كم وزن البيبي لما تولدينه ؟؟؟

اول شي السلام عليكم ورحمة الله وبركاته :
شلونكم بنات شخباركم عساكم بخير ، دوم يا رب انتو بخير

بنات عندي سؤال من زمان ودي اسأل عنه

الحين لما تولدين بالسلامه وانتي والبيبي بخير

جم يكون وزن البيبي لما تولدينه ؟؟؟

والوزن الطبيعي المفروض جم يكون ؟؟

ممكن كل وحده تدش تقولنا جم وزن عيلها لما تيبهم

هلا اختي شوفي هذا الرابط لأخت فور

https://www.q8yat.net/showthread.php?t=22197

اوكي بس ابي اعرف منوو منكم تيب البيبي على اربعه ونص وهل هذا الوزن طبيعي

انا اللي اعرفه ان وزن البيبي الطبيعي بين 3 و 3ونص

قبل جم يوم كنا نسولف انا و امي عن هالموضوع

و بعد فيه ناس ايبون على اربعه و اربعه و نص و هذولا يقولون لهم ان رحمهم يربي !!!

هذا اللي انا سامعته

اعتقد الي تجيب 4 ونص هذي اكيد تسوي عمليه قيصريه لانه فعلا ماشاء الله يكون كبير

بصراحه انا عيالي على 3 والحمدلله هذا الطبيعي

لا زهرة الربيع مو شرط انا خالتي عندها خمسة و ما شا الله كلهم على اربع كيلوات اربعة و شي المهم كلهم فوق 3 و نص و كلهم ولادة طبيعية

الي فوق 4 غالبا سكر

بعايلتنا كله اييبون كيلوين وشوي وبعضهم كيلو وشي ويكونون طبيعيين

3

زين شلون اقدر اخلي وزن الياهل طبيعي لما اولده يعني ثلاثه
او ثلاثه ونص مايزيد وزنه اكثر مع اني مافيني لاسكري ولا ضغط والحمد الله

الي اعرفه ان الفيتامينات تمتن الياهل

حتى اللبن مع التمر يخليه يمتن

بس ماتخلينه يزيد صعبه ! الا اذا اتفقتي مع طبيبتج تولدح اول مايوصل البيبي حق الوزن المطلوب

مااكل الفيتامينات بكل عيالي لاني سامعه انها تمتن الياهل
واللبن والتمر مو وايد اكلهم بس هم ماشاء الله ما ايبهم الا على اربعه ونص
تعقدت والله ولادتهم وايد صعبه تطلع الروح اخاف بعد هل المره بعد يكون البيبي كبير
مع اني مسويه رجيم بحملي هذا بس ماقاعد ينزل وزني ولا يزيد

أنا يبت بنتي البجر وزنها 2.800 كج زرقت ما حسيت فيها

وولدي عقبها 3.300 بغيت أموت ماقدرت أطلعه

ههههههه يحليلج يا سارا 3.300 وبغيتي تموتين
عيل انا شقول انا اقل ياهل يبته 3.700 والباجي على 4.500 و4.100
الله يخليهم والحين احاتي الي يااي اخاف يطلع نفس اخوانه

الطبيعي من 2.500 إلى 3.500

انا عيالي نتف

بنتي الكبيرة : 2.620

ولدي : 2.890

بنتي الصغيرة : 2.900

بنتي العودة كان وزنها 3 كيلو
والثانية يبتها اربع الا ربع
والاخير ولدي يبته 4 ونص