كم راتب الدكتور الغير كويتي في جامعة الكويت؟؟

قلت مالي الا انتوا استشريكم

واحد من اهلي توه مخلص من الدكتوراه تخصص فيزياء طبية تحديدا طب نووي من جامعة تكساس – هيوستن في امريكا
مع الاسف ماعندنا في السعودية تخصص طب نووي ودور في الجامعات الخليجية ومالقى الا في الكويت
في جامعة الكويت
الي استغربنا منه ان واحد من ربعه قال له ان معاش الغير كويتي في جامعة الكويت 1000 دينار
صج هالحجي؟

شدعوه مافيه ولارد

انا الي اعرفه بكل مكان معاش الكويتي اكثر بعدين الخليجي بعد الغير كويتي( عرب او اجانب )
بس شكثر بالضبط مادري ولله
عسا الله يوفقه

الالف نعمه

العربي 800 دينار او 700

الخليجي 1500

الكويتي 2500 او 2000ما اذكر بالضبط وبالتوفيق لخوج

الجادل الصعب
مشكورة حياتي على هالمعلومة الي توني اعرفها
الله يوفقج يارب

غروري بطيبتي
الالف نعمه بس حبيبتي الدكاتره تعبوا وافنوا عمرهم كله في العلم غير سنوات الغربة والبعد عن الاهل
يستاهلون كل خير

نجمة كويتية
يابعد عمري ماقصرتي على المعلومة
فيه في الكويت بدل علاوة اجتماعية تصرف لغير الكويتين بعد او بس الكويتين؟
مع الاسف الطب النووي مافيه دولة خليجية عطته اهمية غير دولة الكويت
الله يوفقج يارب
ويوفق خالي يارب

أعتقد نفس الشي

لانه أغلب عيال الدكاتره إلي بالجامعة إلي مو كويتيين مدارس خاصة

700 أو 800 ما تكفي مصارف المدراس الخاصة

حبيبتي معاش الدكتور الغير كويتي (الخليجي) 1500 تقريبا وقلتي انه تخصصه طب نووي وفيزياء وعندنا بالكويت هالتخصص نادر فاتوقع راح يكون اكثر من 1500 لانه بالكويت التخصص النادر معاشه اكثر من التخصص المتوفر وهذا غير معاش الصيفي يعني اذا درس صيفي راح يزيدونه دبل معاشه الاساسي او ربعه . وعساس العلاوة الاجتماعيه ماتوقع يعطونها بس للكويتين فقط

مر علي مراجع دكتور مصري يديد بجامعة الكويت ويايب شهادة راتب وتفصيل العقد مال الجامعه معاشه كان يوصل ال 2000 وغير التذاكر كل سنه حق العايله كلها غير السكن بالجامعه

اتوقع 2000 دينار احاول اتاكد لج

بس ترى المسكن ب سكن الدكاتره بالشويخ و يعطونه بدل تذاكر سنوي

و اي شي يدفعه ب المستشفيات يودي الفاتوره الى الاداره الماليه بالجامعه و يعطونه اللي دفعه

رفع لعيوونج