|
|
السلام عليكم
بنات انا حابة اسأل عن التوفل
انا مستواي ضعيف بالانجليزي………. اوكي
وودي اكمل دراستي والحمدلله معدلي زين وكل شي اوكي ماعدا اللغة
فبعرف دورة التوفل ادشها على طول والا اذا مستواي ضعيف يعطوني مواد وكتب لما اوصل مستوى التوفل؟؟
وشكثر مدة دورة التوفل؟؟
وعبارة عن شنو او شنو فيها بالضبط وشلون طريقتها؟؟ لسننج وريدنج وجذي ؟؟؟
وشنو احسن المعاهد لها وبجم؟؟
انا اخوي قالي ان يعرف واحد كسلان وابيض بالانجليزي يعني ماكو شي وياب 370؟؟ من 600 وانا حسيت زين لان انا ابي 450 فممكن اييب هالشي؟
انا حاطة ابالي ان اخذ التوفل ؟ ويه يبيلي 10 مرات امتحن ويمكن انجح؟؟
فهل انا مبالغة والا صح جذي؟؟
ابي اعرف كل شي الله يخليكم ويجزاكم الجنة وكل خير يارب
أنا دخلت التوفل والحمدلله نجحت فيه من المرة الاولى بس انتي تبينه لاكمال الدراسات العليا والا حق شنو بالضبط ؟ التوفل عبارة عن 3 أقسام الاول استماع لحوارات قصيرة واخرى طويلة وتختارين الاجابة الصحيحة بعد أن ينتهي الحوار ويطرح سؤال وهذا يحتاج للسرعة لان الحوار اللي بعدة يبدأ بعد 5ثواني والقسم الثاني قواعد ويحددون 20دقيقة لحلة والثالث قراءة مواضيع مختلفة كان عددها تقريبا خمسة والحقيقة الموضوع يعتمد على توفيق من الله وبعدها دعوة من الوالدة وموفقة ان شاء الله
واكيد كل شي توفيق من الله بعد بذل الاسباب
بس ماعرفت منج اسم المعهد؟ وبجم؟؟ ومدة الدورة؟؟
اتمنى من الكل يفيدني وشااااااااااااكرة لج
انا يعني بالانجليزي خذيت تقريبا 337 
دخلت الامتحان من غير دراسة ولا شئ … وصارلي عن الانجليزي ودراسته خمس سنوات يعني زين مانسيت شلون ينكتب اسمي …
بس بصراحه المرة الجاية بقدمه على دراسة نص ونص من خلال هالموقع وان شاء الله يفيدج وجربي جم تاخذين فيه والله يوفقنا
https://www.4tests.com/exams/examdetail.asp?eid=57
اضغطي على زر (ابدأ الاختبار)
لا تنسينا بالدعاء وفالج التوفيق
وعنايد ايي انا مدرسة وماينطبق علي ولا شرط من الي قلتيهم لان خدمتي سنة وكلها غيابات ومجالس طبيه وتقديري اذا كارميني جيد واذا في اقل بعد
لكن اذا انقبلت بالجامعة بستقيل عرفتي
مايصير
على فكره فكرت بفكرتج هذي هروبا من الواقع<< من التدريس يعني
بس مازبطت معي <<على قولة اخوانا السوريين
يامعوده لاتقدمين استقالتج الا مضبطه نفسج عشان لاتفلسين من الثنتين لامن دراسه ولامن
وظيفه
وموفقه يارب
وبالماستر في طلبة مقيدين وطلبة غير مقييدين واكييد في فرق بينهم يمكن غير المقيدين عندهم وظايف مادري انا ماسألت
وشنو انا اقدم استقالتي وانا مو مقبوله بالدراسة!!! اشدعوة
وانا هذا كلة مجرد استفسارات ممكن استفيد منها بشي ولا يبت طاري الوظيفة انا بس قاعدة اسأل عن التوفل يمكن ابي اخذه وبس من غير ما اكمل دراستي
احبطتيني صراحة يعني انتي ماضبطت معاج تحبطيني لوووول
اما الطلبة غير المقيدين مادري انا قريت جذي بالاعلان وان راح يتم نشر اعلان ثاني يخص الطلبة المقيدين في نوفمبر
انا مشتركه بمعهد اكسبرشن بس داشه دوره لغه
مستويات واااايد حلو ومفييد
وعندهم توفل بس ما جربته .. وفي معاه دوره على ما اعتقد..سالي منتي خسرانه شي
وهذا رقمهم:2240177
دقي بس يمكن مو مداوميين لانه يستعدون للانتقال لمبنى دسمان
و2810 يبدوون بالمبنى اليدييد
موفقه
الطلبه المقيدين اهم الطلبه اللي منطبقه عليهم كل شروط الماجستير بمافيها شرط التوفل وفيهم طلبه بدوام كلي يعني يداومون في الجامعه الصبح بالاضافه للدراسه وياخذون نظام المنحه يعني مثل المكافأه وطلبه يداومون بنظام جزئي لانهم يشتغلون الصبح بوظائف اخرى
الطلبه الغير مقيدين اهم اللي مو مستوفين لشرط التوفل يتحولون مقيدين اذا استوفوه
بالنسبة للتوفل عن تجربه اخذو دورة مركز االلغات اللي بجامعة الكويت الشويخ
قيمة الدوره 200 الدوره فعلا مفيده اتعلمج التوفل بالضبط شنو يبيله لا يمين ولا يسار انا اجتزت التوفل بعد ما خذيتها
بالنسبة للتوفل امتحنوه بايمديست مو بالجامعه لان اللجه والصيحه بالجامعه غالبا اتضيع تركيزج باللسسننج
اي سؤال احنا حاضرين للطيبين