|
|
مرحبا بنات يا حلوين اشلونكم يارشيقات عساكم علي القوه حبايبي …
ابي كل وحده قاعده اتسوي ريجيم الحين اتقوولنا شنو ريجيمها ومن متي باديه وجم اضعفت وحتي
لو كان من سوته من فتره هم اتقووول شنو كان و جم ضعفهاا نبي نتوصل من خلال هالموضوع الي
انه ايهوو الريجيم اللي مناسب للكل و يضعف الكل …… ايهو الريجيم المثالي للكل و السهل و اللي
صج يضعف …….. بليز بنات شاركونا علشان نستفيد
مانبي تفاصيل مو مهم اذا تستحون تكتبون وزنكم عادي بس قوولوو
نوع الريجيم او اسمه : ( واذا كان من اختراعها او تخفيف هم اتقوول)
المده جم : ( جم اسبوع جم شهر جم سوم )
الوزن اللي نزلته جم : ……….
مع رياضه ولا لاء ؟؟ و اذا مع رياضيه شنو اهيا ذكروها بليز
الريوق 2 شابوره وجبن لو فات وعصير اناناس
الظهر كابتشينو تروبيكانا سليم
الغدا ما اكل ارد من الدوام سيده انام اقعد على الساعه 6 اكل تفاحه خضرا وبرتقاله بس مو كل يوم يعني يوم وترك
والساعه 7 ونص اكل يا همبورجر لحم او دياي اشويها والا صدر دياي اشويه وبروكلي ومشروم وكوسا مفيوح ودايت بيبسي
واذا يعت بليل لاني مانام الا الساعه 1 اشرب كابتشينو والا دايت بيبسي يشبعوني ..
وكل يوم تقريبن ارقص ربع ساعه واسوي رياضه خفيفه ربع ساعه
وعلى الميزان انا وياه مالي شغل اول يوم بديت فيه خذيت قياساتي (البطن والارداف والصدر والخصر والفخذ)
امس قستهم والله اصغرو حدي استانست
والللللللللله يثبتني انشالله ويثبت كل وحده تسوي رجيييم
ادري قرقت وايد
باااااااي
أنا صارلي 3 اسابيع بادية ريجيم .. تخفيف تقريبا ..
و نزلت 3 كيلوات الحمد لله ..
أول شي ماكو أي نوع من انواع الحلو أبدا .. إلا التمر أو العسل
ثاني شي ماكو عشا أبدا و إذا بموت من اليوع روب و خيار أو خس .. أو أناناس أو كيوي المهم أي شي يضعف .. و كل يوم بالليل شاي أخضر ..
و الغدا و الريوق أكل أي شي أبيه بالكمية اللي أبيها .. آخذ راحتي طبعا .. بس مع الوقت معدتي صغرت ما قمت أقدر آكل وايد ..
و بالنسبة للرياضة … أول اسبوعين ماكو .. بس آخر اسبوع 10 دقايق بالاوربت تراك مو كل يوم .. يوم و ترك تقريبا
و سلامتكم
عني انا احسن الرجيمات اللي جربتها وصج ظعفت عليها مال بنت الكويت 40 كيلو اب 3 شهور طبعن انا مانقصت 40 كيلو
ورجيم كويت مال طالب الشمري هم نزلتهم لنت الكويت
اليوم راح ارد ابلش رجيم بنت الكويت اللي اول واحد جربيه ترا حده عجييب
الفطور : – نسكافيه + حليب أو كوفي ميت.
الضحى :- يعني اقل شي بينهم ساعه
(1) كاكاو بالمكسرات ( اي نوع مثل سنيكرز + قهوه او شاي أو دايت بيبسي او دايت سفن).
(2) من 2_4 حبات بسكويت أو بقصم أو شابوره + قهوه او شاي أو دايت.
(3) 2 توست + جبنه او لبنه + طماط وخيار + قهوه او شاي او دايت.
(4)عصير غير محلى او 1 – 2 حبة فاكهه.
الغداء : – سلطه أو تبوله + دايت بيبسي أو سفن مع الاختيارات التاليه :-
(1)صحن مشويات او صدر دجاج أو من1-2 همبرجر أو سمك.
(2) من 3 – 10 ملاعق رز ( عيش ) + قطعة لحم أو دجاج أو سمك.
(3) وجبه سريعه بدون مايونيز + شبس صغير + دايت بيبسي .
(4) بطاطه مشويه.
(5) خضار سوتيه.
المغرب تقريبا الساعه 7 : – اي نوع قهوه +اختيارات الضحى مع التنسيق = يعني الي تاكلينه الضحى مايتكرر المغرب
العشاء : –
سلطه خيار مع روب
او السلطه اليونانيه تتكون من خس + جبن مبشور + طماط وخيار
1-اول رجيم سويته :
الريوق: اي نوع من الفاكهه بس وحده
الغدا : سلطه (طماط خس خيار)
والعشا : اذا كلش كلش يوعانه كليت شوي سلطه
والعب رياضه<<<< باليوم كنت انزل نص كيلو
2-رجيم دايت سنتر
سويته مدة شهرين نزلت 8 كيلوات
وايد استانست فيه لانه مريح<<وبصراحه كنت اخربط شويء
ما لعبت رياضه
3-رجيم دشتي
سويته كم شهر وكنت انزل كل اسبوع كيلو مع الرياضه مشي ساعه
روعه ومريح بس لازم شروطه تطبق عشان ينضبط (يعني تلتزمين بعدد الكربوهدرات المسموحه + الخضروات ضروريه وبعد لازم تحرصين على كميتها ماتزيد عن المحدد + فيتامينات +8 اكواب ماي في اليوم ضروري جدا)
انا توقفت فتره بسيطه عن دشتي وراح اردله ان شاء الله <<<<<<<<<<ليش؟؟؟؟؟
لانه نظام خفض الكربوهدرات نظام حيات مو رجيم يبدى معاج مرحله مرحله
الى ان توصلين لهدفج مع المحافظه على الرشاقه الدائمه <<<يعني راح تعرفين عدد الكربوهدرات الي يثبت وزنج باليوم وشنو العدد الي يزيدج<< انا لو كنت بالكويت جان رحت عياده وسويت هالنظام
4-نظام غير :: مستوحى من مجموعة تجارب…
الريوق: عصير فاكهه او قطعه وحده من الفاكهه
الغدا : سلطه<< حطي بالسلطه الي تشتهين تاكلينه( فلافل- حمص- لحوم -اسماك- اي شي يخطر في بالج —تفنتق يعني – بس لازم السلطه تكون اهيا الغالبه مو الاضافه)
العشا: كوب شاي مع 5 بسكوتات او قهوه او حليب مع شاي
واحرص على الفيتامينات يوميا
وهذا الرجيم توني باديه فيه ودي اسوي رياضه بس مو قادره واحس اني قاعده انزل وموحارمه روحي
وحطيت لي وجبه فريه بالاسبوع
وبشوف اشكثر انزل؟؟؟؟
وعقب هذا ان شاء الله راح ارد لرجيم دشتي عشان اثبت وزني
وهذا الي عندي ان شاء الله اكون افدت 
""""***<< موفقين ان شاء الله>>***"""""
ونزلت عليه تقريبا 15 كيلو بشهر ونص تقريبا
وسويت رجيم دشتي بس ما كنت ملتزمه فيه عدل عدل كنت اخربط شوي وما ضعفت وايد
والحين اسوي رجيم محمد ربيع والحمدلله في فرق وايد ووايد ضعفت وفي نتيجه مذهله
وبالتالي ترا اي رجيم تسوينه حلاته يكون في احد يتابعج يعني الرجيم ماراح تلتزمون في الا اذا كان في متابعه من دكتور وهذا عن تجربه
والحين اكلي كله دايت بس مشكلتي اللي تخربط دايم رجيماتي الحلو يا حلوات ما اقدر اقاومه ابد حتى لو اكل قطه وحدة ولا اقدر اطنشه ومع هذا اكل حبوب ازيلاكس (( حبوب الكمون )) والحمدلله احس نفسي بديت انزل
سووري قرقرت وايد
انا والله
اسوي رجيم
مع دكتور 0 سامي البدر 0 بالدايت كير
اول مره اشتركت وياه بنظام الاستشاره
نزلت تقريبا كيلوين ب 13 ييوم
لان ماكنت اطبقه عدل هههههههه
الشهر اللي بعده
شفت ماكو فايده
الا اشترك بنظام الاكل وياهم
واشتركت لمدة شهر
اول سبوعين نزلت 4 كيلو
واكلهم لذيذ
وعلى فكره
انا ضعفت من غير رياضه من غير شي
بس المشيي الطبيعي اللي امشيه باليوم
والله انا شفت هالطريقه احسن شي
علشان مافكر اخربط
واذا يعت
افتح البوكس ^_^ واكل اي شي من داخله
وان شاء الله الكل يوصل للوزن اللي يبيه