدون لا تقوليله

وقوليله …. وييييييي … بالغلط … بس يمكن الله يبي جذي

انا من رايي انج تحمدين ربج بالعيال اللي عندج
دام انه ريلج مايبي عيال خلاص لان المرة بطبعها حنون وكل ماكبروا عيالها تحن على ياهل يديد فماراح تخلصين
الريال شاري راحته ويبي يربيهم ويصرف عليهم ويسفرهم ويلبسهم وانتي استغلي هالنقطة سافروا واستانسوا ودخلوهم احسن المدارس ولبسوهم احسن لبس ، وكلها جم سنة وولدج العود يتزوج ويجيب لج احلى ضنا

انتي عمرج فوق الارعين وريلج اكيد اكبر منج

يعني انتي اذا حملتي البيبي معرض للتشوهات الخلقية والاعاقات\

فكري عدل

لا…هو ماخذ احتياطه لمنع الحمل وحريص جدا على هالشئ

4 نعمه لج خلق اتربين من يد ويديد

خليها على الله ياقلبي ولاتقولين له قوليله انت سو الي عليك واللي ربي يبيه بيصير يااقلبي والله يرزقج حبيبتي ,,

والي تقول العمر كبير اهم شي اذا صحتهاا زينه ومافيها سكر ضغط وهالسوالف ان شاء الله ماكو مشاكل ..

الحمدلله….دايما أحمده وأشكره على نعمه الكثيره…ولاتنسين اختي ان الانسان محاسب ايضا…..بمعنى ان الله بيحاسبه اذا

عمل منع للحمل بدون ماتكون عنده اسباب صحيه تستدعي هالأمر

واذا كان على السفر واللبس…تراه مغطي هالنقطه على أكمل وجه.

زوجي اكبر عني بثلاث سنوات…..وموضوع التشوهات أمره بيد رب العالمين…..حتى الحامل بعمر صغير معرضه له.

الحمدلله رب العالمين…تعرفين هذه هي مشكلتي…..لي خلق وعندي شوق للحمل من يد ويديد

يزاج الله خير أختي العزيزه على كلامج ودعواتج الطيبه

وفعلا….طالما الحرمه صحتها زينه وماتشكي بأس….فليش لا…..بس المشكله شو اللي بيقنع الزوج اللي راسه يابس

حاولي قد ماتقدرين بقولج سالفه خالتي زوجها معارض بقوه بس مدري شلون حملت المهم قالها سقطي ماطوله صغير يحسب له شهر بس خالتي ذكيه ماعلمته الا بالخامس تخيلي وبعدها تعوذ من ابليس بس حذرها يكون اخر حمل والحين بنته هذي اغلى عياليه عليه ومجننه ابوها بدلالها ههههههههههههه ماعليج منه زني علا اذنه