|
|
السلام عليكم
اعرفكم بنفسي انا ام خالد.gif "Eh S(6)")
من كثر ما بيني وبين ريلي مشاكل وكل شوي كاتبه مشكله بروح قلت احطهم بموضوع واحد عشان تساعدوني
وادري ماراح تقصرون وياي الله لايخليني منكم امييين
انتظروني مع اخر مشكله توها فررررررررررش وابي حل
وابيكم تعلموني اشلون اقرب منه واخليه يحبني واشلون ادلعه واراضيه
ممكن ؟؟
بأنتظارج
والله يهديلج ريلج …وانشاء الله هالزاويه تكتبين فيها اشياء حلووه صارت لج مع ريلج
والله يبعد عنج المشاكل
متزوجين من 3 سنوات وعندي ولد الله يحفظه
زوجي اولا : يحبني – هادي – اتكالي – مخلص نوعا ما – يسكت مددددددددده طوييييييييله وفجأه يعصب واذا عصب زعل فتره اهو يحددها 
ما يعرف يعبر عن شي اسمه حب كلللللللللللللش ميح يعني وانا معاه جني قاعده مع اختي
ولا بأي تصرف مهما كان بسيط وصغير ولا بأي كلمه – ما بينا مشاكل على فلوس مايقصر بشي – عنييييييييد ومتمسك برايه – غشمرجي ويحب الضحك والمساج والسي فود وافلام الاكشن – يحترم اهله بشكل يفووووووووق الوصف هذه من الخطوط الحمرا الي علمني ما اقرب منها – يحب الطلعات والمجمعات والشيشه
هذا مختصر زوجي
انا اسمله على : احبه – شخصيتي قويه – قلبي حار واخلص شغلي بروحي – ثقتي بنفسي كبييييييييره وممكن استغنى عن مساعدته احيانا – عصبيه حيييييييييييييييييييييييييييييييييييييييييل ولاسباب تافهه اعصب وهذا الشي مضايقه فيني – اعبر عن عواطفي وغضبي وكل شي يعني احسن التعبير – ابي اتراضى معاه بسرعه لاني ابي المركب تمشي واهو يرفض- ماني عنيده احترم الي يتناقش معاي واهو مايحب النقاش يحب المشكله تاخذ وقت وتنحل بدوووووون كلام -شخصيتي جاده صعب احد يضحكني- احب المطاعم الي اهو يحبها وعادي علىالافلام اتنازل اشوف شي اهو يحبه-علمته ان اهلي فوق الكل- دايما عندي شعور اني ناقصنيي حبه وعطفه وحنانه دااااااااااااايما هالشعور ما يفارقني
انتظر تعليقاكم وبكمل اقول اخر مشكله صارت بينا
ام خالد حبيبتي حددي المشكله اول عشان
انساعدج
ترى ضعنا !!!!!!
اهو عنده مشاكل بالدوام وحيل باله مشغول وانا فتحت مشروع ولهيت فييييه حييييييييييييييييييييل وتقريبا فجيت عنه
الحين سكرت مشروحي لان ماتوفقت فيه بس بالفتره الي كنت فيها لاهيه ماكان بينا مشاكل كلمن لاهي ويبي يرتااح كلامنا محدود مع بعض وكل شغلنا على الطاير بس ماكو مشاكل
الحين فضيت له وحسيت ان انا كنت اتهرب من مشاكلي بالشغل واهو بعد
بنات مشكلتي الوحيده والازليه والكبيره ان ماكو تعبييييييير لا بالكلام ولا بالفعل
لاتقولون ياهل ساعات الوحده فينا تبي لمه والا حضن والا بوسه على الراس
تبي كلمه حلوه تامرين حاضر من عيوني تدللي
شوفوا اشلون كلمات تافهه بس ريلي ما يقولها وانا تراكمت فيني الحرات مره ورا مره احس جني اطر منه
مع اني يحبني انا ادري بهدوءه معاي وان يتجنب المشاكل ومخلص ويخاف على بيته
بس ان مداخلي مكسوووووووووووووووووووووووووووووووره ابي من يطبطب على 
واهو ما يسوي جذي
راح اكمل نطروني