كمام مستشفي الشفا والا ابره الظهر

بنات الي ولدوا في دار الشفا تقول اشلون كمامهم قوي والا خفيف وشنو تنصحوني لاني انا اخذ طلق صناعي والعوار يذبح ما اقدر اتحمله

اي احسن كمامهم والا ابرة الظهر ؟بليز الي جربت تقول تجربتها

مدري والله ما عندي فكره ما حبيت اطلع بدون لا ارفع لج الموضوع
نفس اسألتج تدور ببالي , لاني بجر وناويه اولد بالشفاء إن شاء الله..

والله اللي دايم اسمعه ان كمامهم قوي نوووووووم
واذا ماتحملتي مالج الا ابرة ظهر
مع اني مااحبها ولا افضلها

حبيبتي ما انصحج بإبرة الظهر

تبرد الطلق و اطوول الولاده خلج عالكمام احسن

انا توني والدة لي ٢٣ يوم

جربت الاثنين بس ارتحت ع إبرة الظهر كلش ما تحسين بالطلق

انا كنت طلق صناعي بعد ما حسيت بس الشي الي مو حلو انج تحسين بتنميل بريولج

حزت الولادة كل شوي كنت اقول حق امي تدلك ريولي

كمام دار الشفاا عجيب اصلا ماتحسين بالعوار الا خفيف

أنا جربت الكمام ماتحسين بشي ابد

مشكورين كلكم ويعطيكم العافيه وانشالله راح اجرب كمامهم لاني شوي متردده من ابره الظهر والله كريم

كماااااااااااااااااااااامهم حددددددددددده عجيب اول شي ماكنت ابيه قويه يعني وبعدين بالغصب يسحبونه مني وانا ابجي موراضية

كمامهم حلووو

بس انتي ابتعدي عن المنبهات اللي تبطل مفعول المخدر مثل البيبسي والمشروبات الغازيه والقهوى والشاي وراح تتخدرين وماراح تحسين بشي

والله يهون عليج

حبيبتى يارب تولدين بالسلامه
انا تونى والدة بالشفا صارلى اسبوعين بصراحه كنت مثلج خايفة وابي ابرة ظهر بس خوفونى منها وقالوا يحوشج عوار وشلل وصداع فخفت وماجربتها
بس لما دشيت المستشفى كان فيني طلق وكنت ميتة خووف وحطونى بغرفه الولادة وانا انطر دكتورتى وابجي يقولون شفيج ماكو شي بس كنت خايفة وقلت للسستر ابي ابره ريلاكس قالت اوكي بعطيج ابرة الريلاكس وصج عطتنى وخلت الكمام عندي وقالت اذا حسيتى بعوار شمي بصراحه كمامهم يخدر وقوى يهبل بس عقب الريلاكس انا دخت وجتنى النومه وخليت الكمام اذا زاد الطلق شميت منه ليما وصلت دكتورتى وانا متخدرة اسمعها بس دايخه مو ذاك العوار والحمد لله ولدت ولله الحمد واشوة انى ما اخذت ابرة الظهر
انصحج في كمام دار الشفا عجيب مع ابره الريلاكس ترا ابرة الريلاكس بس تهدي اعصابج يعنى مامنها اضرار
خخخخخ قلت قصة حياتى

انا ولدت بدار الشفا وكنت ابي ابرة الظهر لاني خوافه
بس سبحان الله مانكتب لي اخذها
بس كمامهم قوي جنج بعالم ثاني بس حسيت بالم
والولاده

ياحبي الدايم وشوشو واحلي الالماس مشكورين وماقصرتوا فديتكم

اناا بعد نفسسج محتتااارة بين الابرة والكماام

ششكلي بجربهم اثنينهم وبشوف منو احسسن يعني على كيفي هههههههههههههههه

انشالله يااارب بهالايام المباركة اصير قوية وقت الولادة وما اضعف واقول ابي ابرة ظهر
اكرررره الابر بس اذا كان العوار يذبح شالحل

دار الشفا معروف بقوة كمامه بس اهم شي تعلموا الاستنشاق الصحيح
اكيد اهني بيقطون عليج الكمام ودبري عمرج!